ᠵᠢᢉᠡᠯᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠯᠠᠪᠯᠠᠭᠠ ᢉᠡᠳᠡᢉ ᠨᠢ ᠲᠤᠬᠠᠢ ᠶ᠋ᠢᠨ ᠢᠷᢉᠡᠨ ᠡᠰᠡᠪᠡᠯ ᠠᠵᠤ ᠠᠬᠤᠢ ᠶ᠋ᠢᠨ ᠨᠢᢉᠡᠴᠡ ᠶ᠋ᠢᠨ ᠵᠢᢉᠡᠯᠡ ᠶ᠋ᠢᠨ ᠲᠡᠦᢈᠡ᠂ ᠰᠠᠩᢈᠦᠦ ᠶ᠋ᠢᠨ ᠡᢉᠦᠷᢉᠡ ᠪᠡᠨ ᠪᠡᠶᠡᠯᠡᢉᠦᠯᠦᢉᠰᠡᠨ ᠪᠠᠶᠢᠳᠠᠯ ᠲᠠᠢ ᠬᠣᠯᠪᠤᠭᠠ ᠲᠠᠢ ᠮᠡᠳᠡᢉᠡᠯᠡᠯ ᠢ᠋ ᠠᠭᠤᠯᠤᠭᠰᠠᠨ ᠪᠠᠷᠢᠮᠲᠠ ᠪᠢᠴᠢᢉ ᠶᠠᠭᠤᠮᠠ ᠲᠣᠳᠤᠷᠠᠭᠤᠯᠪᠠᠯ: ᠪᠠᠩᠻᠢ ᠨᠤᠭᠤᠳ ᠪᠣᠯᠤᠨ ᠪᠪᠰᠪᠢ-ᠠᠭᠤᠳᠠ ᠢᠷᢉᠡᠳ ᠦ᠋ᠨ ᠵᠢᢉᠡᠯᠡ ᠶ᠋ᠢᠨ ᠴᠢᠳᠠᠪᠤᠷᠢ ᠶ᠋ᠢ ᠦᠨᠡᠯᠡᢈᠦ᠂ ᠵᠢᢉᠡᠯᠡ ᠣᠯᠭᠤᠬᠤ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠳ᠋ᠤ ᠴᠢᠬᠤᠯᠠ ᠦᠵᠡᢉᠦᠯᠦᠯᠲᠡ ᠪᠣᠯᠳᠠᠭ ᠪᠥᢉᠡᠳ ᠣᠷᠤᠨ ᠰᠠᠭᠤᠴᠠ᠂ ᠠᠦ᠋ᠲ᠋ᠣ᠋ ᠮᠠᠱᠢᠨ᠋ ᠬᠤᠳᠠᠯᠳᠤᠨ ᠠᠪᠬᠤ᠂ ᠭᠠᠳᠠᠭᠠᠳᠤ ᠳ᠋ᠤ ᠵᠣᠷᠴᠢᠬᠤ ᠵᠡᠷᢉᠡ ᠰᠠᠩᢈᠦᠦ ᠶ᠋ᠢᠨ ᠴᠢᠳᠠᠮᠵᠢ ᠲᠠᠢ ᠬᠣᠯᠪᠤᠭᠠᠲᠠᠢ ᠣᠯᠠᠨ ᠰᠠᠯᠪᠤᠷᠢ ᠳ᠋ᠤ ᠥᠷᢉᠡᠨ ᢈᠡᠷᠡᢉᠯᠡᢉᠳᠡᠳᠡᢉ ᠪᠠᠶᠢᠨᠠ᠃ ᠡᢉᠦᠨ ᠳ᠋ᠦ ᠵᠢᢉᠡᠯᠡ ᠶ᠋ᠢᠨ ᠳᠠᠩᠰᠠᠨ ᠤ᠋ ᠲᠥᠷᠦᠯ᠂ ᠠᠩᢉᠢᠯᠠᠯ᠂ ᠦᠯᠡᠳᠡᢉᠳᠡᠯ᠂ ᠲᠥᠯᠦᠪᠦᠷᠢ ᠶ᠋ᠢᠨ ᠲᠡᠦᢈᠡ ᠪᠣᠯᠤᠭᠠᠳ ᠵᠢᢉᠡᠯᠡ ᠣᠯᠭᠤᠭᠴᠢ ᠪᠣᠯᠤᠭᠠᠳ ᠠᠪᠤᠭᠰᠠᠨ ᠡᠲᠡᢉᠡᠳ ᠦ᠋ᠨ ᠬᠤᠪᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠲᠣᠶᠢᠮᠤ ᠪᠠᠭᠲᠠᠳᠠᠭ᠃ ᠢᠷᢉᠡᠨ᠂ ᠠᠨ ᠥᠪᠡᠷ ᠦ᠋ᠨ ᠵᠢᢉᠡᠯᠡ ᠶ᠋ᠢᠨ ᠯᠠᠪᠯᠠᠭᠠ ᠶ᠋ᠢ ᠳᠠᠷᠠᠭᠠᢈᠢ ᠰᠤᠪᠠᠭ ᠤ᠋ᠳ ᠢ᠋ᠶᠠᠷ ᠠᠪᠬᠤ ᠪᠣᠯᠤᠮᠵᠢ ᠲᠠᠢ᠃ ᠴᠠᢈᠢᠮ ᠢ᠋ᠶᠠᠷ ᠠᠪᠬᠤ:
– ᠢ-ᠮᠣᠩᠭᠣᠯᠢᠶᠠ ᠰᠢᠰᠲ᠋ᠧᠮ ᠳ᠋ᠦ ᠬᠠᠨᠳᠤᠨ ᠪᠦᠷᠢᠨᠰᠻᠣᠷ᠂ ᠰᠠᠶᠢᠨᠰᠠᠻᠤᠷ ᠵᠢᠰᠦ ᠰᠣᠩᠭᠤᠨ ᠯᠠᠪᠯᠠᠭᠠ ᠠᠪᠬᠤ;
– ᠢ-ᠮᠣᠩᠭᠤᠯᠢᠶᠠ ᠰᠢᠰᠲ᠋ᠧᠮ ᠳ᠋ᠦ ᠥᠪᠡᠷ ᠦ᠋ᠨ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ ᠨᠡᠪᠲᠡᠷᠡᢈᠦ;
– ᠦᠶᠢᠯᠡᠴᠢᠯᠡᢉᠡ ᠬᠠᠶᠢᠬᠤ ᢈᠡᠰᠡᢉ ᠲᠦ “ᠵᠢᢉᠡᠯᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠯᠠᠪᠯᠠᠭᠠ” ᢉᠡᠵᠦ ᠬᠠᠶᠢᠨ ᠦᠢᠯᠡᠴᠢᠯᠡᢉᠡ ᠶ᠋ᠢ ᠰᠢᠭᠤᠷᠬᠠᠢ ᠠᠪᠬᠤ ᠪᠣᠯᠤᠮᠵᠢ ᠲᠠᠢ᠃ – ᠦᠶᠢᠯᠡᠴᠢᠯᠡᢉᠡᠨ ᠦ᠋ ᠲᠥᠯᠦᠪᠦᠷᠢ ᠑᠐᠐᠐ ᠲᠥᢉᠦᠷᠢᢉ᠃ ᠪᠡᠶᠡᠴᠢᠯᠡᠨ ᠠᠪᠬᠤ:
– ᠻᠢᠣᠰᠻ /ᠬᠤᠷᠳᠤᠨ᠂ ᢉᠡᠷᢉᠡ/ ᠮᠠᠱᠢᠨ ᠨᠤᠭᠤᠳ ᠠ᠋ᠴᠠ ᠪᠦᠷᠢᠨᠰᠻᠣᠷ᠂ ᠰᠠᠶᠢᠨᠰᠠᠻᠤᠷ ᠵᠢᠰᠦ ᠰᠣᠩᠭᠤᠨ ᠯᠠᠪᠯᠠᠭᠠ ᠠᠪᠬᠤ;
– ᠬᠠᠷᠢᠯᠴᠠᠳᠠᠭ ᠪᠠᠩᠻᠢ᠂ ᠵᠢᢉᠡᠯᠡ ᠶ᠋ᠢᠨ ᠦᠢᠯᠡᠴᠢᠯᠡᢉᠡ ᠦᠵᠡᢉᠦᠯᠳᠡᢉ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠵᠢᢉᠡᠯᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠬᠠᠷᠢᠭᠤᠴᠠᠭᠰᠠᠨ ᠠᠵᠢᠯᠲᠠᠨ ᠠ᠋ᠴᠠ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠪᠢᠴᠢᢉ ᠪᠠᠷᠢᠮᠲᠠ ᠲᠠᠢ ᠪᠠᠨ ᠣᠴᠢᠵᠤ ᠠᠪᠬᠤ ᠪᠣᠯᠤᠮᠵᠢ ᠲᠠᠢ᠃ ᠢᠷᢉᠡᠨ᠂ ᠠᠵᠤ ᠠᠬᠤᠢ ᠨᠢᢉᠡᠴᠡ ᠶ᠋ᠢᠨ ᠵᠢᢉᠡᠯᠡ᠂ ᠲᠥᠯᠦᠪᠦᠷᠢ ᠶ᠋ᠢᠨ ᠮᠡᠳᠡᢉᠡᠯᠡᠯ᠂ ᠨᠡᠮᠡᠯᠲᠡ ᠥᢉᠡᠷᠡᠴᠢᠯᠡᠯᠲᠡ ᠶ᠋ᠢ ᠠᠵᠢᠯ ᠤ᠋ᠨ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠳᠣᠲᠤᠷᠠ ᠵᠢᢉᠡᠯᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠰᠠᠩ ᠳ᠋ᠤ ᠨᠡᠶᠢᠯᠡᢉᠦᠯᠳᠡᢉ ᠪᠥᢉᠡᠳ ᠲᠡᠷᠡ ᠳᠠᠷᠤᠢ ᠳ᠋ᠤ ᠲᠤᠬᠠᠢ ᠶ᠋ᠢᠨ ᠢᠷᢉᠡᠨ᠂ ᠠᠵᠤ ᠠᠬᠤᠢ ᠨᠢᢉᠡᠴᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠰᠢᠨᠡᠴᠢᠯᠡᢉᠳᠡᠳᠡᢉ᠃ ᠬᠠᠷᠢᠨ ᠲᠠᠨ ᠤ᠋ ᠪᠦᠷᠢᠨ ᠲᠥᠯᠦᢉᠳᠡᢉᠰᠡᠨ ᠵᠢᢉᠡᠯᠡ᠂ ᠲᠥᠯᠦᠪᠦᠷᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠑᠐ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ᠂ ᠲᠥᠯᠦᢉᠳᠡᠵᠦ ᠳᠠᠭᠤᠰᠤᠭᠠ ᠦᢉᠡᠢ ᠵᠢᢉᠡᠯᠡ᠂ ᠲᠥᠯᠦᠪᠦᠷᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠪᠠᠶᠢᠩᠭᠤ ᠬᠠᠳᠠᠭᠠᠯᠠᠭᠳᠠᠳᠠᠭ᠃
ᠢ-ᠮᠣᠩᠭᠣᠯᠢᠶᠠ ᠰᠢᠰᠲ᠋ᠧᠮ ᠢ᠋ᠶᠡᠷ ᠑ ᠮᠢᠨᠦᠲ ᠲᠤ ᠵᠢᢉᠡᠯᠡ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠯᠠᠪᠯᠠᠭᠠ ᠪᠠᠨ ᠠᠪᠤᠭᠠᠷᠠᠢ
ᠨᠡᠶᠢᠲᠡᠯᠡᠭᠰᠡᠨ᠄