E᠓᠆Mongolia ᠰᠢᠰᠲ᠋ᠧᠮ ᠦ᠋ᠨ ᠰᠢᠨᠡᠴᠢᠯᠡᠯ᠂ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠲᠠᠢ ᠬᠣᠯᠪᠤᠭᠠ ᠲᠠᠢ ᠢᠷᢉᠡᠳ ᠡᠴᠡ ᠢᠷᠡᠵᠦ ᠪᠤᠢ ᠲᠦᢉᠡᠮᠡᠯ ᠠᠰᠠᠭᠤᠯᠲᠠ ᠨᠤᠭᠤᠳ ᠢ᠋ ᠪᠠᠭᠴᠠᠯᠠᠨ “ᠢ᠆ ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠦᢉᠡ ᠆ ᠶᠢᠨ ᠰᠢᠰᠲ᠋ᠧᠮ ᠨᠢᢉᠡᠳᢈᠡᠯ ᠦ᠋ᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠰ᠃ᠲᠤᠯᠭᠠ ᠠ᠋ᠴᠠ ᠲᠣᠳᠤᠷᠠᠭᠤᠯᠤᠯᠠ᠃
– ᠰᠠᠶᠢᠨ ᠪᠠᠶᠢᠨᠠ ᠤᠤ᠃ E᠓᠆Mongolia ᠰᠢᠰᠲ᠋ᠧᠮ ᠨᠢ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠬᠤ ᠳ᠋ᠤ ᠢᠯᠡᢉᠦᠦ ᠬᠤᠷᠳᠤᠨ᠂ ᢈᠢᠯᠪᠠᠷ᠂ ᢈᠦᠷᠲᠡᢉᠡᠮᠵᠢ ᠲᠡᠢ ᠪᠣᠯᠵᠤ ᠢᠷᢉᠡᠳ ᠦ᠋ᠨ ᠡᠳᠦᠷ ᠲᠤᠲᠤᠮ ᠤ᠋ᠨ ᢈᠡᠷᠡᢉᠯᠡᢉᠡ ᠪᠣᠯᠤᠭᠠᠳ ᠪᠠᠶᠢᠨᠠ᠃ ᠲᠡᢉᠡᠪᠡᠯ ᠡᠨᠡ ᠰᠢᠰᠲ᠋ᠧᠮ ᠨᠢ ᢈᠡᠷᢈᠢᠨ ᠶᠠᠭᠠᢈᠢᠵᠤ ᠠᠵᠢᠯᠯᠠᠳᠠᠭ ᠲᠠᠯᠠᠭᠠᠷ ᠥᠨᠦᠳᠦᠷ ᠦ᠋ᠨ ᠶᠠᠷᠢᠶᠠ ᠪᠠᠨ ᠡᢈᠢᠯᠡᠶᠡ᠃
E᠓᠆Mongolia ᠰᠢᠰᠲ᠋ᠧᠮ ᠨᠢ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠮᠣᠪᠠᠶᠢᠯ ᠠᠫᠫᠯᠢᠻᠧᠶᠢᠱᠢᠨ᠋᠂ ᠸᠧᠪ ᠰᠤᠪᠠᠭ ᠠ᠋ᠴᠠ ᠭᠠᠳᠠᠨᠠ ᠪᠡᠶᠡᠴᠢᠯᠡᠵᠦ ᠦᠶᠢᠯᠡᠴᠢᠯᠡᢉᠡ ᠠᠪᠬᠤ ᠣᠫᠧᠷᠠᠲ᠋ᠤᠷ ᠰᠢᠰᠲ᠋ᠧᠮ᠂ ᠭᠠᠳᠠᠭᠠᠳᠤ ᠤᠯᠤᠰ ᠲᠤ ᠠᠵᠢᠯᠯᠠᠵᠤ᠂ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠢᠷᢉᠡᠳ ᠲᠦ ᠦᠢᠯᠡᠴᠢᠯᠡᢈᠦ ᠻᠢᠣᠰᠻ ᠵᠡᠷᢉᠡ ᠰᠤᠪᠠᠭ ᠤ᠋ᠳ ᠢ᠋ᠶᠠᠷ ᢈᠢᠯᠪᠠᠷ᠂ ᢈᠦᠷᠲᠡᢉᠡᠮᠵᠢ ᠲᠡᠢ ᠪᠠᠶᠢᠳᠠᠯ ᠢ᠋ᠶᠠᠷ ᢈᠦᠷᢈᠡᢉᠰᠡᢉᠡᠷ ᠪᠠᠶᠢᠨᠠ᠃
ᠰᠢᠰᠲ᠋ᠧᠮ ᠮᠠᠨᠢ ᢈᠡᠷᢈᠢᠨ ᠠᠵᠢᠯᠯᠠᠳᠠᠭ ᠪᠤᠢ? ᢉᠡᢈᠦ ᠪᠡᠷ ᠳᠠᠩ (ᠲᠠᠨᠢᠯᠲᠠ ᠨᠡᠪᠲᠡᠷᠡᠯᠲᠡ ᠶ᠋ᠢᠨ) ᠰᠢᠰᠲ᠋ᠧᠮ ᠢ᠋ᠶᠡᠷ ᠥᠪᠡᠷ ᠢ᠋ ᠪᠡᠨ ᠲᠠᠨᠢᠭᠤᠯᠵᠤ ᠨᠡᠪᠲᠡᠷᠡᢉᠰᠡᠨ ᠦ᠋ ᠳᠠᠷᠠᠭᠠ ᢈᠡᠷᠡᢉᠯᠡᢉᠴᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠢ᠋ ᠮᠡᠳᠡᢉᠡᠯᠡᠯ ᠬᠠᠷᠢᠭᠤᠴᠠᠭᠴᠢ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᠬᠤᠷᠠ (ᠲᠥᠷᠦ ᠶ᠋ᠢᠨ ᠮᠡᠳᠡᢉᠡᠯᠡᠯ ᠰᠣᠯᠢᠯᠴᠠᠭᠠᠨ ᠤ᠋) ᠰᠢᠰᠲ᠋ᠧᠮ ᠢ᠋ᠶᠡᠷ ᠳᠠᠮᠵᠢᠭᠤᠯᠤᠨ ᠠᠪᠴᠤ ᠯᠠᠪᠯᠠᠭᠠ᠂ ᠲᠣᠳᠤᠷᠬᠠᠶᠢᠯᠠᠯᠲᠠ ᠶ᠋ᠢ ᠲᠠᠲᠠᠵᠤ ᠬᠠᠷᠠᠭᠤᠯᠳᠠᠭ᠂ ᢈᠡᠷᠪᠡ ᠣᠯᠠᠨ ᠱᠠᠲᠤᠯᠠᠯᠲᠠ ᠦᠶᠢᠯᠡᠴᠢᠯᠡᢉᠡ ᠪᠣᠯ ᠬᠣᠯᠪᠤᠭᠳᠠᠬᠤ ᠲᠥᠷᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠦᠢᠯᠡᠴᠢᠯᠡᢉᠡᠨ ᠦ᠋ ᢈᠦᠰᠡᠯᠲᠡ ᠰᠢᠶᠢᠳᠪᠦᠷᠢᠯᠡᢈᠦ ᠠᠯᠪᠠᠨ ᠬᠠᠭᠠᠭᠴᠢ ᠤᠷᠤᠭᠤ ᠢᠯᠡᢉᠡᢈᠦ ᠵᠠᠷᠴᠢᠮ ᠢ᠋ᠶᠠᠷ ᠠᠵᠢᠯᠯᠠᠳᠠᠭ᠃
ᠥᢉᠡᠷᠡ ᠪᠡᠷ ᢈᠡᠯᠡᠪᠡᠯ ᠪᠢᠳᠡ ᠢᠷᢉᠡᠳ ᠦ᠋ᠨ ᠬᠤᠪᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠢ᠋ ᠥᠪᠡᠷᠰᠡᠳ ᠦ᠋ᠨ ᠳᠡᠳ ᠪᠦᠲᠦᠴᠡ ᠳᠡᢉᠡᠷᠡ ᠰᠢᠨᠡ ᠪᠡᠷ ᠡᢉᠦᠰᢈᠡᠵᠦ ᠠᠵᠢᠯᠯᠠᠳᠠᠭ ᠦᢉᠡᠢ ᠪᠥᢉᠡᠳ ᠵᠥᠪᢈᠡᠨ ᠮᠡᠳᠡᢉᠡᠯᠡᠯ ᠬᠠᠷᠢᠭᠤᠴᠠᠭᠴᠢ ᠪᠠᠶᠢᠭᠤᠯᠤᠯᠭᠠ ᠡᢉᠦᠰᢈᠡᢉᠰᠡᠨ ᠮᠡᠳᠡᢉᠡᠯᠡᠯ ᠢ᠋ “ᠬᠤᠷᠠ” ᠰᠢᠰᠲ᠋ᠧᠮ ᠢ᠋ᠶᠡᠷ ᠳᠠᠮᠵᠢᠭᠤᠯᠤᠨ ᠲᠤᠬᠠᠢ ᠶ᠋ᠢᠨ ᠮᠥᠴᠡ ᠳ᠋ᠦ ᠠᠰᠢᠭᠯᠠᠵᠤ ᠦᠶᠢᠯᠡᠴᠢᠯᠡᢉᠡ ᠦᠵᠡᢉᠦᠯᠳᠡᢉ ᢉᠡᢉᠰᠡᠨ ᠦᢉᠡ ᠶᠠᠭᠤᠮᠠ᠃
E᠓᠆Mongolia ᠰᠢᠰᠲ᠋ᠧᠮ ᠢ᠋ ᠨᠡᠪᠲᠡᠷᠡᢉᠦᠯᠦᢉᠡᠳ ᠔ ᠵᠢᠯ ᠭᠠᠷᠤᠢ ᠬᠤᠭᠤᠴᠠᠭᠠ ᠥᠩᢉᠡᠷᠡᠯᠦᢉᠡ᠃ ᠲᠡᢉᠡᠪᠡᠯ ᠡᠨᠡ ᠬᠤᠭᠤᠴᠠᠭᠠᠨ ᠳ᠋ᠤ ᠢᠷᢉᠡᠳ ᠴᠠᢈᠢᠮ ᠢ᠋ᠶᠠᠷ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠠᠪᠳᠠᠭ ᠪᠣᠯᠤᠭᠰᠠᠨ ᠢ᠋ᠶᠠᠷ ᠴᠠᠭ ᠬᠤᠭᠤᠴᠠᠭᠠ᠂ ᢈᠥᠷᠦᠩᢉᠡ ᠮᠥᠩᢉᠦ ᠪᠡᠨ ᢈᠡᠮᠨᠡᠵᠦ ᠠᠯᠢ ᠠᠯᠢ ᠲᠠᠯᠠ ᠳ᠋ᠤ ᠪᠠᠨ ᠦᠷᠡ ᠳ᠋ᠦᠩ ᠲᠡᠢ ᠪᠠᠶᠢᠭᠠ ᠨᠢ ᠣᠶᠢᠯᠠᠭᠠᠮᠵᠢᠲᠠᠢ᠃ ᠡᠳ᠋ ᠦ᠋ᠨ ᠵᠠᠰᠠᠭ ᠤ᠋ᠨ ᠬᠤᠪᠢ ᠳ᠋ᠤ ᠶᠠᠮᠠᠷ ᠦᠷᠡ ᠳ᠋ᠦᠩ ᠭᠠᠷᠴᠤ ᠪᠠᠶᠢᠭᠠ ᠪᠤᠢ?
ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠒᠐᠑᠙ ᠣᠨ ᠳ᠋ᠤ E᠓᠆Mongolia ᠲᠥᠰᠦᠯ ᠢ᠋ ᠰᠠᠨᠠᠭᠠᠴᠢᠯᠠᠨ ᢈᠡᠷᠡᢉᠵᠢᢉᠦᠯᠵᠦ ᠒᠐᠒᠐ ᠣᠨ ᠤ᠋ ᠑᠐ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠑᠆ ᠶ᠋ᠢᠨ ᠡᠳᠦᠷ ᠡᠴᠡ ᠠᠯᠪᠠᠨ ᠶᠣᠰᠤᠭᠠᠷ ᠢᠷᢉᠡᠳ ᠦ᠋ᠨ ᠬᠠᠮᠤᠭ ᠤ᠋ᠨ ᠶᠡᢈᠡ ᠠᠪᠳᠠᠭ ᠒᠓ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠘᠑ ᠦᠢᠯᠡᠴᠢᠯᠡᢉᠡ ᠶ᠋ᠢ ᠭᠠᠷ ᠤᠲᠠᠰᠤᠨ ᠠ᠋ᠴᠠ ᠪᠠᠨ ᠠᠪᠬᠤ ᠪᠣᠯᠤᠮᠵᠢ ᠶ᠋ᠢ ᠪᠦᠷᠢᠳᠦᢉᠦᠯᠦᢉᠰᠡᠨ ᠰᠢᠰᠲ᠋ᠧᠮ ᠢ᠋ ᠠᠩᠬᠠ ᠲᠠᠨᠢᠯᠴᠠᠭᠤᠯᠵᠤ ᠪᠠᠶᠢᠭᠰᠠᠨ ᠪᠣᠯ ᠡᠳᠦᢉᠡ ᠘᠗ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠒᠖᠓ ᠦᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮ ᠢ᠋ᠶᠠᠷ ᠠᠪᠬᠤ ᠪᠣᠯᠤᠮᠵᠢ ᠶ᠋ᠢ ᠪᠤᠢ ᠪᠣᠯᠭᠠᠵᠤ ᠪᠠᠶᠢᠨᠠ᠃ “E᠓᠆Mongolia” ᠰᠢᠰᠲ᠋ᠧᠮ ᠨᠢ ᠔ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋᠋ᠤ ᠑᠂᠙ ᠰᠠᠶ᠋ᠢ ᢈᠡᠷᠡᢉᠯᠡᢉᠴᠢᠳ ᠲᠦ ᠖᠒ ᠰᠠᠶᠠ ᠤᠳᠠᠭᠠ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠮᠵᠢᠯᠲᠠᠲᠠᠢ ᠦᠵᠡᢉᠦᠯᠵᠦ ᠰᠢᠰᠲ᠋ᠧᠮ ᠨᠡᠪᠲᠡᠷᠡᢉᠰᠡᠨ ᠬᠤᠭᠤᠴᠠᠭᠠ ᠠ᠋ᠴᠠ ᠪᠠᠨ ᠬᠣᠶᠢᠰᠢ ᠢᠷᢉᠡᠳ ᠡᠴᠡ ᠨᠡᠶᠢᠲᠡ ᠑᠂᠒ ᠶᠡᢈᠡ ᠨᠠᠶᠤᠳ ᠲᠥᢉᠦᠷᠢᢉ ᠦ᠋ᠨ ᢈᠡᠮᠨᠡᠯᠲᠡ ᠶ᠋ᠢ ᢈᠢᢉᠰᠡᠨ ᢉᠡᢉᠰᠡᠨ ᠲᠣᠭᠠᠴᠠᠭᠠᠯᠠᠯ ᠪᠤᠢ᠃
ᠤᠯᠠᠮᠵᠢᠯᠠᠯᠲᠤ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠬᠤ ᠳ᠋ᠤ ᠢᠷᢉᠡᠨ ᠒ ᠴᠠᠭ ᠓᠐ ᠮᠢᠨᠦᠲ ᠵᠠᠷᠤᠴᠠᠭᠤᠯᠳᠠᠭ ᠪᠣᠯ E᠓᠆Mongolia ᠰᠢᠰᠲ᠋ᠧᠮ ᠢ᠋ ᠠᠰᠢᠭᠯᠠᠨ ᠭᠤᠷᠪᠠᠨ ᠮᠢᠨᠦᠲ ᠲᠤ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠬᠤ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠭᠰᠠᠨ᠃ ᠢᠷᢉᠡᠳ ᠦ᠋ᠨ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠬᠤ ᠱᠠᠭᠠᠷᠳᠠᠯᠭᠠ ᠨᠢ ᠠᠮᠢᠳᠤᠷᠠᠯ ᠤ᠋ᠨ ᠣᠨᠴᠠᠯᠢᠭ ᠠ᠋ᠴᠠ ᠬᠠᠮᠢᠶᠠᠷᠤᠨ ᠥᢉᠡᠷᠡ ᠥᢉᠡᠷᠡ ᠪᠠᠶᠢᠭᠠ ᠴᠤ ᠳᠤᠮᠳᠠᠵᠢᠯᠠᠨ ᠠᠪᠴᠤ ᠦᠵᠡᠪᠡᠯ ᠨᠢᢉᠡ ᠢᠷᢉᠡᠨ ᠵᠢᠯ ᠳ᠋ᠦ ᠖ ᠤᠳᠠᠭᠠ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠴᠤ ᠪᠠᠶᠢᠨᠠ ᢉᠡᠵᠦ ᠲᠣᠭᠠᠴᠠᠵᠤ ᠦᠵᠡᠪᠡᠯ ᠨᠢᢉᠡ ᢈᠦᠮᠦᠨ ᠵᠢᠯ ᠳ᠋ᠦ ᠪᠡᠨ ᠑᠕ ᠴᠠᠭ ᠢ᠋ ᠪᠤᠶᠤ ᠠᠵᠢᠯ ᠤ᠋ᠨ ᠒ ᠡᠳᠦᠷ ᠢ᠋ ᠠᠯᠳᠠᠵᠤ ᠪᠠᠶᠢᠭᠠ ᠶᠠᠭᠤᠮᠠ᠃ ᠡᠳᠦᠷ ᠲᠦ ᠳᠤᠮᠳᠠᠵᠢ ᠪᠠᠷ ᠗᠕᠘᠐ ᠢᠷᢉᠡᠨ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠠᠪᠴᠤ᠂ ᠢᠷᠡᠵᠦ ᠪᠤᠴᠠᠬᠤ᠂ ᠳᠠᠷᠠᠭᠠᠯᠠᠨ ᠵᠣᠭᠰᠤᠬᠤ ᠵᠡᠷᢉᠡ ᠬᠤᠭᠤᠴᠠᠭᠠ ᠶ᠋ᠢ ᠨᠡᠶᠢᠯᠡᢉᠦᠯᠵᠦ ᠦᠵᠡᠪᠡᠯ ᠨᠢᢉᠡ ᠦᠶᠢᠯᠡᠴᠢᠯᠡᢉᠡᠨ ᠳ᠋ᠦ ᠒ ᠴᠠᠭ ᠓᠐ ᠮᠢᠨᠦᠲ ᠵᠠᠷᠤᠴᠠᠭᠤᠯᠳᠠᠭ ᠲᠡᢉᠡᠪᠡᠯ ᠨᠡᠶᠢᠲᠡ ᠳ᠋ᠦ ᠪᠡᠨ ᠑᠘᠂᠙᠕᠐ ᠴᠠᠭ ᠢ᠋ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠠᠪᠬᠤ ᠳ᠋ᠤ ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠨᠠ᠃E᠓᠆Mongolia ᠰᠢᠰᠲ᠋ᠧᠮ ᠢ᠋ ᠠᠰᠢᠭᠯᠠᠭᠰᠠᠨ ᠢ᠋ᠶᠠᠷ ᠮᠤ ᠆ ᠶᠠᠨ ᠢᠷᢉᠡᠳᠰᠠᠷ ᠲᠤ ᠓᠂᠑᠘᠒᠂᠘᠗᠖ ᠴᠠᠭᠠᠰᠤ ᢈᠡᠮᠨᠡᠳᠡᢉ ᠡᠨᠡ ᠨᠢ ᠰᠦᢈᠡᠪᠠᠭᠠᠲᠤᠷ ᠤ᠋ᠨ ᠲᠠᠯᠠᠪᠠᠢ ᠶ᠋ᠢ ᠖ ᠳᠠᠪᠬᠤᠷ ᠬᠤᠴᠢᠬᠤ ᢈᠡᠮᠵᠢᠶ ᠡᠨ ᠦ᠋ ᠴᠠᠭᠠᠰᠤ ᠶᠠᠭᠤᠮᠠ᠃
ᠮᠥᠨ ᠮᠠᠨ ᠤ᠋ “ᠢ᠆ ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ ᠆ ᠶ᠋ᠢᠨ ᠰᠤᠷᠭᠠᠯᠲᠠ ᠶ᠋ᠢᠨ ᢈᠡᠯᠲᠡᠰ ᠡᠴᠡ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᢈᠦᠷᠲᠡᢉᠡᠮᠵᠢ ᠲᠡᠢ ᠪᠠᠶᠢᠯᠭᠠᠬᠤ ᠵᠣᠷᠢᠯᠭᠠ ᠪᠠᠷ ᠑᠘᠔᠓ ᠴᠠᠭ ᠤ᠋ᠨ ᠴᠠᢈᠢᠮ ᠤᠷ ᠴᠢᠳᠠᠪᠤᠷᠢ ᠶ᠋ᠢᠨ ᠰᠤᠷᠭᠠᠯᠲᠠ ᠶ᠋ᠢ ᠴᠠᢈᠢᠮ ᠪᠣᠯᠤᠨ ᠲᠠᠩᢈᠢᠮ ᠤ᠋ᠨ ᢈᠡᠯᠪᠡᠷᠢ ᠪᠡᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠒᠑ ᠠᠶᠢᠮᠠᠭ᠂ ᠙ ᠳᠡᢉᠦᠷᢉᠡ ᠶ᠋ᠢᠨ ᠨᠡᠶᠢᠲᠡ ᠖᠗᠂᠗᠕᠐ ᠢᠷᢉᠡᠳ᠂ ᠲᠥᠷᠦ ᠶ᠋ᠢᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠢ᠋ ᠬᠠᠮᠤᠷᠤᠭᠤᠯᠤᠭᠠᠳ ᠪᠠᠶᠢᠨᠠ᠃
ᢈᠡᠷᠡᢉᠯᠡᢉᠴᠢᠳ ᠦ᠋ᠨ ᠬᠤᠪᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠢ᠋ ᢈᠡᠷᢈᠢᠨ ᠶᠠᠭᠠᢈᠢᠵᠤ ᠬᠠᠮᠠᠭᠠᠯᠠᠵᠤ᠂ ᠢᠷᢉᠡᠨ ᠦ᠋ ᠮᠡᠳᠡᢉᠡᠯᠡᠯ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠫᠷᠣᠼᠧᠰᠰ ᢈᠡᠷᢈᠢᠨ ᠶᠠᠪᠤᠭᠳᠠᠳᠠᠭ ᠪᠤᠢ?
ᠢᠷᢉᠡᠨ ᠦ᠋ ᠬᠤᠪᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᢉᠡᠳᠡᢉ ᠪᠣᠯ ᠶᠠᠭᠠᢈᠢᠬᠤ ᠠᠷᠭᠠ ᠦᢉᠡᠢ ᠥᠨᠳᠦᠷ ᠨᠢᠭᠤᠴᠠᠯᠠᠯ ᠲᠠᠢ ᠪᠠᠶᠢᠬᠤ ᠶᠣᠰᠤᠲᠠᠢ᠃ ᠪᠢᠳᠡᠨ ᠳ᠋ᠦ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ ᠮᠡᠳᠡᢉᠡᠯᠡᠯ ᠪᠣᠯ ᠮᠠᠨ ᠤ᠋ ᢈᠢ ᠪᠠᠷ ᠳᠠᠮᠵᠢᠭᠰᠠᠨ ᠯᠠᠪᠯᠠᠭᠠ᠂ ᠲᠣᠳᠤᠷᠬᠠᠶᠢᠯᠠᠯᠲᠠ ᢉᠡᢈᠦ ᠮᠡᠲᠦ ᠦᠶᠢᠯᠡᠴᠢᠯᠡᢉᠡᠨ ᠦ᠋ ᢈᠦᠰᠡᠯᠲᠡ ᠲᠡᠢ ᠬᠣᠯᠪᠤᠭᠠᠲᠠᠢ ᠮᠡᠳᠡᢉᠡᠯᠡᠯ ᠦ᠋ᠳ ᠪᠠᠶᠢᠳᠠᠭ ᠪᠥᢉᠡᠳ ᠪᠢᠳᠡ ᠦᠨᠳᠦᠰᠦᠨ ᠦ᠋ ᠳᠠᠲ᠋ᠠ ᠲᠥᠪ ᠪᠣᠯᠤᠨ ᠣᠯᠠᠨ ᠤᠯᠤᠰ ᠤ᠋ᠨ ᠳᠡᠪᠰᠢᠯᠲᠡᠲᠦ ᠲᠧᠻᠨᠣᠯᠣᢉᠢ ᠶ᠋ᠢᠨ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠮᠡᠳᠡᢉᠡᠯᠡᠯ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠪᠦᠷᠢᠨ ᠬᠠᠩᠭᠠᠵᠤ ᠦᠶᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠤᠯᠵᠤ ᠪᠠᠶᠢᠨᠠ᠃ ᠲᠤᠩ ᠤᠳᠠᠬᠤ ᠦᢉᠡᠢ ᠪᠢᠳᠡ ᠣᠯᠠᠨ ᠤᠯᠤᠰ ᠤ᠋ᠨ ISO ᠙᠐᠐᠑᠂ ᠒᠗᠐᠐᠑ ᠰᠲ᠋ᠠᠨ᠋ᠳᠠᠷᠲ ᠤ᠋ᠳ ᠢ᠋ ᠨᠡᠪᠲᠡᠷᠡᢉᠦᠯᢈᠦ ᠪᠡᠷ ᠪᠡᠯᠡᠳᢈᠡᠯ ᠢ᠋ᠶᠡᠨ ᠬᠠᠩᠭᠠᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠨ ᠳᠤᠭᠤᠯᠭᠠᠬᠤ ᠳ᠋ᠤ ᠲᠠᠭᠠᠲᠠᠢ ᠪᠠᠶᠢᠨᠠ᠃ ᠲᠤᠬᠠᠶᠢᠯᠠᠪᠠᠯ᠂
ᠨᠢᢉᠡᠳᠦ᠋ᢉᠡᠷ ᠲᠦ ᠰᠢᠰᠲ᠋ᠧᠮ ᠳ᠋ᠦ ᠬᠠᠨᠳᠤᠵᠤ ᠪᠠᠶᠢᠭᠠ ᢈᠡᠷᠡᢉᠯᠡᢉᠴᠢ ᠪᠦᠷᠢ ᠶ᠋ᠢᠨ ᠬᠠᠨᠳᠤᠯᠲᠠ ᠶ᠋ᠢᠨ ᠤᠷᠤᠰᠬᠠᠯ ᠳᠠᢈᠢᠨ ᠳᠠᠪᠲᠠᠭᠳᠠᠬᠤ ᠦᢉᠡᠢ ᠪᠠᠶᠢᠳᠠᠯ ᠢ᠋ᠶᠠᠷ ᠠᠯᠭᠣᠷᠢᠲ᠋ᠮᠠᠷ (Encrypt) ᠨᠢᠭᠤᠴᠠᠯᠠᠭᠳᠠᠵᠤ ᠳᠤᠮᠳᠠ ᠠ᠋ᠴᠠ ᠨᠢ ᠵᠠᠳᠠᠯᠬᠤ ᠪᠣᠯᠤᠮᠵᠢ ᠦᢉᠡᠢ ᠪᠠᠶᠢᠳᠠᠭ᠃
ᠬᠣᠶᠠᠳᠤᠭᠠᠷ ᠲᠤ ᠰᠢᠰᠲ᠋ᠧᠮ ᠦ᠋ᠨ ᠭᠠᠳᠠᠨᠠ ᠠ᠋ᠴᠠ ᠬᠠᠨᠳᠤᠯᠲᠠ ᠪᠦᢈᠦᠯᠢ ᠳ᠋ᠦ ᠪᠡᠨ ᠒ ᠲᠦᠪᠰᠢᠨ ᠳ᠋ᠦ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᠰᠢᠶᠢᠳᠦᠯ ᠢ᠋ᠶᠡᠷ ᠬᠠᠮᠠᠭᠠᠯᠠᠭᠳᠠᠳᠠᠭ᠃
ᠡᢈᠢᠨ ᠦ᠋ ᠲᠦᠪᠰᠢᠨ Cloud WAF ᠪᠤᠶᠤ Cloud Web Application Firewall᠆ ᠷ ᠪᠦᢈᠦ ᠤᠷᠤᠰᠬᠠᠯ ᠢ᠋ ᠰᠢᠨᠵᠢᠯᠡᠵᠦ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠳᠠᠭ᠃
ᠳᠠᠷᠠᠭᠠ ᠶ᠋ᠢᠨ ᠲᠦᠪᠰᠢᠨ ᠳ᠋ᠦ ᠦᠨᠳᠦᠰᠦᠨ ᠦ᠋ ᠳᠠᠲ᠋ᠠ ᠲᠥᠪ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᠭᠠᠵᠠᠷ ᠪᠦᢈᠦ ᠤᠷᠤᠰᠬᠠᠯ ᠳ᠋ᠤ ᠳᠠᠮᠵᠢᠵᠤ ᠪᠤᠢ ᠥᢉᢉᠦᢉᠳᠡᠯ ᠳ᠋ᠦ ᢈᠢᠨᠠᠯᠲᠠ ᠲᠠᠯᠪᠢᠵᠤ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᠰᠢᠨᠵᠢᠯᠡᢉᠡ ᢈᠢᠵᠦ ᠠᠵᠢᠯᠯᠠᠳᠠᠭ᠃
E᠓᠆Mongolia ᠠᠫᠫ᠆ ᠤᠷᠤᠭᠤ ᠨᠡᠪᠲᠡᠷᠡᢈᠦ ᠳ᠋ᠦ ᠮᠡᠳᠡᢉᠡᠯᠡᠯ ᠰᠢᠨᠡᠴᠢᠯᠡᠵᠦ ᠪᠠᠶᠢᠨᠠ ᢉᠡᠳ ᠤᠳᠠᠭᠠ ᠳ᠋ᠤ ᠪᠠᠶᠢᠳᠠᠭ ᠲᠠᠯᠠ ᠪᠤᠢ᠃ ᠬᠤᠷᠳᠤ ᠶ᠋ᠢ ᠨᠢ ᠰᠠᠶᠢᠵᠢᠷᠠᠭᠤᠯᠬᠤ ᠲᠠᠯᠠᠭᠠᠷ ᢈᠡᠷᢈᠢᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠤᠢ?
ᠪᠢᠳᠡ E᠓᠆Mongolia ᠰᠢᠰᠲ᠋ᠧᠮ ᠢ᠋ ᠲᠣᠭᠲᠠᠮᠠᠯ ᠰᠠᠶᠢᠵᠢᠷᠠᠭᠤᠯᠵᠤ ᠰᠢᠨᠡ ᠦᠢᠯᠡᠴᠢᠯᠡᢉᠡ᠂ ᠰᠢᠨᠡ ᠪᠣᠯᠤᠮᠵᠢ ᠶ᠋ᠢ ᠪᠤᠢ ᠪᠣᠯᠭᠠᠵᠤ ᠳᠣᠯᠤᠭᠠ ᠬᠣᠨᠤᠭ ᠪᠦᠷᠢ ᠰᠢᠨᠡᠴᠢᠯᠡᠯ ᠦ᠋ᠳ ᠢ᠋ ᠣᠷᠤᠭᠤᠯᠳᠠᠭ᠃ ᢈᠡᠷᠡᢉᠯᠡᢉᠴᠢ ᠨᠡᠪᠲᠡᠷᠡᢈᠦ ᠪᠦᠷᠢ ᠳ᠋ᠦ ᠰᠢᠨᠡ ᠬᠤᠪᠢᠯᠪᠤᠷᠢ ᠭᠠᠷᠤᠭᠰᠠᠨ ᠡᠰᠡᢈᠦ ᠶ᠋ᠢ ᠰᠢᠯᠭᠠᠵᠤ ᢈᠡᠷᠪᠡ ᠭᠠᠷᠤᠭᠰᠠᠨ ᠪᠣᠯ ᠰᠢᠨᠡ ᠬᠤᠪᠢᠯᠪᠤᠷᠢ ᠶ᠋ᠢ ᠲᠠᠲᠠᠵᠤ ᠠᠫᠫᠯᠢᠻᠧᠢᠢᠱᠢᠨ ᠳᠠᢈᠢᠨ ᠠᠴᠢᠶᠠᠯᠠᠯᠳᠠᠭ᠃ ᠨᠢᢉᠡ ᠰᠢᠨᠡᠴᠢᠯᠡᠯ ᠳ᠋ᠦ ᠳᠡᢉᠡᠳᠦ ᠲᠠᠯᠠ ᠨᠢ ᠑᠐᠐kb (ᠻᠢᠯᠣᠪᠢᠲ) ᢈᠡᠮᠵᠢᠶᠡ ᠲᠡᠢ ᠪᠤᠶᠤ ᠮᠠᠰᠢ ᠪᠠᠭᠠ ᠥᢉᠡᠷᠡᠴᠢᠯᠡᠯᠲᠡ ᠣᠷᠤᠳᠠᠭ ᠪᠥᢉᠡᠳ ᠤᠳᠠᠵᠤ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠪᠣᠯ ᠰᠢᠭᠤᠳ ᠢᠨᠲ᠋ᠧᠷᠨᠧᠲ ᠦ᠋ᠨ ᠬᠤᠷᠳᠤ ᠲᠠᠢ ᠬᠣᠯᠪᠤᠭᠠ ᠲᠠᠢ ᢉᠡᠵᠦ ᠦᠵᠡᠨᠡ᠃ ᢉᠡᢈᠦ ᠳ᠋ᠦ ᠪᠡᠨ ᠠᠪᠴᠤ ᠪᠠᠶᠢᠭᠠ ᠦᠢᠯᠡᠴᠢᠯᠡᢉᠡᠨ ᠳ᠋ᠦ ᠶᠠᠮᠠᠷ ᠨᠢᢉᠡᠨ ᠠᠯᠳᠠᠭᠠ ᠵᠢᠭᠠᠭᠰᠠᠨ ᠲᠣᢈᠢᠶᠠᠯᠳᠤᠯ ᠭᠠᠷᠪᠠᠯ ᠮᠡᠳᠡᢉᠡᠯᠡᠯ ᠬᠠᠷᠢᠭᠤᠴᠠᠭᠴᠢ ᠪᠠᠶᠢᠭᠤᠯᠤᠯᠭᠠ ᠪᠤᠶᠤ ᠲᠠᠨ ᠤ᠋ ᠦᠢᠯᠡᠴᠢᠯᠡᢉᠡ ᠠᠪᠴᠤ ᠪᠠᠶᠢᠭᠠ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᠰᠢᠯᠲᠠᠭᠠᠯᠠᠵᠤ ᠪᠠᠶᠢᠭᠠ ᢉᠡᠵᠦ ᠦᠵᠡᠵᠦ ᠪᠣᠯᠤᠨᠠ᠃
E᠓᠆Mongolia ᠰᠢᠰᠲ᠋ᠧᠮ ᠡᠴᠡ ᠢᠷᢉᠡᠳ ᠦ᠋ᠨ ᠬᠠᠮᠤᠭ ᠤ᠋ᠨ ᠲᠦᢉᠡᠮᠡᠯ ᠠᠪᠳᠠᠭ ᠦᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ ᠶᠠᠭᠤ ᠪᠠᠶᠢᠨᠠ ᠪᠤᠢ?
ᠡᠮᠦᠨᠡ ᢈᠡᠯᠡᢉᠰᠡᠨᠴᠢᠯᠡᠨ ᠘᠗ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠒᠖᠓ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠦᠵᠡᢉᠦᠯᠵᠦ ᠪᠠᠶᠢᠨᠠ᠃ ᠢᠷᢉᠡᠳ ᠦ᠋ᠨ ᠠᠪᠳᠠᠭ ᠴᠠᢈᠢᠮ ᠦᠢᠯᠡᠴᠢᠯᠡᢉᠡ ᠨᠢ ᢈᠡᠷᠡᢉᠴᠡᢉᠡ᠂ ᠱᠠᠭᠠᠷᠳᠠᠯᠭᠠ ᠠ᠋ᠴᠠ ᠪᠠᠨ ᠬᠠᠮᠢᠶᠠᠷᠤᠨ ᠬᠠᠷᠢᠯᠴᠠᠨ ᠠᠳᠠᠯᠢ ᠦᢉᠡᠢ ᠲᠤᠬᠠᠶᠢᠯᠠᠪᠠᠶᠢᠯ᠂
ᠨᠡᠶᠢᢉᠡᠮ ᠦ᠋ᠨ ᠳᠠᠭᠠᠳᠬᠠᠯ ᠤ᠋ᠨ ᠰᠢᠮᠡᠳᢈᠡᠯ ᠲᠥᠯᠦᠯᠲᠡ ᠶ᠋ᠢᠨ ᠲᠣᠳᠤᠷᠬᠠᠶᠢᠯᠠᠯᠲᠠ – ᠑᠔᠂᠑᠘᠓᠂᠙᠒᠗
ᠢᠷᢉᠡᠨ ᠦ᠋ ᠦᠨᠡᠮᠯᠡᢈᠦ ᠶ᠋ᠢᠨ ᠯᠠᠪᠯᠠᠭᠠ – ᠕᠂᠕᠔᠗᠂᠒᠘᠕
ᠣᠷᠤᠰᠢᠨ ᠰᠠᠭᠤᠭᠠ ᠭᠠᠵᠠᠷ ᠤ᠋ᠨ ᠬᠠᠶᠢᠭ ᠤ᠋ᠨ ᠪᠦᠷᠢᠳᢈᠡᠯ ᠦ᠋ᠨ ᠯᠠᠪᠯᠠᠭᠠ – ᠔᠂᠐᠖᠐᠂᠑᠖᠖
ᠵᠢᠯᠤᠭᠤᠴᠢ ᠶ᠋ᠢᠨ ᠯᠠᠪᠯᠠᠭᠠ᠂ ᠮᠡᠳᠡᢉᠡᠯᠡᠯ – ᠓᠂᠑᠐᠑᠂᠔᠙᠔
ᠵᠢᢉᠡᠯᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠯᠠᠪᠯᠠᠭᠠ – ᠒᠂᠖᠔᠗᠂᠙᠙᠔
ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᠳᠠᠭᠠᠳᠬᠠᠯ ᠤ᠋ᠨ ᠲᠥᠯᠦᠯᠲᠡ ᠰᠢᠯᠭᠠᠬᠤ – ᠒᠂᠑᠘᠕᠂᠒᠑᠒
ᠠᠦ᠋ᠲ᠋ᠣ᠋ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᢈᠡᠷᠡᢉᠰᠡᠯ ᠦ᠋ᠨ ᠲᠣᠷᠭᠠᠭᠤᠯᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠒᠂᠙᠕᠑᠂᠑᠔᠓ ᠤᠳᠠᠭᠠ ᠠᠪᠤᠭᠰᠠᠨ ᠪᠠᠶᠢᠨᠠ᠃ [GU᠑]
ᠴᠠᠭᠠᠰᠢᠳᠠ ᠴᠤ ᠮᠥᠨ ᠠᠳᠠᠯᠢ ᠢᠷᢉᠡᠳ ᠦ᠋ᠨ ᠬᠤᠪᠢ ᠳ᠋ᠤ ᢈᠡᠷᠡᢉᠲᠡᠢ᠂ ᠱᠠᠭᠠᠷᠳᠠᠯᠭᠠᠲᠠᠢ ᠡᠷᠢᠯᠲᠡ ᢈᠡᠷᠡᢉᠴᠡᢉᠡ ᠲᠡᠢ ᠦᠶᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ ᠢ᠋ ᠨᠡᠮᠡᠵᠦ᠂ ᠪᠢᠳᠡ ᠮᠡᠷᢉᠡᠵᠢᠯ ᠦ᠋ᠨ ᠲᠦᠪᠰᠢᠨ ᠳ᠋ᠦ ᠰᠤᠳᠤᠯᠤᠨ ᠰᠢᠨᠵᠢᠯᠡᠵᠦ ᠴᠠᠭ ᠠᠯᠳᠠᠯ ᠦᢉᠡᠢ ᠨᠡᠪᠲᠡᠷᠡᢉᠦᠯᠦᢉᠰᠡᢉᠡᠷ ᠪᠠᠶᠢᠬᠤ ᠪᠣᠯᠤᠨᠠ᠃
E᠓᠆Mongolia ᠰᠢᠰᠲ᠋ᠧᠮ ᠦ᠋ᠨ ᠦᠢᠯᠡᠴᠢᠯᠡᢉᠡ ᠲᠡᠢ ᠬᠣᠯᠪᠤᠭᠠ ᠲᠠᠢ ᠭᠣᠮᠤᠳᠠᠯ ᠢ᠋ ᢈᠡᠷᢈᠢᠨ ᠰᠢᠢᠳᠪᠦᠷᠢᠯᠡᠳᠡᢉ ᠪᠤᠢ?
ᠮᠠᠨ ᠤ᠋ “ᠢ᠆ ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ ᠆ ᠶ᠋ᠢᠨ ᢈᠡᠷᠡᢉᠯᠡᢉᠴᠢ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡᠨ ᠦ᠋ ᢈᠡᠯᠲᠡᠰ ᠨᠢ ᠑᠑ ᠑ ᠳ᠋ᠤᠭᠠᠷ ᠤ᠋ᠨ ᠒ ᠳ᠋ᠤᠭᠠᠷ ᠱᠤᠭᠤᠮ ᠢ᠋ᠶᠠᠷ ᠳᠠᠮᠵᠢᠭᠤᠯᠤᠨ ᠠᠵᠢᠯ ᠤ᠋ᠨ ᠡᠳᠦᠷ ᠐᠘:᠐᠐ ᠴᠠᠭ ᠠ᠋ᠴᠠ ᠑᠗:᠐᠐ ᢈᠦᠷᠲᠡᠯᠡ ᠬᠠᠷᠢᠨ ᠰᠣᠱᠢᠶᠠᠯ ᠰᠤᠪᠠᠭ ᠢ᠋ᠶᠠᠷ ᠢ᠋ᠶᠠᠨ ᠗ ᠬᠣᠨᠤᠭ ᠤ᠋ᠨ ᠒᠔ ᠴᠠᠭ ᠢᠷᢉᠡᠳ ᠦ᠋ᠨ ᠰᠠᠨᠠᠯ᠂ ᠭᠣᠮᠤᠳᠠᠯ᠂ ᠠᠰᠠᠭᠤᠳᠠᠯ ᠢ᠋ ᢈᠦᠯᠢᠶᠡᠨ ᠠᠪᠴᠤ ᠳᠠᠷᠠᠭᠠ ᠶ᠋ᠢᠨ ᠱᠠᠲᠤᠨ ᠤ᠋ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠮᠡᠳᠡᢉᠳᠡᠵᠦ ᠰᠢᠢᠳᠪᠦᠷᠢᠯᠡᠨ ᠵᠢᠭᠠᠪᠤᠷᠢ᠂ ᠵᠥᠪᠯᠡᢉᠡ ᠶ᠋ᠢ ᠥᢉᠴᠦ ᠠᠵᠢᠯᠯᠠᠳᠠᠭ᠃ ᠪᠢᠳᠡ ᠳᠠᠭᠤᠳᠠᠯᠭᠠ ᠳᠠᠪᠬᠤᠴᠠᠭᠰᠠᠨ ᠦᠶᠡ ᠳ᠋ᠦ ᠡᠰᠡᠪᠡᠯ ᠳᠠᠭᠤᠳᠠᠯᠭᠠ ᠲᠠᠰᠤᠷᠠᠭᠰᠠᠨ ᠦᠶᠡ ᠳ᠋ᠦ ᠡᠷᢉᠢᠨ ᠬᠣᠯᠪᠤᠭᠳᠠᠵᠤ ᠠᠰᠠᠭᠤᠳᠠᠯ ᠢ᠋ ᠰᠢᠶᠢᠳᠪᠦᠷᠢᠯᠡᠵᠦ ᠠᠵᠢᠯᠯᠠᠳᠠᠭ ᠢ᠋ᠶᠠᠷ ᠢ᠋ᠶᠠᠨ ᠣᠨᠴᠠᠯᠢᠭ ᠲᠠᠢ᠃
ᠮᠣᠩᠭᠤᠯ ᠤᠯᠤᠰ ᠴᠠᢈᠢᠮ ᠵᠠᠰᠠᠭᠯᠠᠯ ᠤ᠋ᠨ ᠦᠵᠡᢉᠦᠯᠦᠯᠲᠡ ᠪᠡᠷ ᠢ᠋ᠶᠡᠨ ᠳᠡᠯᠡᢈᠡᠢ ᠶ᠋ᠢᠨ ᠬᠠᠮᠢᠭᠠ ᠶᠠᠪᠤᠵᠤ ᠪᠠᠶᠢᠨᠠ᠃ ᠮᠥᠨ E᠓᠆Mongolia ᠰᠢᠰᠲ᠋ᠧᠮ ᠦ᠋ᠨ ᠴᠠᠭᠠᠰᠢᠳᠠ ᠶ᠋ᠢᠨ ᠵᠣᠷᠢᠯᠲᠠ᠂ ᢈᠥᢉᠵᠢᢉᠦᠯᠦᠯᠲᠡ ᠶ᠋ᠢ ᠰᠣᠨᠢᠷᠬᠠᠵᠤ ᠪᠣᠯᠬᠤ ᠤᠤ?
ᠨᠦᠪᠰ ᠠᠴᠠ ᠬᠣᠶᠠᠷ ᠵᠢᠯ ᠲᠤᠲᠤᠮ ᠳ᠋ᠤ “ᠴᠠᢈᠢᠮ ᠵᠠᠰᠠᠭᠯᠠᠯ ᠤ᠋ᠨ ᢈᠥᢉᠵᠢᠯ ᠦ᠋ᠨ ᠢᠨᠳᠧᠻᠰ”᠆ ᠶ᠋ᠢ ᠰᠢᠨᠡᠴᠢᠯᠡᠨ ᠭᠠᠷᠭᠠᠳᠠᠭ᠃ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠬᠤᠪᠢ ᠳ᠋ᠤ ᠡᠮᠦᠨᠡ ᠨᠢ ᠨᠦᠪᠰ ᠤᠨ ᢉᠡᠰᠢᢉᠦᠨ ᠑᠙᠓ ᠣᠷᠤᠨ ᠠ᠋ᠴᠠ ᠒᠐᠑᠘᠂ ᠒᠐᠒᠐ ᠣᠨ ᠳ᠋ᠤ ᠙᠒ ᠳ᠋ᠤᠭᠠᠷ ᠪᠠᠶᠢᠷᠢ ᠳ᠋ᠤ᠂ ᠒᠐᠒᠒ ᠣᠨ ᠳ᠋ᠤ ᠗᠔ ᠳ᠋ᠦ᠋ᢉᠡᠷ ᠪᠠᠶᠢᠷᠢ ᠳ᠋ᠤ ᠡᠷᠢᠮᠪᠡᠯᠡᢉᠳᠡᠵᠦ ᠤᠷᠤᠭᠰᠢᠯᠠᠭᠰᠠᠨ᠃ ᠬᠠᠷᠢᠨ ᠒᠐᠒᠔ ᠣᠨ ᠤ᠋ ᠪᠠᠶᠢᠳᠠᠯ ᠢ᠋ᠶᠠᠷ ᠒᠘ ᠪᠠᠶᠢᠷᠢ ᠪᠠᠷ ᠤᠷᠤᠭᠰᠢᠯᠠᠵᠤ ᠔᠖ ᠳ᠋ᠤᠭᠠᠷ ᠪᠠᠶᠢᠷᠢ ᠳ᠋ᠤ ᠡᠷᠢᠮᠪᠯᠡᢉᠳᠡᢉᠰᠡᠨ ᠨᠢ ᠡᠮᠦᠨᠡ ᠪᠠᠶᠢᠭᠠ ᠦᢉᠡᠢ ᠠᠮᠵᠢᠯᠲᠠ ᠶᠠᠭᠤᠮᠠ᠃ ᠴᠠᠭᠠᠰᠢᠳᠠ ᠪᠢᠳᠡ ᠴᠠᢈᠢᠮ ᠦᠢᠯᠡᠴᠢᠯᠡᢉᠡᠨ ᠦ᠋ ᠲᠥᠷᠦᠯ᠂ ᠴᠢᠨᠠᠷ᠂ ᢈᠦᠷᠲᠡᢉᠡᠮᠵᠢ ᠶ᠋ᠢ ᠨᠡᠮᠡᢉᠳᠡᢉᠦᠯᠦᠨ ᠠᠵᠢᠯᠯᠠᠬᠤ ᠪᠠᠷ ᢈᠢᠴᠢᠶᠡᠵᠦ ᠪᠠᠶᠢᠨᠠ᠃
ᠡᠨᠡ ᢈᠦ ᠢᠨᠳᠧᠻᠰ ᠢ᠋ ᠨᠢᢉᠡ ᠵᠢᠯ ᠭᠠᠷᠤᠢ ᠶ᠋ᠢᠨ ᠬᠤᠭᠤᠴᠠᠭᠠᠨ ᠳ᠋ᠤ ᢈᠥᠨᠳᠡᠯᠡᠨ ᠦ᠋ ᠪᠠᠭ ᠰᠤᠳᠤᠯᠵᠤ᠂ ᠭᠠᠷᠭᠠᠳᠠᠭ ᠪᠥᢉᠡᠳ ᠤᠯᠤᠰ ᠣᠷᠤᠨ ᠨᠤᠭᠤᠳ ᠤ᠋ᠨ ᠬᠠᠷᠢᠯᠴᠠᠭᠠ ᠬᠣᠯᠪᠤᠭᠠᠨ ᠤ᠋ ᠳᠡᠳ᠋ ᠪᠦᠲᠦᠴᠡ ᠶ᠋ᠢᠨ ᢈᠥᢉᠵᠢᠯ᠂ ᠲᠥᠷᠦ ᠶ᠋ᠢᠨ ᠴᠠᢈᠢᠮ ᠦᠢᠯᠡᠴᠢᠯᠡᢉᠡᠨ ᠦ᠋ ᠲᠣᠭᠠ᠂ ᠢᠷᢉᠡᠳ ᠦ᠋ᠨ ᠴᠠᢈᠢᠮ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢᠨ ᠦᠵᠡᢉᠦᠯᠦᠯᠲᠡ᠂ ᢈᠦᠮᠦᠨ ᠦ᠋ ᠨᠥᢉᠡᠴᠡ ᠶ᠋ᠢᠨ ᢈᠥᢉᠵᠢᠯ᠂ ᠢᠷᢉᠡᠳ ᠦ᠋ᠨ ᠴᠠᢈᠢᠮ ᠣᠷᠤᠯᠴᠠᠭᠠ᠂ ᠬᠠᠤᠯᠢ ᠡᠷᢈᠡ ᠵᠦᠢ ᠶ᠋ᠢᠨ ᠣᠷᠴᠢᠨ᠂ ᠲᠤᠬᠠᠢ ᠶ᠋ᠢᠨ ᠤᠯᠤᠰ ᠤ᠋ᠨ ᠤᠷᠲᠤ ᠬᠤᠭᠤᠴᠠᠭᠠᠨ ᠤ᠋ ᠪᠣᠳᠤᠯᠭᠠ᠂ ᠳ᠋ᠢᠵᠢᠲ᠋ᠠᠯ ᢈᠥᢉᠵᠢᠯ ᠦ᠋ᠨ ᠪᠣᠳᠤᠯᠭᠠ᠂ ᠰᠲ᠋ᠷᠠᠲ᠋ᠧᢉᠢ᠂ ᠢᠯᠡ ᠲᠣᠳᠤ ᠨᠡᢉᠡᢉᠡᠯᠲᠡ ᠲᠡᠢ ᠪᠠᠶᠢᠳᠠᠯ ᠵᠡᠷᢉᠡ ᢈᠦᠴᠦᠨ ᠵᠦᠶᠢᠯ ᠦ᠋ᠳ ᠢ᠋ ᠬᠠᠷᠠᠭᠠᠯᠵᠠᠨ ᠦᠵᠡᠳᠡᢉ᠃
ᠮᠥᠨ ᠳᠡᠯᠡᢈᠡᠢ ᠶ᠋ᠢᠨ ᠢᠨᠨᠤᠸᠠᠼ ᠤ᠋ᠨ ᠢᠨᠳᠧᠻᠰ ᠢ᠋ᠶᠡᠷ ᠑᠓᠒ ᠣᠷᠤᠨ ᠠ᠋ᠴᠠ ᠒᠐᠒᠐ ᠣᠨ ᠳ᠋ᠤ ᠕᠘ ᠳ᠋ᠤᠭᠠᠷ᠂ ᠒᠐᠒᠒ ᠣᠨ ᠳ᠋ᠤ ᠗᠑ ᠳ᠋ᠦ᠋ᢉᠡᠷ᠂ ᠒᠐᠒᠔ ᠣᠨ ᠳ᠋ᠤ ᠖᠗ ᠳ᠋ᠤᠭᠠᠷ ᠪᠠᠶᠢᠷᠢ ᠳ᠋ᠤ ᠣᠷᠤᠭᠰᠠᠨ ᠪᠠᠶᠢᠨᠠ᠃
ᠪᠢᠳᠡ ᠴᠠᠭᠠᠰᠢᠳᠠ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠒᠐᠒᠔᠆᠒᠐᠒᠘ ᠣᠨ ᠤ᠋ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᢈᠥᠲᠦᠯᠪᠦᠷᠢ ᠲᠡ ᠲᠤᠰᠬᠠᠭᠳᠠᠭᠰᠠᠨ ᠤ᠋ ᠳᠠᠭᠠᠭᠤ ᠲᠥᠷᠦ ᠶ᠋ᠢᠨ ᠪᠦᢈᠦ ᠲᠥᠷᠦᠯ ᠦ᠋ᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᢈᠢᠮᠡᠯ ᠣᠶᠤᠨ ᠤ᠋ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᢈᠦᠰᠡᠯᠲᠡ ᠰᠢᠶᠢᠳᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠪᠦᢈᠦᠢ “ᠤᠬᠠᠭᠠᠯᠢᠭ E᠓᠆Mongolia” ᠰᠢᠰᠲ᠋ᠧᠮ ᠢ᠋ ᢈᠥᢉᠵᠢᢉᠦᠯᢈᠦ ᠵᠣᠷᠢᠯᠲᠠ ᠶ᠋ᠢ ᠲᠠᠯᠪᠢᠨ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃
ᠲᠥᠷᠦ ᠶ᠋ᠢᠨ ᠴᠠᢈᠢᠮ ᠦᠶᠢᠯᠡᠴᠢᠯᠡᢉᠡᠨ ᠦ᠋ ᠨᠢᢉᠡᠳᠦᢉᠰᠡᠨ ᠰᠢᠰᠲ᠋ᠧᠮ E᠓᠆Mongolia ᠆ ᠷ ᠳᠠᠮᠵᠢᠭᠤᠯᠤᠨ ᠦᠨᠡᠲᠦ ᠴᠠᠭ ᠢ᠋ᠶᠠᠨ ᢈᠡᠮᠨᠡᠵᠦ ᠡᠳᠦᠷ ᠲᠤᠲᠤᠮ ᠤ᠋ᠨ ᢈᠡᠷᠡᢉᠯᠡᢉᠡᠨ ᠳ᠋ᠦ ᠪᠡᠨ ᢈᠡᠪᠰᠢᢉᠦᠯᠵᠦ ᢈᠡᠷᠡᢉᠯᠡᠵᠦ ᠢᠷᠡᢉᠰᠡᠨ᠂ ᠴᠠᢈᠢᠮ ᠰᠢᠯᠵᠢᠯᠲᠡ ᠶ᠋ᠢ ᠳᠡᠮᠵᠢᠵᠦ ᠪᠤᠢ ᠢᠷᢉᠡᠳ ᠲᠠ ᠪᠦᢈᠦᠨ ᠳ᠋ᠦ ᠪᠡᠨ ᠪᠠᠶᠠᠷᠯᠠᠯᠤᠭᠠ᠃
ᠴᠠᠭ ᠵᠠᠪ ᠭᠠᠷᠭᠠᠨ ᠪᠢᠳᠡᠨ ᠲᠡᠢ ᠶᠠᠷᠢᠯᠴᠠᠭᠰᠠᠨ ᠳ᠋ᠤᠷ ᠪᠠᠶᠠᠷᠯᠠᠯᠤᠭᠠ᠃ ᠠᠵᠢᠯ ᠤ᠋ᠨ ᠠᠮᠵᠢᠯᠲᠠ ᢈᠦᠰᠡᠶᠡ᠃