ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠬᠤᠷᠠᠯᠳᠤᠭᠠᠨ ᠢ᠋ᠶᠠᠷ “ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠢᠷᢉᠡᠨ ᠳ᠋ᠦ ᠥᠮᠴᠢᠯᠡᢉᠦᠯᢈᠦ ᠭᠠᠵᠠᠷ ᠤ᠋ᠨ ᠨᠡᠶᠢᠲᠡ ᢈᠡᠮᠵᠢᠶᠡ᠂ ᠪᠠᠶᠢᠷᠢᠰᠢᠯ᠂ ᠵᠣᠷᠢᠭᠤᠯᠤᠯᠲᠠ”- ᠶ᠋ᠢᢉ ᢈᠡᠯᠡᠯᠴᠡᠨ ᠪᠠᠲᠤᠯᠠᠭᠰᠠᠨ ᠪᠥᢉᠡᠳ ᠒᠐᠒᠕ ᠣᠨ ᠳ᠋ᠤ ᠨᠡᠶᠢᠲᠡ ᠘᠓᠔᠘ ᠢᠷᢉᠡᠨ ᠳ᠋ᠦ ᠙᠒᠖᠂᠓᠘ ᠭᠠ ᠭᠠᠵᠠᠷ ᠢ᠋ ᠥᠮᠴᠢᠯᠡᢉᠦᠯᢈᠦ ᠪᠡᠷ ᠲᠣᠭᠲᠠᠭᠠᠭᠰᠠᠨ ᠪᠠᠶᠢᠨᠠ᠃ ᠢᠩᢉᠢᢉᠰᠡᠨ ᠢ᠋ᠶᠡᠷ ᠲᠤᠰ ᠲᠣᠭᠲᠠᠭᠠᠯ ᠢ᠋ᠶᠠᠷ ᠪᠠᠲᠤᠯᠠᠭᠳᠠᠭᠰᠠᠨ ᠪᠠᠶᠢᠷᠢᠰᠢᠯ ᠪᠦᢈᠦᠢ ᠠᠶᠢᠮᠠᠭ᠂ ᠨᠡᠶᠢᠰᠯᠡᠯ᠂ ᠰᠤᠮᠤ᠂ ᠳᠡᢉᠦᠷᢉᠡ ᠳ᠋ᠦ ᠢᠷᢉᠡᠳ ᠭᠠᠵᠠᠷ ᠥᠮᠴᠢᠯᠡᠵᠦ ᠠᠪᠬᠤ ᠪᠣᠯᠤᠮᠵᠢ ᠪᠦᠷᠢᠳᠴᠦ ᠪᠠᠶᠢᠨᠠ᠃
ᠢᠷᢉᠡᠳ E-Mongolia ᠰᠢᠰᠲ᠋ᠧᠮ ᠢ᠋ᠶᠡᠷ ᠳᠠᠮᠵᠢᠭᠤᠯᠤᠨ ᠭᠠᠵᠠᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠲᠠ᠂ ᢉᠧᠣᠳᠧᠽᠢ᠂ ᠵᠢᠷᠤᠭ ᠵᠦᠢ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠠ᠋ᠴᠠ ᠦᠵᠡᢉᠦᠯᠳᠡᢉ ᠑᠑ ᠲᠥᠷᠦᠯ ᠦ᠋ᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮ ᠢ᠋ᠶᠠᠷ ᠠᠪᠬᠤ ᠪᠣᠯᠤᠮᠵᠢ ᠲᠠᠢ᠃
ᠡᢉᠦᠨ ᠳ᠋ᠦ:
- ᠰᠢᠨᠡ ᠪᠡᠷ ᠭᠠᠵᠠᠷ ᠡᠵᠡᠮᠰᠢᢈᠦ ᠡᠷᢈᠡ ᠠᠪᠬᠤ ᢈᠦᠰᠡᠯᠲᠡ ᠭᠠᠷᠭᠠᠬᠤ
- ᠭᠠᠵᠠᠷ ᠡᠵᠡᠮᠰᠢᢈᠦ ᠡᠷᢈᠡ ᠶ᠋ᠢᠨ ᢉᠡᠷᠡᠴᠢᠯᠡᢉᠡᠨ ᠦ᠋ ᠯᠠᠪᠯᠠᠭᠠ
- ᠭᠠᠵᠠᠷ ᠡᠵᠡᠮᠰᠢᢈᠦ ᠡᠷᢈᠡ ᠶ᠋ᠢᠨ ᠯᠠᠪᠯᠠᠭᠠ
- ᠭᠠᠵᠠᠷ ᠡᠵᠡᠮᠰᠢᢈᠦ᠂ ᠠᠰᠢᠭᠯᠠᠬᠤ ᠲᠤᠰᠬᠠᠢ ᠵᠥᠪᠰᠢᠶᠡᠷᠡᠯ
- ᠭᠠᠵᠠᠷ ᠥᠮᠴᠢᠯᠡᢈᠦ᠂ ᠡᠵᠡᠮᠰᠢᢈᠦ᠂ ᠠᠰᠢᠭᠯᠠᠬᠤ ᠡᠷᢈᠡ ᠶ᠋ᠢᠨ ᠰᠢᢉᠦᢈᠦ ᠶ᠋ᠢᠨ ᠰᠢᠢᠳᠪᠦᠷᠢ ᠲᠡᠢ ᠡᠰᠡᢈᠦ ᠯᠠᠪᠯᠠᠭᠠ
- ᠭᠠᠵᠠᠷ ᠤ᠋ᠨ ᠻᠠᠳᠠᠰᠲ᠋ᠷ ᠤ᠋ᠨ ᠨᠢᢉᠡᠴᠡ ᠲᠠᠯᠠᠪᠤᠷ ᠤ᠋ᠨ ᠲᠣᠳᠤᠷᠬᠠᠶᠢᠯᠠᠯᠲᠠ
- ᠭᠠᠵᠠᠷ ᠤ᠋ᠨ ᠲᠥᠯᠦᠪᠦᠷᠢ᠂ ᠲᠣᠭᠠᠴᠠᠭᠠ ᠨᠡᠶᠢᠯᠡᢉᠰᠡᠨ ᠠᠻᠲ
- ᢉᠧᠣᠳᠧᠽᠢ᠂ ᠵᠢᠷᠤᠭ ᠵᠦᠢ ᠶ᠋ᠢᠨ ᠦᠢᠯᠡᠳᠪᠦᠷᠢᠯᠡᠯ᠂ ᠦᠶᠢᠯᠡᠴᠢᠯᠡᢉᠡ ᠡᠷᢈᠢᠯᠡᢈᠦ ᠲᠤᠰᠬᠠᠢ ᠵᠥᠪᠰᠢᠶᠡᠷᠡᠯ
- ᠨᠢᢉᠡᠴᠡ ᠲᠠᠯᠠᠪᠤᠷ ᠤ᠋ᠨ ᠳᠠᠭᠤᠳᠠᠯᠭᠠ ᠬᠤᠳᠠᠯᠳᠤᠭᠠᠨ ᠤ᠋ ᠠᠩᠬᠠᠨ ᠤ᠋ ᠦᠨᠡ ᠶ᠋ᠢᠨ ᠯᠠᠪᠯᠠᠭᠠ
- ᠨᠢᢉᠡᠴᠡ ᠲᠠᠯᠠᠪᠤᠷ ᠤ᠋ᠨ ᠰᠠᠭᠤᠷᠢ ᠦᠨᠡᠯᠡᢉᠡᠨ ᠦ᠋ ᠯᠠᠪᠯᠠᠭᠠ
- ᠬᠤᠪᠢ ᢈᠦᠮᠦᠨ᠂ ᠬᠠᠤᠯᠢ ᠶ᠋ᠢᠨ ᠡᠲᠡᢉᠡᠳ ᠲᠦ ᠭᠠᠵᠠᠷ ᠡᠵᠡᠮᠰᠢᢉᠦᠯᢈᠦ ᢉᠡᠷᠡ ᠶ᠋ᠢᠨ ᠯᠠᠪᠯᠠᠭᠠ ᠠᠪᠬᠤ ᢈᠦᠰᠡᠯᠲᠡ ᠭᠠᠷᠭᠠᠬᠤ
ᠲᠤᠰᠠ ᠦᠶᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ ᠢ᠋ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ ᠢᠷᢉᠡᠳ ᠥᠪᠡᠷ ᠦ᠋ᠨ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ E-Mongolia ᠰᠢᠰᠲ᠋ᠧᠮ ᠳ᠋ᠦ ᠨᠡᠪᠲᠡᠷᠡᠵᠦ᠂ “ᠦᠶᠢᠯᠡᠴᠢᠯᠡᢉᠡ ᠬᠠᠶᠢᠬᠤ” ᠼᠧᠰᠰ ᠡᠴᠡ ᠦᠢᠯᠡᠴᠢᠯᠡᢉᠡᠨ ᠦ᠋ ᠨᠡᠷᠡ ᠶ᠋ᠢ ᠣᠷᠤᠭᠤᠯᠤᠭᠰᠠᠨ ᠢ᠋ᠶᠠᠷ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠤᠨᠠ᠃
ᠡᠮᠦᠨᠡ ᠨᠢ ᠭᠠᠵᠠᠷ ᠡᠵᠡᠮᠰᠢᢈᠦ᠂ ᠠᠰᠢᠭᠯᠠᠬᠤ ᠡᠷᢈᠡ ᠶ᠋ᠢᠨ ᢉᠡᠷᠡ᠂ ᢉᠡᠷᠡᠴᠢᠯᠡᢉᠡ᠂ᠻᠠᠳᠠᠰᠲ᠋ᠷ ᠤ᠋ᠨ ᠵᠢᠷᠤᠭ ᠪᠣᠯᠤᠨ ᢈᠢᠨᠠᠨ ᠪᠠᠲᠤᠯᠠᠭᠠ ᠵᠡᠷᢉᠡ ᠪᠠᠷᠢᠮᠲᠠ ᠪᠢᠴᠢᢉ ᠲᠦ ᠘–᠑᠐ ᠲᠥᠷᠦ ᠶ᠋ᠢᠨ ᠠᠯᠪᠠᠨ ᠬᠠᠭᠠᠭᠴᠢ ᠶ᠋ᠢᠨ ᠭᠠᠷ ᠤ᠋ᠨ ᠦᠰᠦᢉ ᠱᠠᠭᠠᠷᠳᠠᠯᠭᠠᠲᠠᠢ ᠪᠠᠶᠢᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠲᠤᠰᠠ ᠦᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ ᠴᠠᢈᠢᠮᠵᠢᠭᠰᠠᠨ ᠢ᠋ᠶᠠᠷ ᠭᠠᠵᠠᠷ ᠡᠵᠡᠮᠰᠢᢈᠦ᠂ ᠠᠰᠢᠭᠯᠠᠬᠤ ᠦᠢᠯᠡ ᠶᠠᠪᠤᠴᠠ ᠶ᠋ᠢ ᢈᠢᠯᠪᠠᠷᠰᠢᠭᠤᠯᠵᠤ᠂ ᠲᠥᠷᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠱᠠᠲᠤ ᠳᠠᠮᠵᠢᠯᠭᠠ ᠶ᠋ᠢ ᠪᠠᠭᠠᠰᠬᠠᠨ᠂ ᠢᠷᢉᠡᠳ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠲᠦᠷᢉᠡᠨ ᠰᠢᠭᠤᠷᠬᠠᠢ ᠠᠪᠬᠤ᠂ ᠲᠥᠷᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠬᠣᠭᠤᠷᠤᠨᠳᠤ ᠭᠠᠵᠠᠷ ᠲᠠᠢ ᠬᠣᠯᠪᠤᠭᠠᠲᠠᠢ ᠮᠡᠳᠡᢉᠡᠯᠡᠯ ᠰᠣᠯᠢᠯᠴᠠᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠴᠠᠭᠠᠰᠤ ᠪᠠᠷ ᠪᠤᠰᠤ ᠴᠠᢈᠢᠮ ᠢ᠋ᠶᠠᠷ ᠪᠦᠷᠢᠳᠦᢉᠦᠯᢈᠦ᠂ ᠰᠣᠯᠢᠯᠴᠠᠬᠤ᠂ ᠪᠠᠲᠤᠯᠠᠭᠠᠵᠢᠭᠤᠯᠬᠤ ᢉᠡᢈᠦ ᠮᠡᠲᠦ ᠪᠣᠯᠤᠮᠵᠢ ᠨᠤᠭᠤᠳ ᠪᠦᠷᠢᠳᠴᠦ ᠪᠠᠶᠢᠨᠠ᠃