“ᠢ-ᠮᠣᠩᠭᠤᠯ ᠠᠻᠠᠳ᠋ᠧᠮᠢ” ᠤᠲᠤᠭ ᠨᠢ ᢈᠢᠯᠢ ᠬᠠᠮᠠᠭᠠᠯᠠᠬᠤ ᠶᠡᠷᠦᠩᢈᠡᠢ ᠭᠠᠵᠠᠷ ᠲᠠᠢ ᠬᠠᠮᠲᠤᠷᠠᠨ 2021 ᠣᠨ ᠠ᠋ᠴᠠ ᠡᢈᠢᠯᠡᠨ ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠰᠡᠨ ᠢᠷᢉᠡᠨ ᠦ᠋ ᠯᠠᠪᠯᠠᠭᠠ ᠶ᠋ᠢ ᠴᠠᢈᠢᠮ ᢈᠡᠯᠪᠡᠷᠢ ᠳ᠋ᠦ ᠰᠢᠯᠵᠢᢉᠦᠯᠵᠦ᠂ ᠢᠷᢉᠡᠳ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠢᠯᠡᢉᠦᠦ ᢈᠦᠷᠲᠡᢉᠡᠮᠵᠢ ᠲᠡᠢ᠂ ᢈᠢᠯᠪᠠᠷ ᠪᠣᠯᠭᠠᠬᠤ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠰᠡᠨ ᠢᠷᢉᠡᠨ ᠦ᠋ ᠯᠠᠪᠯᠠᠭᠠ ᠳᠠᠷᠠᠭᠠᢈᠢ ᠲᠣᢈᠢᠶᠠᠯᠳᠤᠯ ᠤ᠋ᠳ ᠲᠤ ᠱᠠᠭᠠᠷᠳᠠᠯᠭᠠ ᠲᠠᠢ:
– ᠸᠢᠰᠠ ᠶ᠋ᠢᠨ ᠮᠠᠲ᠋ᠧᠷᠢᠠᠯ ᠪᠦᠷᠢᠳᠦᢉᠦᠯᢈᠦ
– ᠡᠷᠡᢉᠦᠯ ᠮᠡᠨᠳᠦ᠂ ᠨᠡᠶᠢᢉᠡᠮ ᠦ᠋ᠨ ᠳᠠᠭᠠᠳᠬᠠᠯ᠂ ᠲᠠᠲᠠᠪᠤᠷᠢ᠂ ᠪᠠᠩᠻᠢ ᠰᠠᠩᢈᠦᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ᠂ ᠬᠠᠳᠠᠭᠠᠯᠠᠮᠵᠢ ᠵᠢᢉᠡᠯᠡ ᠶ᠋ᠢᠨ ᠬᠣᠷᠰᠢᠶᠠ᠂ ᠣᠷᠤᠨ ᠰᠠᠭᠤᠴᠠᠨ ᠤ᠋ ᠻᠣᠷᠫᠤᠷᠠᠼᠢ᠂ ᠣᠷᠤᠨ ᠰᠠᠭᠤᠴᠠ᠂ ᠨᠠ ᠻᠣᠨᠲ᠋ᠤᠷ
– ᢉᠡᠷ ᠪᠦᠯᠢ ᠴᠤᠴᠠᠯᠠᠭᠤᠯᠬᠤ
-ᠴᠡᠷᠢᢉ ᠲᠠᠲᠠᠯᠭᠠ ᠲᠠᠢ ᠬᠣᠯᠪᠤᠭᠠ ᠲᠠᠢ ᠨᠡᠶᠢᠰᠯᠡᠯ᠂ ᠠᠶᠢᠮᠠᠭ᠂ ᠳᠡᢉᠦᠷᢉᠡ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠲᠤ ᠭᠠᠷᠭᠠᠵᠤ ᠥᢉᢈᠦ ᠡᠮᠦᠨᠡ ᠨᠢ ᠢᠷᢉᠡᠳ ᠡᠨᠡ ᠦᠢᠯᠡᠴᠢᠯᠡᢉᠡ ᠶ᠋ᠢ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ ᠰᠢᠰᠲ᠋ᠧᠮ ᠤᠷᠤᠭᠤ ᠨᠡᠪᠲᠡᠷᠡᠨ ᢈᠦᠰᠡᠯᠲᠡ ᠭᠠᠷᠭᠠᠭᠠᠳ ᠲᠣᠳᠤᠷᠬᠠᠢ ᠬᠤᠭᠤᠴᠠᠭᠠᠨ ᠤ᠋ ᠳᠣᠲᠤᠷᠠ ᠬᠠᠷᠢᠭᠤ ᢈᠦᠯᠢᠶᠡᢈᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠪᠣᠯ ᠣᠳᠤ E-Mongolia ᠰᠢᠰᠲ᠋ᠧᠮ ᠢ᠋ᠶᠡᠷ ᠴᠠᠭ ᠠᠯᠳᠠᠯ ᠦᢉᠡᠢ᠂ ᠰᠢᠭᠤᠳ ᠠᠪᠬᠤ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠯᠠ᠃ ᠯᠠᠪᠯᠠᠭᠠ ᠠᠪᠬᠤ ᠵᠢᠭᠠᠪᠤᠷᠢ:
– www᠃ e-mongolia᠃ mn ᠰᠠᠶᠢᠲᠤ ᠳ᠋ᠤ ᠨᠡᠪᠲᠡᠷᠡᢈᠦ
– “ᠦᠶᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ” ᠼᠧᠰᠧ ᠶ᠋ᠢ ᠰᠣᠩᠭᠤᠬᠤ
– “ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠰᠡᠨ ᠢᠷᢉᠡᠨ ᠦ᠋ ᠯᠠᠪᠯᠠᠭᠠ” ᢉᠡᢉᠰᠡᠨ ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠰᠣᠩᠭᠤᠬᠤ ᠰᠢᠭᠤᠳ ᠦᠶᠢᠯᠡᠴᠢᠯᠡᢉᠡ ᠠᠪᠬᠤ ᠯᠢᠨᠻ: https://e-mongolia᠃ mn/service/ulsyn-khileer-nevtersen-irgenii-lavlagaa
ᠣᠳᠤ ᠶ᠋ᠢᠨ ᠪᠠᠶᠢᠳᠠᠯ ᠢ᠋ᠶᠠᠷ ᢈᠡᠷᠪᠡ ᠲᠠ ᠭᠠᠷ ᠤᠲᠠᠰᠤᠨ ᠤ᠋ ᠠᠫᠫᠯᠢᠻᠧᠢᠢᠰᠢᠨ᠋ ᠡᠴᠡ “ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠰᠡᠨ ᠢᠷᢉᠡᠨ ᠦ᠋ ᠯᠠᠪᠯᠠᠭᠠ” ᠠᠪᠬᠤ ᠪᠣᠯ ᠢᠷᢉᠡᠨ ᠦ᠋ ᠬᠠᠮᠤᠭ ᠤ᠋ᠨ ᠰᠡᢉᠦᠯ ᠳ᠋ᠦ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠰᠡᠨ ᠮᠡᠳᠡᢉᠡᠯᠡᠯ ᠬᠠᠷᠠᠭᠳᠠᠬᠤ ᠪᠥᢉᠡᠳ ᠲᠣᠳᠤᠷᠬᠠᠢ ᠬᠤᠭᠤᠴᠠᠭᠠ ᠵᠢᠭᠠᠭᠳᠠᠭᠰᠠᠨ ᠯᠠᠪᠯᠠᠭᠠ ᠶ᠋ᠢ ᠪᠤᠪᠢ ᢈᠥᠲᠦᠴᠢ ᠤᠷᠤᠭᠤ ᠬᠠᠨᠳᠤᠨ ᠠᠪᠬᠤ ᠪᠣᠯᠤᠮᠵᠢ ᠲᠠᠢ ᠪᠠᠶᠢᠨᠠ᠃ ᠡᠨᠡ ᢈᠦ ᠰᠢᠨᠡᠴᠢᠯᠡᠯ ᠨᠢ ᠢᠷᢉᠡᠳ ᠲᠦ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᢈᠢᠯᠪᠠᠷ᠂ ᠰᠢᠭᠤᠷᠬᠠᠢ᠂ ᠦᠨᠡ ᠲᠥᠯᠦᠪᠦᠷᠢ ᠦᢉᠡᠢ ᠠᠪᠬᠤ ᠪᠣᠯᠤᠮᠵᠢ ᠶ᠋ᠢ ᠣᠯᠭᠤᠵᠤ ᠪᠠᠶᠢᠨᠠ᠃
ᠤᠯᠤᠰ ᠤ᠋ᠨ ᢈᠢᠯᠢ ᠪᠡᠷ ᠨᠡᠪᠲᠡᠷᠡᢉᠰᠡᠨ ᠢᠷᢉᠡᠨ ᠦ᠋ ᠯᠠᠪᠯᠠᠭᠠ ᠶ᠋ᠢ ᠢ-ᠮᠣᠩᠭᠣᠯᠢᠶᠠ ᠰᠢᠰᠲ᠋ᠧᠮ ᠡᠴᠡ ᠢᠯᠡᢉᠦᠦ ᢈᠢᠯᠪᠠᠷ ᠢ᠋ᠶᠠᠷ ᠠᠪᠤᠭᠠᠷᠠᠢ
ᠨᠡᠶᠢᠲᠡᠯᠡᠭᠰᠡᠨ᠄