2024-2025 ᠣᠨ ᠤ ᠬᠢᠴᠢᠶᠡᠯ ᠦᠨ ᠵᠢᠯ ᠳᠦ ᠤᠷᠢᠳᠴᠢᠯᠠᠭᠰᠠᠨ ᠪᠠᠶᠢᠳᠠᠯ ᠢᠶᠠᠷ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠᠳ ᠴᠡᠴᠡᠷᠯᠢᠭ ᠦᠨ ᠨᠠᠰᠤᠨ ᠤ 142150 ᠬᠡᠦᠬᠡᠳ ᠪᠠᠶᠢᠭᠠ ᠠᠴᠠ 2 ᠨᠠᠰᠤᠲᠠᠢ 30894 ᠬᠡᠦᠬᠡᠳ ᠪᠠᠶᠢᠨᠠ᠃ ᠨᠡᠶᠢᠰᠯᠡᠯ ᠦᠨ ᠴᠡᠴᠡᠷᠯᠢᠭ ᠦᠨ ᠪᠦᠷᠢᠳᠬᠡᠯ ᠢ ᠲᠥᠷᠥ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠦ ᠨᠢᠭᠡᠳᠦᠭᠰᠡᠨ ᠰᠢᠰᠲ᠋ᠧᠮ E-Mongolia ᠍ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠭᠤᠷᠪᠠ ᠳᠠᠬᠤ ᠵᠢᠯ ᠳᠦ ᠪᠡᠨ ᠬᠦᠯᠢᠶᠡᠨ ᠠᠪᠴᠤ ᠪᠠᠶᠢᠭᠠ ᠶᠤᠮ᠃
ᠡᠨᠡ ᠵᠢᠯ ᠦᠨ ᠬᠤᠪᠢ ᠳᠤ ᠴᠡᠴᠡᠷᠯᠢᠭ ᠦᠨ ᠪᠦᠷᠢᠳᠬᠡᠯ ᠦᠨ ᠬᠦᠰᠡᠯᠲᠡ ᠶᠢ ᠨᠠᠶᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 1 ᠍ ᠨ ᠡᠴᠡ ᠡᠬᠢᠯᠡᠨ E-Mongolia ᠰᠢᠰᠲ᠋ᠧᠮ ᠢᠶᠡᠷ ᠬᠦᠯᠢᠶᠡᠨ ᠠᠪᠴᠤ ᠡᠬᠢᠯᠡᠨᠡ᠃ ᠪᠦᠷᠢᠳᠬᠡᠯ ᠢ ᠬᠣᠶᠠᠷ ᠦᠶᠡ ᠱᠠᠲᠤ ᠲᠠᠢ ᠪᠠᠷ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠥᠭᠡᠳ ᠬᠦᠰᠡᠯᠲᠡ ᠶᠢ ᠴᠠᠬᠢᠮ ᠢᠶᠠᠷ ᠪᠣᠯᠤᠨ ᠬᠠᠷᠢᠶᠠ ᠳᠡᠭᠦᠷᠭᠡ ᠶᠢᠨ ᠲᠥᠷᠥ ᠶᠢᠨ ᠥᠮᠴᠢ ᠶᠢᠨ ᠴᠡᠴᠡᠷᠯᠢᠭ ᠲᠦ ᠬᠠᠨᠳᠤᠨ ᠭᠠᠷᠭᠠᠬᠤ ᠪᠣᠯᠤᠮᠵᠢ ᠲᠠᠢ᠃
ᠴᠡᠴᠡᠷᠯᠢᠭ ᠦᠨ ᠨᠠᠰᠤᠨ ᠤ ᠬᠡᠦᠬᠡᠳ ᠢᠶᠡᠨ ᠪᠥᠷᠢᠳᠬᠡᠭᠦᠯᠬᠦ ᠬᠦᠰᠡᠯᠲᠡ ᠶᠢ ᠬᠣᠶᠠᠷ ᠦᠶᠡ ᠱᠠᠲᠤ ᠲᠠᠢ ᠬᠦᠯᠢᠶᠡᠨ ᠠᠪᠤᠨᠠ᠃ ᠨᠢᠭᠡᠳᠦᠭᠡᠷ ᠦᠶᠡ ᠱᠠᠲᠤ 2024 ᠣᠨ ᠤ ᠨᠠᠶᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 01 ᠍ ᠦ ᠡᠳᠦᠷ ᠡᠴᠡ 18 ᠍ ᠦ ᠡᠳᠦᠷ ᠦᠳ ᠲᠦ ᠦᠷᠭᠦᠯᠵᠢᠯᠡᠬᠦ ᠪᠥᠭᠡᠳ ᠡᠬᠢᠨ ᠦ ᠦᠶᠡ ᠱᠠᠲᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠤᠭᠠ ᠠᠴᠠ ᠬᠣᠶᠠᠳᠤᠭᠠᠷ ᠦᠶᠡ ᠱᠠᠲᠤ ᠡᠬᠢᠯᠡᠬᠦ ᠶᠤᠮ᠃
ᠴᠠᠬᠢᠮ ᠢᠶᠠᠷ ᠪᠥᠷᠢᠳᠬᠡᠭᠦᠯᠬᠦ ᠳᠦ ᠪᠡᠨ᠄
• E-Mongolia ᠲᠥᠷᠥ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠦ ᠨᠢᠭᠡᠳᠦᠭᠰᠡᠨ ᠰᠢᠰᠲ᠋ᠧᠮ ᠷᠦᠦ ᠨᠡᠪᠲᠡᠷᠡᠨ ᠣᠷᠣᠨᠠ᠃
• ᠣᠨᠴᠠᠯᠠᠬᠤ ᠦᠢᠯᠡᠴᠢᠯᠡᠭᠡᠨ ᠳᠡᠭᠡᠷᠡ 《ᠨᠡᠶᠢᠰᠯᠡᠯ ᠦᠨ ᠴᠡᠴᠡᠷᠯᠢᠭ ᠲᠦ ᠬᠠᠮᠤᠷᠤᠭᠳᠠᠬᠤ ᠬᠦᠰᠡᠯᠲᠡ》 ᠭᠡᠰᠡᠨ ᠬᠡᠰᠡᠭ ᠭᠠᠷᠴᠤ ᠢᠷᠡᠬᠦ ᠳᠦ ᠬᠡᠦᠬᠡᠳ ᠦᠨ ᠢᠶᠡᠨ ᠮᠡᠳᠡᠭᠡᠯᠡᠯ ᠢ ᠣᠷᠣᠭᠤᠯᠤᠨᠠ᠃
• ᠡᠮᠦᠨᠡ ᠵᠢᠯ ᠴᠡᠴᠡᠷᠯᠢᠭ ᠲᠦ ᠬᠠᠮᠤᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠪᠦᠷᠢᠳᠬᠡᠯ ᠲᠡᠢ ᠪᠣᠯ ᠲᠤᠬᠠᠢ ᠶᠢᠨ ᠴᠡᠴᠡᠷᠯᠢᠭ ᠦᠨ ᠨᠡᠷᠡ᠂ ᠳ᠋ᠤᠭᠠᠷ᠂ ᠳᠡᠭᠦᠷᠭᠡ ᠶᠢ ᠬᠠᠮᠲᠤ ᠰᠣᠩᠭᠣᠨᠠ᠃
• ᠴᠡᠴᠡᠷᠯᠢᠭ ᠦᠨ ᠨᠡᠷᠡ᠂ ᠳ᠋ᠤᠭᠠᠷ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠯ 《ᠰᠢᠨᠡ ᠪᠡᠷ ᠡᠯᠰᠡᠬᠦ ᠬᠡᠦᠬᠡᠳ》 ᠭᠡᠵᠦ ᠣᠶᠢᠯᠠᠭᠠᠨᠠ᠃
• ᠬᠡᠦᠬᠡᠳ ᠦᠨ ᠪᠦᠷᠢᠳᠬᠡᠯ ᠲᠡᠢ ᠬᠠᠶ᠋ᠢᠭ ᠢ ᠰᠣᠩᠭᠣᠨᠠ᠃
• ᠴᠡᠴᠡᠷᠯᠢᠭ ᠲᠦ ᠬᠡᠦᠬᠡᠳ ᠢᠶᠡᠨ ᠬᠠᠮᠤᠷᠤᠭᠤᠯᠬᠤ ᠦᠭᠡᠢ ᠪᠣᠯ ᠰᠢᠯᠲᠠᠭᠠᠨ ᠢᠶᠠᠨ ᠰᠣᠩᠭᠣᠭᠠᠳ ᠬᠦᠰᠡᠯᠲᠡ ᠶᠢ ᠢᠯᠡᠭᠡᠨᠡ᠃
• ᠬᠡᠦᠬᠡᠳ ᠢᠶᠡᠨ ᠪᠦᠷᠢᠳᠬᠡᠯ ᠲᠡᠢ ᠴᠡᠴᠡᠷᠯᠢᠭᠲᠦ ᠪᠡᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠰᠤᠷᠤᠯᠴᠠᠭᠤᠯᠬᠤ ᠪᠣᠯ 《ᠲᠠᠨ ᠤ ᠬᠦᠰᠡᠯᠲᠡ ᠶᠢ ᠬᠦᠯᠢᠶᠡᠨ ᠠᠪᠤᠯᠠ.》 ᠭᠡᠰᠡᠨ ᠮᠡᠳᠡᠭᠡᠯᠡᠯ ᠭᠠᠷᠴᠤ ᠢᠷᠡᠬᠦ ᠳᠦ ᠬᠦᠰᠡᠯᠲᠦ ᠪᠡᠨ ᠰᠢᠭᠤᠳ ᠢᠯᠡᠭᠡᠬᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠨᠠ᠃
• ᠪᠦᠷᠢᠳᠬᠡᠯᠲᠡᠢ ᠴᠡᠴᠡᠷᠯᠢᠭᠲᠦ ᠪᠡᠨ ᠬᠠᠮᠤᠷᠤᠭᠤᠯᠬᠤ ᠦᠭᠡᠢ᠂ ᠡᠰᠡᠪᠡᠯ ᠰᠢᠨᠡ ᠪᠡᠷ ᠡᠯᠰᠡᠬᠦ ᠬᠡᠦᠬᠡᠳ 《ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠬᠢᠬᠦ ᠦᠭᠡᠢ.》 ᠭᠡᠰᠡᠨ ᠲᠣᠬᠢᠶᠠᠯᠳᠤᠯ ᠳᠤ 《ᠲᠤᠬᠠᠢ ᠶᠢᠨ ᠬᠠᠶᠠᠭ ᠳᠡᠭᠡᠷᠡ ᠬᠤᠪᠢᠶᠠᠷᠢᠯᠠᠯᠲᠠ ᠬᠢᠨᠡ.》 ᠭᠡᠰᠡᠨ ᠮᠡᠳᠡᠭᠡᠯᠡᠯ ᠭᠠᠷᠴᠤ ᠢᠷᠡᠭᠰᠡᠨ ᠦ ᠳᠠᠷᠠᠭᠠ 《ᠣᠶᠢᠯᠠᠭᠠᠯᠠ》 ᠭᠡᠰᠡᠨ ᠲᠣᠪᠴᠢ ᠶᠢ ᠳᠠᠷᠤᠭᠰᠠᠨ ᠢᠶᠠᠷ ᠬᠦᠰᠡᠯᠲᠡ ᠢᠯᠡᠭᠡᠭᠳᠡᠨᠡ᠃
• ᠪᠦᠷᠢᠳᠬᠡᠯᠲᠡᠢ ᠴᠡᠴᠡᠷᠯᠢᠭᠲᠦ ᠪᠡᠨ ᠬᠠᠮᠤᠷᠤᠭᠤᠯᠬᠤ ᠦᠭᠡᠢ᠂ ᠡᠰᠡᠪᠡᠯ ᠰᠢᠨᠡ ᠪᠡᠷ ᠡᠯᠰᠡᠬᠦ ᠬᠡᠦᠬᠡᠳ 《ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠬᠢᠨᠡ.》 ᠭᠡᠰᠡᠨ ᠲᠣᠬᠢᠶᠠᠯᠳᠤᠯ ᠳᠤ 《2024 ᠣᠨ ᠤ 08 ᠳ᠋ᠤᠭᠠᠷ ᠰᠠᠷᠠ ᠶᠢᠨ 18 ᠍ ᠤ ᠡᠳᠦᠷ ᠦᠨ 17᠄00 ᠴᠠᠭ ᠠᠴᠠ ᠡᠮᠦᠨᠡ ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠢᠶᠡᠨ ᠬᠢᠨᠡ.》 ᠭᠡᠰᠡᠨ ᠮᠡᠳᠡᠭᠡᠯᠡᠯ ᠭᠠᠷᠴᠤ ᠢᠷᠡᠭᠰᠡᠨ ᠦ ᠳᠠᠷᠠᠭᠠ 《ᠣᠶᠢᠯᠠᠭᠠᠯᠠ》 ᠭᠡᠰᠡᠨ ᠲᠣᠪᠴᠢ ᠶᠢ ᠳᠠᠷᠤᠭᠰᠠᠨ ᠢᠶᠠᠷ ᠬᠦᠰᠡᠯᠲᠡ ᠢᠯᠡᠭᠡᠭᠳᠡᠬᠦ ᠪᠣᠯᠤᠨᠠ᠃
ᠡᠴᠢᠭᠡ ᠡᠬᠡ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠭᠴᠢᠳ ᠲᠤ ᠲᠠᠯᠪᠢᠭᠳᠠᠬᠤ ᠱᠠᠭᠠᠷᠳᠠᠯᠭᠠ᠄
1. ᠣᠷᠣᠰᠢᠨ ᠰᠠᠭᠤᠭᠠ ᠭᠠᠵᠠᠷ ᠲᠤ ᠪᠠᠨ ᠪᠦᠷᠢᠳᠬᠡᠯ ᠲᠡᠢ᠂ ᠪᠢᠴᠢᠭ ᠪᠠᠷᠢᠮᠲᠠ ᠶᠢᠨ ᠵᠥᠷᠢᠴᠡᠯ ᠦᠭᠡᠢ ᠪᠠᠶᠢᠬᠤ;
2. ᠬᠠᠶᠠᠭ ᠳᠡᠭᠡᠷᠡ ᠪᠡᠨ ᠲᠦᠷᠢ ᠣᠷᠣᠰᠢᠨ ᠰᠠᠭᠤᠭᠠ ᠢᠷᠭᠡᠨ ᠴᠡᠴᠡᠷᠯᠢᠭ ᠲᠦ ᠬᠡᠦᠬᠡᠳ ᠢᠶᠡᠨ ᠬᠠᠮᠤᠷᠤᠭᠤᠯᠬᠤ ᠬᠦᠰᠡᠯᠲᠡ ᠶᠢ ᠴᠠᠬᠢᠮ ᠢᠶᠠᠷ ᠢᠯᠡᠭᠡᠬᠦ ᠶᠢᠨ ᠲᠤᠯᠠᠳᠠ ᠠᠮᠢᠳᠤᠷᠠᠵᠤ ᠪᠤᠢ ᠬᠣᠷᠢᠶᠠ᠂ ᠳᠦᠭᠦᠷᠭᠡ ᠳᠦ ᠪᠡᠨ ᠪᠦᠷᠢᠳᠬᠡᠭᠦᠯᠵᠦ᠂ ᠤᠯᠤᠰ ᠤᠨ ᠪᠦᠷᠢᠳᠬᠡᠯ ᠦᠨ ᠬᠠᠶ᠋ᠢᠭ ᠢ ᠡᠯᠰᠡᠯᠲᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠬᠤᠭᠤᠴᠠᠭᠠᠨ ᠠᠴᠠ ᠡᠮᠦᠨᠡ ᠰᠢᠯᠵᠢᠭᠦᠯᠦᠭᠰᠡᠨ ᠪᠠᠶᠢᠬᠤ;
3. ᠴᠠᠬᠢᠮ ᠰᠢᠰᠲ᠋ᠧᠮ ᠳᠦ ᠪᠥᠷᠢᠳᠬᠡᠭᠦᠯᠬᠦ ᠪᠣᠯᠤᠮᠵᠢ ᠦᠭᠡᠢ ᠢᠷᠭᠡᠳ ᠪᠦᠷᠢᠳᠬᠡᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠠᠵᠢᠯ ᠤᠨ ᠡᠳᠦᠷ᠂ ᠠᠵᠢᠯ ᠤᠨ ᠴᠠᠭ ᠢᠶᠠᠷ ᠲᠤᠬᠠᠢ ᠶᠢᠨ ᠳᠡᠭᠦᠷᠭᠡ ᠶᠢᠨ ᠣᠶᠢᠷᠠ ᠪᠠᠶᠢᠷᠢᠯᠠᠬᠤ ᠲᠥᠷᠥ ᠶᠢᠨ ᠥᠮᠴᠢ ᠶᠢᠨ ᠴᠡᠴᠡᠷᠯᠢᠭ ᠦᠨ ᠳᠡᠮᠵᠢᠬᠦ ᠪᠠᠭ ᠲᠤ ᠬᠠᠨᠳᠤᠬᠤ᠃
4. ᠴᠡᠴᠡᠷᠯᠢᠭ ᠦᠨ ᠵᠦᠭ ᠡᠴᠡ ᠲᠠᠯᠪᠢᠵᠤ ᠪᠤᠢ ᠬᠠᠤᠯᠢ ᠶᠣᠰᠣᠨ ᠤ ᠱᠠᠭᠠᠷᠳᠠᠯᠭᠠ ᠶᠢ ᠪᠡᠶᠡᠯᠡᠭᠦᠯᠬᠦ᠃
ᠬᠡᠷᠪᠡ ᠲᠠ E-Mongolia ᠰᠢᠰᠲ᠋ᠧᠮ ᠢᠶᠡᠷ ᠳᠠᠮᠵᠢᠭᠤᠯᠤᠨ ᠴᠡᠴᠡᠷᠯᠢᠭ ᠦᠨ ᠪᠦᠷᠢᠳᠬᠡᠯ ᠦᠨ ᠬᠦᠰᠡᠯᠲᠡ ᠶᠠᠪᠤᠭᠤᠯᠬᠤ ᠪᠣᠯᠤᠮᠵᠢ ᠦᠭᠡᠢ ᠪᠠᠶᠢᠭᠠ ᠲᠣᠬᠢᠶᠠᠯᠳᠤᠯ ᠳᠤ ᠬᠠᠷᠢᠶᠠ ᠳᠡᠭᠦᠷᠭᠡ ᠶᠢᠨ ᠴᠡᠴᠡᠷᠯᠢᠭ ᠳᠡᠭᠡᠷᠡ ᠠᠵᠢᠯᠯᠠᠵᠤ ᠪᠤᠢ ᠠᠵᠢᠯ ᠤᠨ ᠬᠡᠰᠡᠭ ᠲᠦ ᠬᠠᠨᠳᠤᠵᠤ ᠵᠥᠪᠯᠡᠭᠡ᠂ ᠳᠡᠮᠵᠢᠯᠭᠡ ᠠᠪᠬᠤ ᠶᠢ ᠵᠥᠪᠯᠡᠵᠦ ᠪᠠᠶᠢᠨᠠ᠃