“ᠡᠷᠳᠡᠨᠢᠰ ᠲᠠᠪᠤᠨᠲᠤᠯᠤᠭᠠᠢ” ᠬ᠂ ᠨᠢ ᠒᠐᠒᠔ ᠣᠨ ᠤ᠋ ᠴᠡᠪᠡᠷ ᠠᠰᠢᠭ ᠠ᠋ᠴᠠ ᠑᠐᠗᠒ ᠬᠤᠪᠢᠴᠠᠭᠠ ᠲᠠᠢ ᠢᠷᢉᠡᠨ ᠳ᠋ᠦ ᠓᠕᠐ ᠮᠢᠩᠭᠠᠨ ᠲᠥᢉᠦᠷᠢᢉ ᠦ᠋ᠨ ᠨᠣᠭᠳᠠᠯ ᠠᠰᠢᠭ ᠢ᠋ ᠭᠤᠷᠪᠠ ᠬᠤᠪᠢᠶᠠᠨ ᠣᠯᠭᠠᠬᠤ ᠰᠢᠢᠳᠪᠦᠷᠢ ᠭᠠᠷᠤᠭᠰᠠᠨ ᠪᠥᢉᠡᠳ ᠰᠡᢉᠦᠯ ᠦ᠋ᠨ ᠣᠯᠭᠠᠯᠲᠠ ᠶ᠋ᠢ ᢈᠡᠷᢈᠢᠨ ᢈᠦᠯᠢᠶᠡᠨ ᠠᠪᠬᠤ ᠰᠠᠨᠠᠯ ᠠᠰᠠᠭᠤᠯᠭᠠ ᠕ ᠬᠣᠨᠤᠭ ᠤ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ ᠶᠠᠪᠤᠭᠳᠠᠵᠤ ᠒᠐᠒᠕ ᠣᠨ ᠤ᠋ ᠐᠔ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠐᠙-ᠨᠢᢉᠡ ᠡᠳᠦᠷ ᢈᠦᠯᠢᠶᠡᠨ ᠠᠪᠴᠤ ᠳᠠᠭᠤᠰᠤᠯᠠ᠃ ᠬᠠᠨᠳᠢᠪ᠂ ᠬᠤᠷᠠᠮᠲᠤᠯᠠᠯ ᠤ᠋ᠨ ᠰᠠᠩ /ᠪᠠᠶᠠᠯᠢᠭ ᠤ᠋ᠨ ᠰᠠᠩ/- ᠳ᠋ᠤ ᠰᠠᠨᠠᠯ ᠥᢉᢉᠦᢉᠰᠡᠨ ᠢᠷᢉᠡᠳ ᠦ᠋ᠨ ᠪᠠᠲᠤᠯᠠᠭᠠᠵᠢᠭᠤᠯᠤᠯᠲᠠ ᠐᠔ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠑᠖- ᠤ᠋ ᠡᠳᠦᠷ ᢈᠦᠷᠲᠡᠯᠡ ᢈᠢᢉᠳᠡᢈᠦ ᠪᠥᢉᠡᠳ ᠬᠤᠷᠠᠮᠲᠤᠯᠠᠯ ᠤ᠋ᠨ ᠰᠠᠩ /ᠪᠠᠶᠠᠯᠢᠭ ᠤ᠋ᠨ ᠰᠠᠩ/-ᠳ ᠢᠷᢉᠡᠨ ᠦ᠋ ᠬᠤᠷᠠᠮᠲᠤᠯᠠᠯ ᠤ᠋ᠨ ᠨᠡᠷᠡ ᠶ᠋ᠢᠨ ᠳᠠᠩᠰᠠᠨ ᠳ᠋ᠤ ᠪᠠᠶᠢᠭᠠ ᠣᠳᠤ ᠶ᠋ᠢᠨ ᠦᠯᠡᠳᠡᢉᠳᠡᠯ ᠳᠡᢉᠡᠷᠡ ᠨᠣᠭᠳᠠᠯ ᠠᠰᠢᠭ ᠤ᠋ᠨ ᠳ᠋ᠦᠩ ᠨᠡᠮᠡᢉᠳᠡᠨ ᠣᠷᠤᠨᠠ᠃ ᠪᠡᠯᠡᠨ ᠮᠥᠩᢉᠦ /ᠬᠤᠪᠢ ᠶ᠋ᠢᠨ ᠬᠠᠷᠢᠯᠴᠠᠬᠤ ᠳᠠᠩᠰᠠᠨ ᠳ᠋ᠤ/ ᠠᠪᠬᠤ ᠰᠣᠩᠭᠤᠯᠲᠠ ᢈᠢᢉᠰᠡᠨ ᠢᠷᢉᠡᠳ ᠦ᠋ᠨ ᠨᠣᠭᠳᠠᠯ ᠠᠰᠢᠭ /᠒᠐᠒᠕᠂᠐᠔᠂᠑᠐/ ᠥᠨᠦᠳᠦᠷ ᠡᠴᠡ ᠡᢈᠢᠯᠡᠨ ᠣᠯᠭᠤᠭᠳᠠᠨᠠ᠃ ᠢᠷᢉᠡᠳ ᠦ᠋ᠨ ᠰᠠᠨᠠᠯ ᠠᠰᠠᠭᠤᠯᠭᠠ ᠥᢉᢉᠦᢉᠰᠡᠨ ᠲᠣᠭᠠᠨ ᠮᠡᠳᠡᢉᠡᠯᠡᠯ:
ᠪᠡᠯᠡᠨ ᠮᠥᠩᢉᠦ /ᠬᠤᠪᠢ ᠶ᠋ᠢᠨ ᠬᠠᠷᠢᠯᠴᠠᠬᠤ ᠳᠠᠩᠰᠠᠨ ᠳ᠋ᠤ/ – ᠒᠕᠙ ᠘᠖᠗ ᠬᠤᠷᠠᠮᠲᠤᠯᠠᠯ ᠤ᠋ᠨ ᠰᠠᠩ /ᠪᠠᠶᠠᠯᠢᠭ ᠤ᠋ᠨ ᠰᠠᠩ ᠳ᠋ᠤ/ – ᠑᠑᠐᠔᠓ ᠬᠠᠨᠳᠢᠪ /ᠨᠡᠶᠢᠰᠯᠡᠯ ᠦ᠋ᠨ ᠳᠡᠳ ᠪᠦᠲᠦᠴᠡ᠂ ᠠᠭᠠᠷ ᠤ᠋ᠨ ᠪᠣᢈᠢᠷᠳᠠᠯ ᠢ᠋ ᠪᠠᠭᠤᠷᠠᠭᠤᠯᠬᠤ ᠴᠢᢉᠯᠡᠯ ᠢ᠋ᠶᠡᠷ ᢉᠡᢈᠦ ᠮᠡᠲᠦ/ – ᠔᠕᠖ ᠪᠤᠶᠤ ᠨᠡᠶᠢᠲᠡ ᠒᠗᠑᠂᠓᠖᠖ ᠢᠷᢉᠡᠨ ᠰᠠᠨᠠᠯ ᠢ᠋ᠶᠠᠨ ᠥᢉᢉᠦᢉᠰᠡᠨ ᠪᠠᠶᠢᠨᠠ᠃ ᠬᠤᠷᠠᠮᠲᠤᠯᠠᠯ ᠤ᠋ᠨ ᠰᠠᠩ / ᠪᠠᠶᠠᠯᠢᠭ ᠤ᠋ᠨ ᠰᠠᠩ/- ᠳ᠋ᠤ ᠣᠷᠤᠭᠰᠠᠨ ᠨᠣᠭᠳᠠᠯ ᠠᠰᠢᠭ ᠢ᠋ᠶᠠᠨ ᠰᠢᠯᠭᠠᠬᠤ:
ᠲᠠ ᠥᠪᠡᠷ ᠦ᠋ᠨ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ ᠢ-ᠮᠣᠩᠭᠤᠯᠢᠶᠠ ᠰᠢᠰᠲ᠋ᠧᠮ ᠤᠷᠤᠭᠤ ᠨᠡᠪᠲᠡᠷᠡᠨ ᠣᠷᠤᠬᠤ ᠫᠷᠤᠹᠠᠶᠢᠯ ᢈᠡᠰᠡᢉ ᠲᠦ ᠪᠠᠶᠢᠷᠢᠯᠠᠬᠤ “ᠲᠥᠷᠦ ᠳ᠋ᠦ ᠪᠠᠶᠢᠭᠠ ᠮᠢᠨᠤ ᠮᠡᠳᠡᢉᠡᠯᠡᠯ” ᢈᠡᠰᠡᢉ ᠲᠦ “ᠴᠢᠩᢉᠢᠰ ᠬᠠᠭᠠᠨ” ᠦᠨᠳᠦᠰᠦᠨ ᠦ᠋ ᠪᠠᠶᠠᠯᠢᠭ ᠤ᠋ᠨ ᠰᠠᠩ-ᠳ ᠨᠡᠶᠢᠲᠡ ᠬᠤᠷᠠᠮᠲᠤᠯᠠᠭᠳᠠᠭᠰᠠᠨ ᠳ᠋ᠦᠩ ᠬᠠᠷᠠᠭᠳᠠᠨᠠ᠃ ᠮᠥᠨ “ᠦᠨᠡᠲᠦ ᠴᠠᠭᠠᠰᠤᠨ ᠤ᠋ ᠳᠠᠩᠰᠠ” ᠨᠡᢉᠡᠯᢉᠡᢉᠡ ᠦᢉᠡᠢ ᠢᠷᢉᠡᠳ ᠳᠠᠩᠰᠠ ᠪᠠᠨ ᠢ-ᠮᠣᠩᠭᠣᠯᠢᠶᠠ ᠰᠢᠰᠲ᠋ᠧᠮ ᠢ᠋ᠶᠡᠷ ᠨᠡᢉᠡᢉᠡᠯᢉᠡᢈᠦ ᠪᠣᠯᠤᠮᠵᠢ ᠲᠠᠢ᠃
“ᠡᠷᠳᠡᠨᠢᠰ ᠲᠠᠪᠤᠨᠲᠤᠯᠤᠭᠠᠢ” ᠬᠻ-ᠡᠶᠢᠨ ᠬᠤᠪᠢᠴᠠᠭᠠᠨ ᠤ᠋ ᠨᠣᠭᠳᠠᠯ ᠠᠰᠢᠭ ᠤ᠋ᠨ ᠦᠯᠡᠳᠡᢉᠳᠡᠯ ᠢ᠋ ᢈᠡᠷᢈᠢᠨ ᢈᠦᠯᠢᠶᠡᠨ ᠠᠪᠬᠤ ᠰᠠᠨᠠᠯ ᠠᠰᠠᠭᠤᠯᠭᠠ ᠳᠠᠭᠤᠰᠤᠯᠠ᠃
ᠨᠡᠶᠢᠲᠡᠯᠡᠭᠰᠡᠨ᠄