ᠨᠡᠶᠢᠰᠯᠡᠯ ᠦᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠦ ᠬᠤᠳᠠᠯᠳᠤᠭᠠ᠂ ᠦᠢᠯᠡᠴᠢᠯᠡᠭᠡ ᠡᠷᠬᠢᠯᠡᠬᠦ ᠬᠠᠮᠤᠭ ᠤᠨ ᠡᠷᠢᠯᠲᠡ ᠲᠡᠢ ᠑᠐ ᠲᠥᠷᠦᠯ ᠦᠨ ᠵᠥᠪᠰᠢᠶᠡᠷᠡᠯ ᠢ ᠨᠡᠮᠡᠯᠡ᠃ ᠡᠨᠡ ᠲᠠᠯᠠ ᠪᠠᠷ ᠴᠠᠬᠢᠮ ᠬᠥᠭᠵᠢᠯ ᠬᠠᠷᠢᠯᠴᠠᠭᠠ ᠬᠣᠯᠪᠣᠭᠠᠨ ᠤ ᠰᠠᠶᠢᠳ ᠨ ∙ ᠤᠴᠠᠷᠠᠯ᠂ 《ᠢ-ᠮᠣᠩᠭᠣᠯ ᠠᠺᠠᠳᠧᠮᠢ》 ᠤᠯᠤᠰ ᠤᠨ ᠲᠥᠰᠥᠪᠲᠦ ᠦᠢᠯᠡᠳᠪᠦᠷᠢ ᠶᠢᠨ ᠭᠠᠵᠠᠷ ᠤᠨ ᠵᠠᠬᠢᠷᠤᠯ ᠪ ∙ ᠮᠢᠭᠮᠠᠷᠨᠠᠷᠠᠨ ᠨᠠᠷ ᠬᠡᠪᠯᠡᠯ ᠦᠨ ᠬᠤᠷᠠᠯ ᠬᠢᠵᠦ ᠮᠡᠳᠡᠭᠡᠯᠡᠯ ᠥᠭᠭᠦᠭᠰᠡᠨ ᠶᠤᠮ᠃
ᠪᠢᠽᠢᠨ᠋ᠧᠰ ᠡᠷᠬᠢᠯᠡᠭᠴᠢ ᠬᠦᠮᠦᠨ ᠪᠦᠷᠢ ᠳᠦ ᠵᠣᠷᠢᠭᠤᠯᠤᠭᠰᠠᠨ E-Business ᠫᠯᠠᠲ᠋ᠹᠣᠷᠮ ᠢ ᠡᠨᠡ ᠣᠨ ᠤ ᠐᠔ ᠳᠦᠭᠡᠷ ᠰᠠᠷᠠ ᠶᠢᠨ ᠐᠖ ᠍ ᠤ ᠡᠳᠦᠷ 《ᠢ-ᠮᠣᠩᠭᠣᠯ ᠠᠺᠠᠳᠧᠮᠢ》 ᠤᠯᠤᠰ ᠤᠨ ᠲᠥᠰᠥᠪᠲᠦ ᠦᠢᠯᠡᠳᠪᠦᠷᠢ ᠶᠢᠨ ᠭᠠᠵᠠᠷ ᠠᠯᠪᠠᠨ ᠶᠣᠰᠣᠭᠠᠷ ᠨᠡᠭᠡᠭᠡᠵᠦ ᠪᠠᠶᠢᠪᠠ᠃ ᠢᠩᠭᠢᠭᠰᠡᠨ ᠢᠶᠡᠷ ᠬᠠᠤᠯᠢ ᠶᠢᠨ ᠡᠲᠡᠭᠡᠳ ᠡᠭᠦᠰᠬᠡᠨ ᠪᠠᠶᠢᠭᠤᠯᠬᠤ ᠠᠴᠠ ᠡᠬᠢᠯᠡᠭᠡᠳ ᠲᠠᠲᠠᠨ ᠪᠠᠭᠤᠯᠭᠠᠬᠤ ᠬᠦᠷᠲᠡᠯᠡ ᠪᠦᠬᠦ ᠱᠠᠲᠤ ᠶᠢ ᠴᠠᠬᠢᠮᠵᠢᠭᠤᠯᠵᠤ᠂ ᠪᠦᠬᠦ ᠲᠥᠷᠥᠯ ᠦᠨ ᠵᠥᠪᠰᠢᠶᠡᠷᠡᠯ ᠬᠦᠰᠡᠬᠦ᠂ ᠰᠤᠩᠭᠠᠬᠤ ᠰᠢᠢᠳᠦᠯ ᠦᠳ ᠢ ᠨᠢᠭᠡ ᠳᠣᠣᠷᠠ ᠠᠴᠠ ᠠᠪᠬᠤ ᠪᠣᠯᠤᠮᠵᠢ ᠶᠢ ᠪᠦᠷᠢᠳᠦᠭᠰᠡᠨ᠃
ᠬᠠᠷᠢᠨ ᠥᠨᠥᠳᠥᠷ ᠪᠤᠶᠤ ᠐᠙ ᠳᠦᠭᠡᠷ ᠰᠠᠷᠠ ᠶᠢᠨ ᠒᠕ ᠍ ᠤ ᠡᠳᠦᠷ ᠲᠤᠰ ᠫᠯᠠᠲ᠋ᠹᠣᠷᠮ ᠢᠶᠠᠷ ᠢᠷᠭᠡᠨ᠂ ᠠᠵᠤ ᠠᠬᠤᠢ ᠶᠢᠨ ᠨᠢᠭᠡᠴᠡ ᠬᠦᠨᠡᠰᠦᠨ ᠦ ᠳᠡᠯᠭᠡᠭᠦᠷ᠂ ᠷᠧᠰᠲ᠋ᠣᠷᠠᠨ᠂ ᠠᠶᠠ ᠲᠤᠬᠠᠲᠠᠢ ᠳᠡᠯᠭᠡᠭᠦᠷ᠂ ᠮᠢᠨᠢᠮᠠᠷᠺᠧᠲ᠂ ᠪᠠᠭᠠᠷ /ᠺᠠᠷᠠᠣᠺᠧ/᠂ ᠴᠠᠶᠢᠨ ᠤ ᠭᠠᠵᠠᠷ᠂ ᠰᠤᠫᠧᠷᠮᠠᠷᠺᠧᠲ᠂ ᠵᠣᠴᠢᠳ ᠪᠠᠭᠤᠳᠠᠯ᠂ ᠮᠤᠬᠤᠯᠠᠭ᠂ ᠬᠦᠨᠡᠰᠦᠨ ᠦ ᠵᠠᠬᠠ ᠬᠤᠳᠠᠯᠳᠤᠭᠠᠨ ᠤ ᠲᠥᠪ ᠦᠨ ᠦᠢᠯᠡᠴᠢᠯᠡᠭᠡ ᠡᠷᠬᠢᠯᠡᠬᠦ ᠬᠦᠰᠡᠯᠲᠦ ᠪᠡᠨ ᠢᠯᠡᠭᠡᠬᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠯᠠ᠃
ᠬᠦᠰᠡᠯᠲᠦ ᠪᠡᠨ ᠭᠠᠷᠭᠠᠭᠠᠳ ᠨᠢᠭᠡ ᠤᠳᠠᠭᠠ ᠡᠷᠬᠡ ᠠᠪᠤᠭᠰᠠᠨ ᠪᠣᠯ ᠳᠠᠷᠠᠭᠠ ᠶᠢᠨ ᠤᠳᠠᠭᠠ ᠡᠷᠬᠡ ᠪᠡᠨ ᠰᠤᠩᠭᠠᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠦᠭᠡᠢ ᠲᠡᠳᠦᠢ ᠦᠭᠡᠢ ᠬᠦᠰᠡᠯᠲᠡ ᠶᠢ ᠠᠵᠢᠯ ᠤᠨ ᠓᠐ ᠬᠣᠨᠣᠭ ᠤᠨ ᠳᠣᠲᠣᠷᠠ ᠶᠠᠮᠠᠷ ᠨᠢᠭᠡᠨ ᠲᠥᠯᠥᠪᠦᠷᠢ ᠲᠥᠯᠥᠬᠦ ᠦᠭᠡᠢ ᠪᠡᠷ ᠭᠠᠷᠭᠠᠬᠤ ᠶᠤᠮ᠃ ᠵᠢᠭᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠬᠦᠰᠡᠯᠲᠡ ᠶᠢ ᠰᠢᠢᠳᠪᠦᠷᠢᠯᠡᠭᠡ ᠦᠭᠡᠢ ᠲᠣᠬᠢᠶᠠᠯᠳᠤᠯ ᠳᠤ ᠪᠣᠯ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠢᠷᠭᠡᠳ ᠲᠦ ᠦᠢᠯᠡᠴᠢᠯᠡᠬᠦ ᠑᠑᠑᠑ ᠲᠥᠪ ᠪᠣᠯᠤᠨ ᠴᠠᠬᠢᠮ ᠬᠥᠭᠵᠢᠯ᠂ ᠬᠠᠷᠢᠯᠴᠠᠭᠠ ᠬᠣᠯᠪᠣᠭᠠᠨ ᠤ ᠶᠠᠮᠤᠨ ᠳᠤ ᠬᠠᠨᠳᠤᠨᠠ᠃
ᠬᠠᠷᠢᠨ 《ᠨᠡᠶᠢᠰᠯᠡᠯ ᠦᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠦ ᠬᠤᠳᠠᠯᠳᠤᠭᠠ᠂ ᠦᠢᠯᠡᠴᠢᠯᠡᠭᠡ ᠡᠷᠬᠢᠯᠡᠬᠦ ᠨᠡᠶᠢᠲᠡᠯᠢᠭ ᠵᠢᠷᠤᠮ》 ᠍ ᠶᠢᠨ ᠑᠐.᠒ ᠍ ᠲᠤ ᠵᠢᠭᠠᠭᠰᠠᠨ ᠢᠶᠠᠷ ᠓ ᠍ ᠠᠴᠠ ᠳᠡᠭᠡᠭᠰᠢ ᠤᠳᠠᠭᠠ ᠵᠢᠷᠤᠮ ᠵᠥᠷᠢᠴᠡᠭᠰᠡᠨ᠂ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ᠂ ᠰᠲ᠋ᠠᠨᠳᠠᠷᠲ᠂ ᠲᠠᠯᠪᠢᠭᠳᠠᠬᠤ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠭᠠ ᠦᠭᠡᠢ᠂ ᠵᠥᠷᠢᠴᠡᠯ ᠠᠷᠢᠯᠭᠠᠬᠤ ᠡᠭᠦᠷᠭᠡ ᠳᠠᠭᠠᠭᠠᠯᠭᠠᠪᠤᠷᠢ ᠶᠢ ᠬᠤᠭᠤᠴᠠᠭᠠᠨ ᠳᠤ ᠨᠢ ᠪᠡᠶᠡᠯᠡᠭᠦᠯᠦᠭᠡ ᠦᠭᠡᠢ ᠲᠣᠬᠢᠶᠠᠯᠳᠤᠯ ᠳᠤ ᠬᠢᠨᠠᠯᠲᠠ ᠰᠢᠯᠭᠠᠯᠲᠠ ᠶᠢᠨ ᠳ᠋ᠦᠩ᠂ ᠡᠷᠬᠡ ᠪᠦᠬᠦᠢ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠠᠴᠠ ᠢᠷᠡᠭᠦᠯᠦᠭᠰᠡᠨ ᠰᠠᠨᠠᠯ ᠢ ᠦᠨᠳᠦᠰᠦᠯᠡᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠬᠤ ᠡᠷᠬᠡ ᠴᠤᠴᠠᠯᠠᠭᠳᠠᠬᠤ ᠠᠵᠤ᠃
ᠢᠷᠭᠡᠨ ᠲᠠ ᠥᠪᠡᠷ ᠦᠨ ᠪᠣᠯᠤᠨ ᠠᠵᠤ ᠠᠬᠤᠢ ᠶᠢᠨ ᠨᠢᠭᠡᠴᠡ ᠶᠢᠨ ᠢᠶᠡᠨ ᠪᠦᠷᠢᠳᠬᠡᠯ ᠢᠶᠡᠷ E-Business ᠫᠯᠠᠲ᠋ᠹᠣᠷᠮ ᠳᠤ ᠨᠡᠪᠲᠡᠷᠡᠨ ᠣᠷᠣᠵᠤ᠂ ᠨᠡᠶᠢᠰᠯᠡᠯ ᠦᠨ ᠵᠥᠪᠰᠢᠶᠡᠷᠡᠯ ᠦᠳ ᠭᠡᠰᠡᠨ ᠠᠩᠭᠢᠯᠠᠯ ᠠᠴᠠ ᠥᠪᠡᠷ ᠦᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠡᠷᠬᠢᠯᠡᠬᠦ ᠲᠥᠷᠥᠯ ᠢ ᠰᠣᠩᠭᠣᠨ ᠬᠦᠰᠡᠯᠲᠦ ᠪᠡᠨ ᠢᠯᠡᠭᠡᠭᠡᠷᠡᠢ᠃ ᠵᠥᠪᠰᠢᠶᠡᠷᠡᠯ ᠠᠪᠬᠤ ᠬᠦᠰᠡᠯ ᠳᠦ ᠢᠯᠡᠭᠡᠬᠦ ᠳᠡᠯᠭᠡᠷᠡᠩᠭᠦᠢ ᠸᠢᠳᠢᠣ᠋ ᠵᠢᠭᠠᠪᠤᠷᠢ ᠲᠠᠢ ᠲᠠᠨᠢᠯᠴᠠᠬᠤ ᠪᠣᠯ ᠡᠨᠳᠡ ᠳᠠᠷᠤᠨᠠ ᠤᠤ᠃
