ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠲᠥᠷᠦ ᠶ᠋ᠢᠨ ᠦᠶᠢᠯᠡᠴᠢᠯᠡᢉᠡᠨ ᠦ᠋ ᠨᠢᢉᠡᠳᠦᢉᠰᠡᠨ ᠰᠢᠰᠲ᠋ᠧᠮ E-Mongolia ᠨᠢ ᠰᠢᠨᠡᠴᠢᠯᠡᠯ᠂ ᠰᠠᠶᠢᠵᠢᠷᠠᠭᠤᠯᠤᠯᠲᠠ ᠶ᠋ᠢ ᠲᠣᠭᠲᠠᠮᠠᠯ ᢈᠢᠵᠦ᠂ ᠒᠐᠒᠔ ᠣᠨ ᠤ᠋ ᠕-ᠷ ᠰᠠᠷᠠ ᠶ᠋ᠢᠨ ᠗-ᠨᠳᠦ “ᠢᠷᢉᠡᠨ ᠢ᠋ᠶᠡᠨ ᠬᠠᠮᠠᠭᠠᠯᠠᠳᠠᠭ” ᠤᠷᠢᠶᠠᠲᠠᠢ E-Mongolia ᠔᠂ ᠐ ᠬᠤᠪᠢᠯᠪᠤᠷᠢ ᠪᠠᠨ ᢈᠢᠮᠡᠯ ᠣᠶᠤᠨ ᠳ᠋ᠤ ᠰᠠᠭᠤᠷᠢᠯᠠᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ᠃ ᠲᠡᢉᠡᠪᠡᠯ ᠲᠤᠰ ᠰᠢᠰᠲ᠋ᠧᠮ ᠢ᠋ ᢈᠥᢉᠵᠢᢉᠦᠯᠦᢉᠴᠢ ᠵᠠᠯᠠᠭᠤᠰ ᢈᠢᠮᠡᠯ ᠣᠶᠤᠨ ᠤᠬᠠᠭᠠᠨ ᠤ᠋ ᠪᠣᠯᠤᠮᠵᠢ ᠶ᠋ᠢ ᠠᠰᠢᠭᠯᠠᠨ ᠥᠪᠡᠷᠰᠡᠳ ᠦ᠋ᠨ ᠪᠦᠲᠦᢉᠡᢉᠰᠡᠨ ᠰᠦᠯᠳᠡ ᠳᠠᠭᠤᠲᠠᠢ ᠪᠣᠯᠤᠯᠠ᠂ᠥᢉᠡᠷᠡ ᠪᠡᠷ ᢈᠡᠯᠡᠪᠡᠯ ᠦᢉᠡ ᠶ᠋ᠢ ᠥᠪᠡᠷᠰᠡᠳ ᠢ᠋ᠶᠡᠨ ᠪᠢᠴᠢᠵᠦ ᠨᠠᠶᠢᠷᠠᠭᠤᠯᠤᠨ᠂ ᠳᠠᠭᠤᠨ ᠤ᠋ ᠠᠶᠠ ᠶ᠋ᠢ ᢈᠢᠮᠡᠯ ᠣᠶᠤᠨ ᠢ᠋ᠶᠠᠷ ᠵᠣᢈᠢᠶᠠᠯᠭᠠᠵᠤ ᠮᠥᠨ ᠠᠳᠠᠯᠢ ᢈᠢᠮᠡᠷ ᠣᠶᠤᠨ ᠠᠰᠢᠭᠯᠠᠨ ᠳᠠᠭᠤᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᢈᠦ ᢈᠢᠮᠡᠯ ᠣᠶᠤᠨ ᠢ᠋ᠶᠠᠷ ᠵᠣᢈᠢᠶᠠᠭᠰᠠᠨ ᠰᠦᠯᠳᠡ ᠳᠠᠭᠤᠤ ᠨᠢ ᠰᠢᠰᠲ᠋ᠧᠮ ᠦ᠋ᠨ ᠰᠢᠨᠡᠯᠢᢉ ᠪᠠᠶᠢᠳᠠᠯ᠂ ᠲᠧᠻᠨᠣᠯᠣᢉᠢ ᠶ᠋ᠢᠨ ᢈᠥᢉᠵᠢᠯ ᠢ᠋ ᠢᠯᠡᠷᢈᠡᠶᠢᠯᠡᢈᠦ ᠶ᠋ᠢᠨ ᠵᠡᠷᢉᠡᠴᠡᢉᠡ ᠳᠠᢈᠢᠨ ᠳᠠᠪᠲᠠᠭᠳᠠᠰᠢ ᠦᢉᠡᠢ᠂ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ ᠶ᠋ᠢᠨ ᠵᠥᠷᠢᠴᠡᠯ ᠦᢉᠡᠢ ᠪᠦᠲᠦᢉᠡᠯ ᠪᠣᠯᠵᠤ ᠪᠤᠢ ᠪᠠᠷ ᠢ᠋ᠶᠠᠨ ᠣᠨᠴᠠᠯᠢᠭ ᠶᠤᠮ᠃ E-Mongolia ᠰᠢᠰᠲ᠋ᠧᠮ ᠳ᠋ᠦ ᢈᠢᠮᠡᠯ ᠣᠶᠤᠨ ᠤᠬᠠᠭᠠᠨ (AI) ᢈᠡᠳᠦᠶᠢᠨ ᠲᠣᠮᠤᠬᠠᠨ ᠡᢉᠦᠷᢉᠡ ᢉᠦᠢᠴᠡᠳᢈᠡᠵᠦ ᠪᠠᠶᠢᠭᠠ ᠪᠠ ᠢᠷᢉᠡᠳ ᠲᠦ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠢᠯᠡᢉᠦᠦ ᠬᠤᠷᠳᠤᠨ᠂ ᢈᠢᠯᠪᠠᠷ ᢈᠦᠷᢈᠡᢈᠦ ᠵᠣᠷᠢᠯᠭᠠ ᠪᠠᠷ ᠴᠠᠲ᠋ᠪᠣᠲ᠂ ᠳᠠᠭᠤ ᠬᠣᠭᠤᠯᠠᠢ ᠲᠠᠨᠢᠬᠤ᠂ ᠥᢉᢉᠦᢉᠳᠡᠯ ᠦ᠋ᠨ ᠠᠨᠠᠯᠢᠽᠢ᠂ ᠨᠢᠭᠤᠷ ᠴᠢᠷᠠᠢ ᠲᠠᠨᠢᠬᠤ᠂ ᠠᠦ᠋ᠲ᠋ᠣᠮᠠᠲ ᠣᠷᠴᠢᠭᠤᠯᠭᠠ ᠵᠡᠷᢉᠡ ᠲᠧᠻᠨᠣᠯᠣᢉᠢ ᠶ᠋ᠢ ᠨᠡᠪᠲᠡᠷᠡᢉᠦᠯᠵᠦ᠂ ᢈᠡᠷᠡᢉᠯᠡᢉᠴᠢ ᠶ᠋ᠢᠨ ᢈᠡᠷᠡᢉᠴᠡᢉᠡᠨ ᠳ᠋ᠦ ᠲᠣᢈᠢᠷᠠᠭᠤᠯᠤᠨ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡᠨ ᠦ᠋ ᠴᠢᠨᠠᠷ᠂ ᢈᠦᠷᠲᠡᢉᠡᠮᠵᠢ ᠶ᠋ᠢ ᠰᠠᠶᠢᠵᠢᠷᠠᠭᠤᠯᠵᠤ ᠪᠠᠶᠢᠨᠠ᠃ ᠮᠣᠩᠭᠣᠯ ᠤᠯᠤᠰ ᠲᠤ ᢈᠢᠮᠡᠯ ᠣᠶᠤᠨ ᠤ᠋ ᢈᠥᢉᠵᠢᠯ ᠢ᠋ ᠳᠡᠮᠵᠢᢈᠦ᠂ ᠰᠠᠯᠪᠤᠷᠢ ᠶ᠋ᠢᠨ ᠣᠷᠤᠯᠴᠠᠭᠴᠢ ᠲᠠᠯᠠ ᠨᠤᠭᠤᠳ ᠤ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᠶ᠋ᠢ ᠰᠠᠶᠢᠵᠢᠷᠠᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ “Data + AI Conference-᠒᠐᠒᠕” ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ ᠒᠐᠒᠕ ᠣᠨ ᠤ᠋ ᠒-ᠷ ᠰᠠᠷᠠ ᠶ᠋ᠢᠨ ᠑᠓-ᠨ ᠳ᠋ᠤ ᠲᠥᠷᠦ ᠶ᠋ᠢᠨ ᠣᠷᠳᠤᠨ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᢉᠡᠵᠦ ᠪᠠᠶᠢᠨᠠ᠃ ᠡᠨᠡ ᢈᠦ ᠴᠢᠭᠤᠯᠭᠠᠨ ᠢ᠋ᠶᠠᠷ ᠶᠡᢈᠡ ᠥᢉᢉᠦᢉᠳᠡᠯ᠂ ᢈᠢᠮᠡᠯ ᠣᠶᠤᠨ ᠤ᠋ ᠦᠨᠳᠦᠰᠦᠨ ᠦ᠋ ᠰᠲ᠋ᠷᠠᠲ᠋ᠧᢉᠢ ᠶ᠋ᠢᠨ ᠲᠥᠰᠦᠯ ᠢ᠋ ᠣᠯᠠᠨ ᠨᠡᠶᠢᠲᠡ ᠳ᠋ᠦ ᠲᠠᠨᠢᠯᠴᠠᠭᠤᠯᠵᠤ᠂ ᠰᠠᠯᠪᠤᠷᠢ ᠶ᠋ᠢᠨ ᠮᠡᠷᢉᠡᠵᠢᠯᠲᠡᠨ ᠨᠦ᠋ᢉᠦᠳ ᠦ᠋ᠨ ᠰᠠᠨᠠᠯ᠂ ᠵᠥᠪᠯᠡᠮᠵᠢ ᠶ᠋ᠢ ᠨᠢᢉᠡᠳᢈᠡᠨᠡ᠃ ᠮᠥᠨ ᠨᠦᠪ- ᠤ᠋ᠨ ᢈᠥᢉᠵᠢᠯ ᠦ᠋ᠨ ᢈᠥᠲᠦᠯᠪᠦᠷᠢ ᠶ᠋ᠢᠨ ᠬᠠᠮᠲᠤᠷᠠᠨ ᢈᠢᠮᠡᠯ ᠣᠶᠤᠨ ᠢ᠋ ᠶᠣᠰᠤ ᠵᠦᠢ ᠲᠡᠢ᠂ ᠬᠠᠷᠢᠭᠤᠴᠠᠯᠭᠠᠲᠠᠢ ᠪᠠᠷ ᠠᠰᠢᠭᠯᠠᠬᠤ᠂ ᠨᠡᠶᠢᢉᠡᠮ᠂ ᠡᠳ᠋ ᠦ᠋ᠨ ᠵᠠᠰᠠᠭ᠂ ᠪᠠᠶᠢᠭᠠᠯᠢ ᠣᠷᠴᠢᠨ ᠤ᠋ ᠲᠤᠯᠭᠠᠮᠳᠠᠭᠰᠠᠨ ᠠᠰᠠᠭᠤᠳᠠᠯ ᠤ᠋ᠳ ᠢ᠋ ᠰᠢᠢᠳᠪᠦᠷᠢᠯᠡᢈᠦ᠂ ᠪᠦᠲᠦᢉᠡᠮᠵᠢ ᠶ᠋ᠢ ᠨᠡᠮᠡᢉᠳᠡᢉᠦᠯᢈᠦ ᠲᠠᠯᠠᠭᠠᠷ ᢈᠡᠯᠡᠯᠴᠡᢈᠦ ᠶᠤᠮ᠃
E-Mongolia ᢈᠢᠮᠡᠯ ᠣᠶᠤᠨ ᠢ᠋ᠶᠠᠷ ᠪᠦᠲᠦᢉᠡᢉᠳᠡᢉᠰᠡᠨ ᠰᠦᠯᠳᠡ ᠳᠠᠭᠤᠲᠠᠢ ᠪᠣᠯᠤᠯᠠ

ᠨᠡᠶᠢᠲᠡᠯᠡᠭᠰᠡᠨ᠄