ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠬᠠᠤᠯᠢ ᠶ᠋ᠢᠨ ᠑᠗᠂᠑᠃᠔᠆ ᠲᠦ “ᠡᢈᠡ ᠣᠷᠤᠨ ᠢ᠋ᠶᠠᠨ ᠬᠠᠮᠠᠭᠠᠯᠠᠬᠤ᠂ ᠬᠠᠤᠯᠢ ᠶ᠋ᠢᠨ ᠳᠠᠭᠠᠭᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠬᠤ” ᠦᠨᠳᠦᠰᠦᠨ ᠡᢉᠦᠷᢉᠡ ᠲᠡᠢ ᢈᠡᠮᠡᠨ ᠬᠠᠤᠯᠢᠴᠢᠯᠠᠭᠰᠠᠨ ᠪᠠᠶᠢᠳᠠᠭ᠃ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠬᠤ ᠪᠣᠯᠤᠨ ᠬᠠᠭᠠᠭᠰᠠᠨ ᠢ᠋ᠶᠠᠷ ᠲᠣᠭᠠᠴᠠᠭᠤᠯᠬᠤ ᠳ᠋ᠤ ᠬᠠᠤᠯᠢ ᠵᠦᠢ ᠶ᠋ᠢᠨ ᠬᠤᠪᠢ ᠳ᠋ᠤ ᠳᠠᠷᠠᠭᠠᢈᠢ ᢈᠡᠯᠪᠡᠷᠢ ᠨᠦ᠋ᢉᠦᠳ ᠦᠶᠢᠯᠡᠴᠢᠯᠡᠵᠦ ᠪᠠᠶᠢᠨᠠ᠃
ᠡᢉᠦᠨ ᠳ᠋ᠦ:
ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ
ᠴᠡᠷᠢᢉ᠂ ᠴᠠᠭᠳᠠᠭᠠ ᠶ᠋ᠢᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠣᠨᠤᠰᠤᠭᠴᠢ᠂ ᠰᠤᠷᠤᠭᠴᠢ
ᠣᠶᠤᠲᠠᠨ ᠴᠡᠷᠢᢉ
ᠴᠡᠷᠢᢉ ᠦ᠋ᠨ ᠳᠦᠶᠢᠴᠡᢉᠦᠯᢈᠦ ᠠᠯᠪᠠ
ᢉᠡᠷᠡᠲᠦ ᠴᠡᠷᠢᢉ ᠦ᠋ᠨ ᠠᠯᠪᠠ
ᢈᠡᠷᠪᠡ ᠒᠕ ᠨᠠᠰᠤ ᢈᠦᠷᠲᠡᠯᠡ ᠪᠡᠨ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠠ ᠦᢉᠡᠢ ᠪᠣᠯ ᠲᠤᠬᠠᠢ ᠶ᠋ᠢᠨ ᠵᠢᠯ ᠳ᠋ᠦ ᠪᠡᠨ ᠴᠡᠷᠢᢉ ᠲᠦ ᠶᠠᠪᠤᠬᠤ ᠡᠰᠡᢈᠦᠯ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢ ᠲᠥᠯᠦᢈᠦ ᠱᠠᠭᠠᠷᠳᠠᠯᠭᠠ ᠲᠠᠢ᠃ ᠴᠡᠷᠢᢉ ᠲᠠᠲᠠᠯᠭᠠ ᠶ᠋ᠢᠨ ᠻᠣᠮᠮᠢᠰᠲ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠣᠴᠢᠵᠤ ᠣᠷᠤᠯᠴᠠᠭᠠ ᠦᢉᠡᠢ ᠵᠢᠯ ᠦ᠋ᠨ ᠲᠣᠭᠠ ᠪᠠᠷ ᠲᠥᠯᠦᠪᠦᠷᠢ ᠨᠡᠮᠡᢉᠳᠡᠵᠦ ᠒᠖ ᠨᠠᠰᠤ ᢈᠦᠷᢈᠦ ᠳ᠋ᠦ ᠵᠢᠭᠠᠭᠳᠠᠭᠰᠠᠨ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠯᠪᠡᠷᠢ ᠪᠡᠷ ᠣᠷᠤᠯᠠᠭᠤᠯᠤᠨ ᠬᠠᠭᠠᠯᠭᠠᠬᠤ ᢈᠦᠰᠡᠯᠲᠡ ᠭᠠᠷᠭᠠᠳᠠᠭ᠃
ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠒᠐᠒᠓ ᠣᠨ ᠤ᠋ ᠳᠥᠷᠪᠡᠳᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠐᠕᠆ ᠶ᠋ᠢᠨ ᠡᠳᠦᠷ ᠦ᠋ᠨ ᠑᠑᠙ ᠳ᠋ᠦ᠋ᢉᠡᠷ ᠲᠣᠭᠲᠠᠭᠠᠯ ᠢ᠋ᠶᠠᠷ ᠴᠡᠷᠢᢉ ᠦ᠋ᠨ ᠠᠯᠪᠠ ᠳᠦᠶᠢᠴᠡᢉᠦᠯᠦᠨ ᠬᠠᠭᠠᠬᠤ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠮᠵᠢᠶᠡ ᠶ᠋ᠢ ᠲᠣᠭᠲᠠᠭᠠᠭᠰᠠᠨ᠃
ᠴᠡᠷᠢᢉ ᠦ᠋ᠨ ᠳᠦᠶᠢᠴᠡᢉᠦᠯᢈᠦ ᠠᠯᠪᠠ ᠶ᠋ᠢ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠯᠪᠡᠷᠢ ᠪᠡᠷ ᠣᠷᠤᠯᠠᠭᠤᠯᠤᠨ ᠬᠠᠭᠠᠬᠤ ᠠ᠋ᠴᠠ ᠳᠠᠷᠠᠭᠠᢈᠢ ᠦᠨᠳᠦᠰᠦᠯᠡᠯ ᠢ᠋ᠶᠡᠷ ᠴᠢᠯᠦᢉᠡᠯᠡᠨᠡ᠃
ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠵᠢᠩᢈᠢᠨᠢ ᠠᠯᠪᠠᠨ ᠠ᠋ᠴᠠ ᠵᠢᠯ ᠳᠠᠷᠠᠭᠠᠯᠠᠨ ᠴᠢᠯᠦᢉᠡᠯᠡᢉᠳᠡᠵᠦ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠬᠤ ᠨᠠᠰᠤᠨ ᠤ᠋ ᠳᠡᢉᠡᠳᠦ ᢈᠢᠵᠠᠭᠠᠷ ᠲᠤ ᢈᠦᠷᠦᢉᠰᠡᠨ ᠡᠷᠡᢉᠲᠡᠢ;
ᠴᠠᠭᠳᠠᠭᠠ᠂ ᠲᠠᠩᠨᠠᠭᠤᠯ᠂ ᠭᠠᠮᠰᠢᠭ ᠲᠠᠢ ᠲᠡᠮᠡᠴᠡᢈᠦ ᠴᠢᢉ ᠡᢉᠦᠷᢉᠡ ᠪᠦᢈᠦᠢ ᠠᠯᠪᠠ᠂ ᠮᠡᠷᢉᠡᠵᠢᠯ ᠦ᠋ᠨ ᠠᠩᢉᠢ᠂ ᠰᠠᠯᠪᠤᠷᠢ᠂ ᠰᠢᢉᠦᢈᠦ ᠶ᠋ᠢᠨ ᠰᠢᠶᠢᠳᠪᠦᠷᠢ ᢉᠦᠢᠴᠡᠳᢈᠡᢈᠦ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠒᠆ ᠠ᠋ᠴᠠ ᠳᠣᠭᠤᠭᠰᠢ ᠦᢉᠡᠢ ᠵᠢᠯ ᠲᠠᠰᠤᠷᠠᠯᠲᠠ ᠦᢉᠡᠢ ᠲᠥᠷᠦ ᠶ᠋ᠢᠨ ᠲᠤᠰᠬᠠᠢ ᠠᠯᠪᠠ ᠬᠠᠭᠠᠭᠰᠠᠨ ᠑᠘ ᠒᠕ ᠨᠠᠰᠤᠨ ᠤ᠋ ᠢᠷᢉᠡᠨ;
ᠡᠷᠡᢉᠦᠯ ᠮᠡᠨᠳᠦ ᠪᠡᠷ ᠲᠡᠩᠴᠡᢈᠦ ᠦᢉᠡᠢ ᠶ᠋ᠢᠨ ᠤᠯᠠᠮ ᠠ᠋ᠴᠠ ᠲᠠᠶᠢᠪᠤᠩ ᠴᠠᠭ ᠲᠤ ᠴᠡᠷᠢᢉ ᠦ᠋ᠨ ᠵᠢᠩᢈᠢᠨᠢ ᠠᠯᠪᠠ ᠬᠠᠭᠠᠬᠤ ᠠ᠋ᠴᠠ ᠴᠢᠯᠦᢉᠡᠯᠡᢉᠳᠡᢉᠰᠡᠨ ᠢᠷᢉᠡᠨ;
ᠢᠷᢉᠡᠨ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠮᠵᠢᠶᠡ ᠶ᠋ᠢ ᢈᠡᠳᠦᠨ ᠣᠨ ᠳ᠋ᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠬᠤ ᠨᠠᠰᠤᠨ ᠤ᠋ ᠳᠡᢉᠡᠳᠦ ᢈᠢᠵᠠᠭᠠᠷ ᢈᠦᠷᠦᢉᠰᠡᠨ᠂ ᠲᠤᠬᠠᠢ ᠶ᠋ᠢᠨ ᠣᠨ ᠤ᠋ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠲᠣᠭᠲᠠᠭᠠᠯ ᠢ᠋ᠶᠠᠷ ᠲᠣᠭᠲᠠᠭᠠᠭᠳᠠᠭᠰᠠᠨ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠮᠵᠢᠶᠡ ᠪᠡᠷ ᢈᠡᠳᠦᠨ ᠤᠳᠠᠭᠠ ᠬᠠᠮᠤᠷᠤᠭᠳᠠᠭᠰᠠᠨ ᠠ᠋ᠴᠠ ᠰᠢᠯᠲᠠᠭᠠᠯᠠᠨ ᠬᠤᠪᠢᠴᠢᠯᠠᠵᠤ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢ ᠲᠥᠯᠦᠵᠦ ᠪᠠᠷᠠᠭᠳᠠᠭᠤᠯᠬᠤ ᠶᠣᠰᠤᠲᠠᠢ ᠪᠠᠶᠢᠳᠠᠭ᠃
“ᠢ᠆ ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ ᠨᠢ ᠪᠠᠲᠤᠯᠠᠬᠤ ᠬᠠᠮᠠᠭᠠᠯᠠᠬᠤ ᠶᠠᠮᠤ᠂ ᠨᠵᠤᠳᠲᠤᠭ ᠤᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠲᠠᠢ ᠬᠠᠮᠲᠤᠷᠠᠨ ᠴᠡᠷᠢᢉ ᠦ᠋ᠨ ᠳᠦᠶᠢᠴᠡᢉᠦᠯᢈᠦ ᠠᠯᠪᠠ ᠶ᠋ᠢ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠯᠪᠡᠷᠢ ᠪᠡᠷ ᠣᠷᠤᠯᠠᠭᠤᠯᠤᠨ ᠬᠠᠭᠠᠬᠤ ᢈᠦᠰᠡᠯᠲᠡ ᠶ᠋ᠢ ᢈᠦᠯᠢᠶᠡᠨ ᠠᠪᠬᠤ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮᠵᠢᠭᠤᠯᠤᠯᠠ᠃
ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ “E᠓᠆Mongolia” ᠰᠢᠰᠲ᠋ᠧᠮ ᠳ᠋ᠦ ᠥᠪᠡᠷ ᠦ᠋ᠨ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ ᠨᠡᠪᠲᠡᠷᠡᠨ ᠣᠷᠤᠵᠤ ᠬᠠᠶᠢᠯᠲᠠ ᠶ᠋ᠢᠨ ᢈᠡᠰᠡᢉ ᠲᠦ “ᠴᠡᠷᠢᢉ ᠦ᠋ᠨ ᠳᠦᠶᠢᠴᠡᢉᠦᠯᢈᠦ ᠠᠯᠪᠠ ᠶ᠋ᠢ ᠮᠥᠩᢉᠦᠨ ᠲᠥᠯᠦᠪᠦᠷᠢ ᠶ᠋ᠢᠨ ᢈᠡᠯᠪᠡᠷᠢ ᠪᠡᠷ ᠣᠷᠤᠯᠠᠭᠤᠯᠤᠨ ᠬᠠᠭᠠᠬᠤ ᢈᠦᠰᠡᠯᠲᠡ” ᠦᠢᠯᠡᠴᠢᠯᠡᢉᠡᠨ ᠦ᠋ ᠨᠡᠷᠡ ᠶ᠋ᠢ ᠣᠷᠤᠭᠤᠯᠤᠨ ᠬᠠᠶᠢᠯᠲᠠ ᢈᠢᢉᠰᠡᠨ ᠢ᠋ᠶᠡᠷ ᠴᠠᢈᠢᠮ ᠢ᠋ᠶᠠᠷ ᢈᠦᠰᠡᠯᠲᠡ ᠪᠡᠨ ᠢᠯᠡᢉᠡᢈᠦ ᠪᠣᠯᠤᠮᠵᠢ ᠲᠠᠢ ᠶᠠᠭᠤᠮᠠ᠃
ᠦᠶᠢᠯᠡᠴᠢᠯᠡᢉᠡ ᠠᠪᠬᠤ ᠯᠢᠨᠻ: https://e᠓᠆mongolia᠃mn/service/tsergiin᠓᠆duitsuulekh᠓᠆albyg᠓᠆mungun᠓᠆tulburiin᠓᠆khelbereer᠓᠆orluulan᠓᠆khaakh᠓᠆khuselt᠓᠆khuleen᠓᠆avakh