ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠔ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ ᢈᠢᢉᠰᠡᠨ ᠣᠨᠴᠠᠯᠠᠬᠤ ᠓᠒ ᠠᠵᠢᠯ ᠤ᠋ᠨ ᠨᠢᢉᠡ ᠪᠡᠷ E-Mongolia ᠰᠢᠰᠲ᠋ᠧᠮ ᠢ᠋ ᠣᠨᠴᠠᠯᠠᠵᠡᠢ᠃ ᠒᠐᠒᠔ ᠣᠨ ᠤ᠋ ᠵᠢᠯ ᠦ᠋ᠨ ᠡᠴᠦᠰ ᠦ᠋ᠨ ᠪᠠᠶᠢᠳᠠᠯ ᠢ᠋ᠶᠠᠷ E-Mongolia ᠰᠢᠰᠲ᠋ᠧᠮ ᠨᠢ ᠑᠂᠙᠕᠐᠂᠐᠐᠐ ᢈᠡᠷᠡᢉᠯᠡᢉᠴᠢ ᠲᠡᠢ ᠪᠣᠯᠵᠤ᠂ ᠘᠗ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠒᠖᠓ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮᠵᠢᠭᠤᠯᠵᠡᠢ᠃ ᠡᠨᠡ ᠰᠢᠰᠲ᠋ᠧᠮ ᠨᠢ ᠢᠷᢉᠡᠳ ᠲᠦ ᠖᠕ ᠰᠠᠶᠠ ᠤᠳᠠᠭᠠ ᠶ᠋ᠢᠨ ᠠᠮᠵᠢᠯᠲᠠᠲᠠᠢ ᠦᠢᠯᠡᠴᠢᠯᠡᢉᠡ ᠦᠵᠡᢉᠦᠯᠦᢉᠰᠡᠨ ᠪᠥᢉᠡᠳ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠠᠪᠬᠤ ᠳ᠋ᠤ ᠵᠠᠷᠤᠴᠠᠭᠤᠯᠤᠭᠰᠠᠨ ᠬᠤᠭᠤᠴᠠᠭᠠ᠂ᠵᠠᠷᠤᠳᠠᠯ ᠳ᠋ᠤ ᠳᠠᠷᠠᠭᠠᢈᠢ ᢈᠡᠮᠨᠡᠯᠲᠡ ᠨᠦ᠋ᢉᠦᠳ ᠢ᠋ ᠠᠪᠴᠢᠷᠠᠭᠰᠠᠨ ᠪᠠᠶᠢᠨᠠ:
ᠴᠠᠭ ᠬᠤᠭᠤᠴᠠᠭᠠᠨ ᠤ᠋ ᢈᠡᠮᠨᠡᠯᠲᠡ: ᠑᠂᠐᠖᠒᠂᠘᠕᠕᠂᠒᠖᠖᠂᠒᠖᠑ ᠲᠥᢉᠦᠷᠢᢉ ᠪᠢᠴᠢᢉ ᠴᠠᠭᠠᠰᠤᠨ ᠤ᠋ ᠵᠠᠷᠤᠳᠠᠯ: ᠕᠂᠐᠔᠑᠂᠘᠖᠑᠂᠒᠖᠔ ᠲᠥᢉᠦᠷᠢᢉ ᠤᠨᠤᠭᠠᠨ ᠤ᠋ ᠵᠠᠷᠤᠳᠠᠯ: ᠗᠐᠂᠔᠘᠑᠂᠑᠐᠙᠂᠙᠗᠖ ᠲᠥᢉᠦᠷᠢᢉ ᠨᠡᠶᠢᠲᠡ ᠳ᠋ᠦ ᠪᠡᠨ ᠑᠂᠑᠓᠘᠂᠓᠗᠘᠂᠒᠓᠗᠂᠕᠐᠑ ᠲᠥᢉᠦᠷᠢᢉ ᠦ᠋ᠨ ᢈᠡᠮᠨᠡᠯᠲᠡ ᠭᠠᠷᠴᠡᠢ᠃ ᠨᠡᠶᠢᠲᠡᠯᠡᠯᠴᠢ ᠪᠠ᠂ᠪᠠᠭᠠᠪᠠᠷ: ᠴᠠᢈᠢᠮ ᢈᠥᢉᠵᠢᠯ ᠦ᠋ᠨ ᠲᠦᢉᠦᠴᠢᢉᠡ᠂ ᠭᠣᠣᠯ ᠲᠦᠯᢈᠢᢉᠦᠷ ᠨᠢ ᠪᠣᠯᠵᠤ ᠪᠤᠢ ᠪᠦᢈᠦ ᠠᠯᠪᠠ ᠬᠠᠭᠠᠭᠴᠢᠳ ᠲᠤ ᠪᠠᠨ ᠲᠠᠯᠠᠷᠬᠠᠵᠤ ᠪᠠᠶᠢᠭᠠ ᠪᠠᠨ ᠢᠯᠡᠷᢈᠡᠶᠢᠯᠡᠯᠡ
“ᠢ-ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ ᠨᠢ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠢ᠋ᠶᠠᠨ ᠮᠡᠳᠡᠯᢉᠡ᠂ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ ᠴᠢᢉᠯᠡᠯ ᠢ᠋ᠶᠡᠷ ᠣᠯᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠭᠠᠷ ᠪᠠᠶᠢᠨᠠ᠃ ᠲᠤᠰ ᠠᠻᠠᠳ᠋ᠧᠮᠢ ᠶ᠋ᠢᠨ ᠵᠦᢉ ᠡᠴᠡ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠲᠥᠷᠦ ᠶ᠋ᠢᠨ ᠱᠠᠩᠨᠠᠯᠲᠤ᠂ XX ᠵᠠᠭᠤᠨ ᠤ᠋ ᠮᠠᠩᠯᠠᠢ ᠨᠡᠶᠢᠲᠡᠯᠡᠯᠴᠢ᠂ ᠤᠯᠤᠰ ᠲᠥᠷᠦᠴᠢ ᠪᠠ᠂ᠪᠠᠭᠠᠪᠤᠷ ᠲᠠᠢ ᠴᠢᠯᠦᢉᠡᠲᠦ ᠠᠭᠤᠯᠵᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂ “ᠮᠣᠩᠭᠤᠯ ᠤᠯᠤᠰ ᠤ᠋ᠨ ᢈᠥᢉᠵᠢᠯ ᠳᠡᠪᠰᠢᠯ” ᠰᠡᠳᠦᠪ ᠢ᠋ᠶᠡᠷ ᠶᠠᠷᠢᠯᠴᠠᠵᠤ᠂ ᠢᠷᠡᢉᠡᠳᠦᠢ ᠬᠣᠶᠢᠴᠢ ᠦᠶᠡ ᠶ᠋ᠢᠨ ᢈᠢᠨ ᠦ᠋ ᠦᠵᠡᠯ ᠪᠣᠳᠤᠯ ᠢ᠋ ᠰᠣᠨᠤᠰᠴᠤ᠂ ᠲᠤᠯᠭᠠᠮᠳᠠᠵᠤ ᠪᠤᠢ ᠠᠰᠠᠭᠤᠳᠠᠯ ᠤ᠋ᠳ ᠤ᠋ᠨ ᠲᠠᠯᠠᠭᠠᠷ ᠰᠠᠨᠠᠯ ᠪᠣᠳᠤᠯ ᠢ᠋ᠶᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠪᠠᠶᠢᠨᠠ᠃ ᠲᠥᠷᠦ ᠶ᠋ᠢᠨ ᠴᠠᢈᠢᠮ ᠦᠢᠯᠡᠴᠢᠯᠡᢉᠡᠨ ᠦ᠋ ᠬᠠᠮᠤᠭ ᠤ᠋ᠨ ᠶᠡᢈᠡ ᠠᠮᠵᠢᠯᠲᠠᠲᠠᠢ ᢈᠡᠷᠡᢉᠵᠢᢉᠰᠡᠨ ᠠᠶᠢᠮᠠᠭ ᠤ᠋ᠳ ᠪᠣᠯ ᢈᠡᠨᠲᠡᠢ᠂ ᠳᠣᠷᠤᠨᠠᠭᠣᠪᠢ᠂ ᢈᠥᠪᠰᠦᢉᠦᠯ ᠠᠶᠢᠮᠠᠭ ᠤ᠋ᠳ ᠶᠤᠮ᠃ ᠡᠳᠡᢉᠡᠷ ᠠᠶᠢᠮᠠᠭ ᠤ᠋ᠳ E-Mongolia ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᠯ ᠲᠡᠢ ᠢᠷᢉᠡᠳ ᠦ᠋ᠨ ᠲᠣᠭᠠ ᠪᠠᠷ ᠲᠡᠷᠢᢉᠦᠯᠡᠵᠦ᠂ ᠣᠯᠠᠨ ᠲᠥᠷᠦᠯ ᠦ᠋ᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮᠵᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠣᠳᠤᠷᠠᠭᠤᠯᠪᠠᠯ:
ᢈᠡᠨᠲᠡᠢ ᠠᠶᠢᠮᠠᠭ: ᠘᠐% ᠢᠷᢉᠡᠳ E-Mongolia ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᠯ ᠲᠡᠢ᠂ ᠗᠘ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮᠵᠢᠭᠤᠯᠤᠭᠰᠠᠨ᠃ ᠳᠣᠷᠤᠨᠠᠭᠤᠪᠢ ᠠᠶᠢᠮᠠᠭ: ᠘᠕% ᠢᠷᢉᠡᠳ E-Mongolia ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᠯ ᠲᠡᠢ᠂ ᠗᠘ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮᠵᠢᠭᠤᠯᠤᠭᠰᠠᠨ᠃ ᢈᠥᠪᠰᠦᢉᠦᠯ ᠠᠶᠢᠮᠠᠭ: ᠗᠕% ᠢᠷᢉᠡᠳ E-Mongolia ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᠯ ᠲᠡᠢ᠂ ᠗᠕ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠴᠠᢈᠢᠮᠵᠢᠭᠤᠯᠤᠭᠰᠠᠨ᠃ “ᠢ-ᠮᠣᠩᠭᠤᠯ ᠠᠻᠠᠳ᠋ᠧᠮᠢ”-ᠡᠶᠢᠨ ᠰᠤᠳᠤᠯᠤᠭᠠᠴᠢ ᠶ᠋ᠢᠨ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠥᢉᠦᠯᠡᠯ “International journal of Public Administration and Consulting (IJPAC)” ᠰᠡᠳᢈᠦᠯ ᠳ᠋ᠦ ᠨᠡᠶᠢᠲᠡᠯᠡᢉᠳᠡᠯᠡ
“ᠢ-ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ- ᠠ᠋ᠴᠠ ᠭᠤᠷᠪᠠ ᠳ᠋ᠠᢈᠢ ᠤᠳᠠᠭᠠ ᠪᠠᠨ ᠣᠯᠠᠨ ᠤᠯᠤᠰ ᠤ᠋ᠨ ᠨᠡᠷᠡ ᢈᠦᠨᠳᠦ ᠪᠦᢈᠦᠢ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠰᠡᠳᢈᠦᠯ ᠳ᠋ᠦ ᠥᢉᠦᠯᠡᠯ ᠨᠡᠶᠢᠲᠡᠯᠡᢉᠦᠯᠵᠦ ᠪᠠᠶᠢᠭᠠ ᠪᠥᢉᠡᠳ ᠡᠨᠡ ᠤᠳᠠᠭᠠ ᠲᠤᠰ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠰᠤᠷᠭᠠᠯᠲᠠ᠂ ᠣᠯᠠᠨ ᠨᠡᠶᠢᠲᠡ ᠲᠡᠢ ᠬᠠᠷᠢᠯᠴᠠᠬᠤ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ ᠮᠣᠰᠤ ᠡᠶᠢᠨ ᠳᠣᠻᠲ᠋ᠤᠷᠠᠨᠲ ᠨ᠃ ᠲᠥᠷᠦᠪᠠᠲᠤ ᠶ᠋ᠢᠨ “Accessibility of public services in Mongolia for citizens with disabilities through the E-Mongolia system” ᠨᠡᠷᠡ ᠲᠡᠢ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠥᢉᠦᠯᠡᠯ ᠪᠨᠰᠤ- ᠤ᠋ᠨ Hansung University- ᠡᠴᠡ ᠡᠷᢈᠡᠯᠡᠨ ᠭᠠᠷᠭᠠᠳᠠᠭ “International journal of Public Administration and Consulting (IJPAC)” ᠣᠯᠠᠨ ᠤᠯᠤᠰ ᠤ᠋ᠨ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠰᠡᠳᢈᠦᠯ ᠳ᠋ᠦ ᠨᠡᠶᠢᠲᠡᠯᠡᢉᠳᠡᠯᠡ᠃ ᠵᠡᠪᠰᠡᢉᠲᠦ ᢈᠦᠴᠦᠨ ᠦ᠋ ᠵᠠᠩᠵᠤᠨ ᠱᠲ᠋ᠠᠪ ᠤ᠋ᠨ ᠬᠠᠷᠢᠶᠠ ᠠᠩᢉᠢ ᠨᠤᠭᠤᠳ ᠤ᠋ᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠲᠤ ᠰᠤᠷᠭᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯ ᠢ᠋ᠶᠠᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠒᠐᠒᠓ ᠣᠨ ᠤ᠋ ᠔᠖ ᠳ᠋᠋ᠤᠭᠠᠷ ᠲᠡᠮᠳᠡᢉᠯᠡᠯ᠂ ᠒᠐᠒᠔ ᠣᠨ ᠤ᠋ ᠑᠖᠓ ᠳ᠋ᠤᠭᠠᠷ ᠲᠣᠭᠲᠠᠭᠠᠯ ᠳ᠋ᠤ ᠪᠦᢈᠦ ᠨᠡᠶᠢᠲᠡ ᠶ᠋ᠢᠨ ᠴᠠᢈᠢᠮ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ ᠤᠯᠤᠰ ᠤ᠋ᠨ ᢈᠡᠮᠵᠢᠶᠡᠨ ᠳ᠋ᠦ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠶ᠋ᠢ ᠴᠠᢈᠢᠮ ᢈᠥᢉᠵᠢᠯ᠂ ᠢᠨ᠋ ᠨ᠋ᠣᠸᠠᠼ᠂ ᠬᠠᠷᠢᠯᠴᠠᠭᠠ ᠬᠣᠯᠪᠤᠭᠠᠨ ᠤ᠋ ᠰᠠᠶᠢᠳ ᠪᠣᠯᠤᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᢈᠡᠷᠡᢉ ᠡᠷᢈᠢᠯᠡᢈᠦ ᠭᠠᠵᠠᠷ ᠲᠤ ᠲᠤᠰ ᠲᠤᠰ ᠡᢉᠦᠷᢉᠡ ᠪᠣᠯᠭᠠᠭᠰᠠᠨ᠃ ᠳᠡᢉᠡᠷᠡᢈᠢ ᠪᠣᠳᠤᠯᠭᠠ ᠶ᠋ᠢᠨ ᠪᠠᠷᠢᠮᠲᠠ ᠪᠢᠴᠢᢉ ᠦ᠋ᠨ ᢈᠡᠷᠡᢉᠵᠢᠯᠲᠡ ᠶ᠋ᠢ ᠬᠠᠩᠭᠠᠬᠤ ᠡᢉᠦᠳᠡᠨ ᠡᠴᠡ ᠲᠥᠷᠦ ᠶ᠋ᠢᠨ ᠠᠯᠪᠠᠨ ᠬᠠᠭᠠᠭᠴᠢ ᠶ᠋ᠢᠨ ᠮᠡᠳᠡᠯᢉᠡ᠂ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ ᠤᠳᠤᠷᠢᠳᠬᠤ ᠠᠵᠢᠯᠲᠠᠨ ᠤ᠋ ᠮᠠᠩᠯᠠᠶᠢᠯᠠᠬᠤ ᠤᠷᠠ ᠴᠢᠳᠠᠪᠤᠷᠢ ᢈᠥᢉᠵᠢᢉᠦᠯᢈᠦ᠂ ᠳᠠᠪᠲᠠᠨ ᠰᠤᠷᠭᠠᠬᠤ᠂ ᠮᠡᠷᢉᠡᠰᠢᢉᠦᠯᢈᠦ ᠵᠣᠷᠢᠯᠭᠠ ᠪᠠᠷ “ᠢ-ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ- ᠠ᠋ᠴᠠ ᠪᠦᢈᠦ ᠨᠡᠶᠢᠲᠡ ᠶ᠋ᠢᠨ ᠴᠠᢈᠢᠮ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᠵᠦ᠂ ᠲᠣᠭᠠᠨ ᠬᠤᠪᠢᠶᠠᠭᠳᠠᠯ ᠢ᠋ ᠪᠠᠭᠤᠷᠠᠭᠤᠯᠬᠤ ᠵᠠᠮ ᠢ᠋ᠶᠠᠷ ᠴᠠᢈᠢᠮ ᠰᠢᠯᠵᠢᠯᠲᠡ ᠶ᠋ᠢᠨ ᠪᠡᠯᠡᠨ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠳ᠋ᠤ ᠴᠢᢉᠯᠡᢉᠰᠡᠨ ᠴᠠᢈᠢᠮ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᠮᠵᠢᢈᠦ ᠰᠤᠷᠭᠠᠯᠲᠠ ᠶ᠋ᠢ ᠵᠡᠪᠰᠡᢉᠲᠦ ᢈᠦᠴᠦᠨ ᠦ᠋ ᠵᠠᠩᠵᠤᠨ ᠱᠲ᠋ᠠᠪ ᠲᠠᠢ ᠬᠠᠮᠲᠤᠷᠠᠨ ᠒᠐᠒᠕ ᠣᠨ ᠤ᠋ ᠑ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠒᠓-ᠨ ᠤ᠋ ᠡᠳᠦᠷ ᠡᠴᠡ ᠓᠑-ᠨᠢ ᠡᠳᠦᠷ ᠦ᠋ᠳ ᠦ᠋ᠨ ᠬᠣᠭᠤᠷᠤᠨᠳᠤ ᠳᠠᠷᠠᠭᠠᢈᠢ ᠰᠡᠳᠦᠪ ᠦ᠋ᠨ ᢈᠦᠷᠢᠶᠡᠨ ᠳ᠋ᠦ ᠰᠤᠷᠭᠠᠯᠲᠠ᠂ ᠣᠯᠠᠨ ᠨᠡᠶᠢᠲᠡ ᠲᠡᠢ ᠬᠠᠷᠢᠯᠴᠠᠬᠤ ᠭᠠᠵᠠᠷ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢᠨ ᢈᠡᠯᠲᠡᠰ ᠡᠴᠡ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃