ᠦᠨᠳᠦᠰᠦᠨ ᠦ᠋ ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠨᠢ ᠢᠷᢉᠡᠨ ᠲᠠᠨ ᠤ᠋ ᠭᠠᠳᠠᠭᠠᠳᠤ ᠳ᠋ᠤ ᠵᠣᠷᠴᠢᠬᠤ᠂ ᠲᠠᠨ ᠢ᠋ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠢᠷᢉᠡᠨ ᠮᠥᠨ ᢉᠡᠳᠡᢉ ᠢ᠋ ᢈᠢᠯᠢ ᠶ᠋ᠢᠨ ᠴᠢᠨᠠᠳᠤ ᠳ᠋ᠤ ᢉᠡᠷᠡᠴᠢᠯᠡᢈᠦ ᠦᠨᠳᠦᠰᠦᠨ ᠪᠢᠴᠢᢉ ᠪᠠᠷᠢᠮᠲᠠ ᠶᠤᠮ᠃ ᠵᠢᠯ ᠪᠦᠷᠢ ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠵᠠᢈᠢᠶᠠᠯᠠᠬᠤ ᢉᠡᠰᠡᠨ ᠢᠷᢉᠡᠳ ᠦ᠋ᠨ ᢈᠥᠯ ᢈᠥᠳᠡᠯᢉᠡᢉᠡᠨ ᠤᠯᠤᠰ ᠤ᠋ᠨ ᠪᠦᠷᠢᠳᢈᠡᠯ ᠦ᠋ᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠲᠤ ᠠᠴᠢᠶᠠᠯᠠᠯ ᠳ᠋ᠤ ᠳᠠᠷᠤᠭᠳᠠᠳᠠᠭ ᠪᠠᠶᠢᠭᠰᠠᠨ ᠴᠠᠭ ᠰᠠᠶᠢᠬᠠᠨ ᠮᠡᠲᠦ᠃ ᠬᠠᠷᠢᠨ ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ ᠦᠢᠯᠡᠴᠢᠯᠡᢉᠡ ᠴᠠᢈᠢᠮᠵᠢᠭᠰᠠᠨ ᠢ᠋ᠶᠠᠷ ᠢᠷᢉᠡᠳ ᠦ᠋ᠨ ᠴᠠᠭ ᠵᠠᠪ ᠢ᠋ ᢈᠡᠮᠨᠡᢈᠦ᠂ ᠠᠴᠢᠶᠠᠯᠠᠯ ᠪᠠᠭᠤᠷᠠᠭᠤᠯᠬᠤ᠂ ᠴᠠᠭ ᠵᠠᠷᠤᠳᠠᠯ ᢈᠡᠮᠨᠡᢈᠦ ᠮᠠᠰᠢ ᠣᠯᠠᠨ ᠳᠠᠪᠠᠭᠤ ᠲᠠᠯᠠ ᠶ᠋ᠢ ᠪᠤᠢ ᠪᠣᠯᠭᠠᠵᠡᠢ᠃ ᠲᠤᠰ ᠦᠢᠯᠡᠴᠢᠯᠡᢉᠡ ᠴᠠᢈᠢᠮᠵᠢᠭᠰᠠᠨ ᠠ᠋ᠴᠠ ᠬᠣᠶᠢᠰᠢ ᠨᠡᠶᠢᠲᠡ ᠑᠐᠖᠒᠗ ᠤᠳᠠᠭᠠ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠭᠰᠠᠨ ᠪᠠᠶᠢᠨᠠ᠃
ᠮᠣᠩᠭᠣᠯ ᠤᠯᠤᠰ ᠡᠩ ᠦ᠋ᠨ᠂ ᠠᠯᠪᠠᠨ᠂ ᠳᠢᠫᠯᠤᠮᠠᠲ ᢉᠡᢉᠰᠡᠨ ᠓ ᠲᠥᠷᠦᠯ ᠦ᠋ᠨ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠢ᠋ ᠣᠯᠭᠤᠵᠤ ᠪᠠᠶᠢᠭᠠ ᠪᠥᢉᠡᠳ ᠢ-ᠮᠣᠩᠭᠣᠯᠢᠶᠠ ᠰᠢᠰᠲ᠋ᠧᠮ ᠡᠴᠡ ᠣᠳᠤ ᠶ᠋ᠢᠨ ᠪᠠᠶᠢᠳᠠᠯ ᠢ᠋ᠶᠠᠷ ᠡᠩ ᠦ᠋ᠨ ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ ᠦᠢᠯᠡᠴᠢᠯᠡᢉᠡ ᠴᠠᢈᠢᠮᠵᠢᠭᠰᠠᠨ ᠪᠠᠶᠢᠭᠠ ᠪᠢᠯᠡ᠃
ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ ᠵᠢᠭᠠᠪᠤᠷᠢ:
- ᠢᠷᢉᠡᠨ ᠲᠠ ᠢ-ᠮᠣᠩᠭᠤᠯᠢᠶᠠ ᠸᠧᠪ ᠤᠷᠤᠭᠤ ᠥᠪᠡᠷ ᠦ᠋ᠨ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ ᠨᠡᠪᠲᠡᠷᠡᢈᠦ;
- ᠦᠶᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ ᠬᠠᠶᠢᠯᠲᠠ ᠶ᠋ᠢᠨ ᢈᠡᠰᠡᢉ ᠲᠦ / ᠡᠩ ᠦ᠋ᠨ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ / ᠰᠣᠩᠭᠤᠬᠤ;
- ᠬᠠᠪᠰᠤᠷᠭᠠᠬᠤ ᠪᠠᠷᠢᠮᠲᠠ ᠪᠢᠴᠢᢉ ᠪᠣᠯᠤᠨ ᠲᠠᠶᠢᠯᠪᠤᠷᠢ ᢈᠡᠰᠡᢉ ᠦ᠋ᠨ ᠮᠡᠳᠡᢉᠡᠯᠡᠯ ᠦ᠋ᠳ ᠢ᠋ᠶᠡᠨ ᠣᠷᠤᠭᠤᠯᠬᠤ /ᠰᠠᠨᠠᠮᠵᠢ ᢈᠡᠰᠡᢉ ᠲᠦ ᠪᠠᠶᠢᠷᠢᠯᠠᠬᠤ ᠮᠡᠳᠡᢉᠡᠯᠡᠯ ᠢ᠋ ᠪᠦᠷᠢᠨ ᠤᠩᠰᠢᠵᠤ᠂ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠭᠰᠠᠨ ᠵᠢᠷᠤᠭ ᠣᠷᠤᠭᠤᠯᠬᠤ/;
- ᠲᠥᠯᠦᠪᠦᠷᠢ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠵᠠᠳᠠᠷᠠᠭᠠ ᠶ᠋ᠢ ᠤᠩᠰᠢᠵᠤ ᠲᠠᠨᠢᠯᠴᠠᠨ ᠲᠥᠯᠦᠪᠦᠷᠢ ᠪᠡᠨ ᠲᠥᠯᠦᢉᠰᠡᠨ ᠢ᠋ᠶᠡᠷ ᠵᠠᢈᠢᠶᠠᠯᠠᠭᠠ ᠪᠠᠲᠤᠯᠠᠭᠠᠵᠢᠨᠠ᠃
ᠲᠠᠨ ᠤ᠋ ᠵᠠᢈᠢᠶᠠᠯᠠᠭᠰᠠᠨ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠨᠡᠶᠢᠰᠯᠡᠯ ᠳ᠋ᠦ ᠠᠵᠢᠯ ᠤ᠋ᠨ ᠕ ᠬᠣᠨᠤᠭ ᠲᠤ᠂ ᠣᠷᠤᠨ ᠨᠤᠲᠤᠭ ᠲᠤ ᠠᠵᠢᠯ ᠤ᠋ᠨ ᠑᠕ ᠬᠣᠨᠤᠭ ᠲᠤ ᠪᠠᠭᠲᠠᠨ ᠭᠠᠷᠤᠨᠠ᠃
ᠶᠠᠮᠪᠠᠷ ᠲᠣᢈᠢᠶᠠᠯᠳᠤᠯ ᠳ᠋ᠤ ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠢ᠋ ᠰᠢᠨᠡ ᠪᠡᠷ ᠠᠪᠬᠤ ᠪᠤᠢ?
- ᠠᠰᠢᠭᠯᠠᠬᠤ ᠪᠣᠯᠤᠮᠵᠢ ᠦᢉᠡᠢ ᠪᠣᠯᠤᠭᠰᠠᠨ ᠪᠤᠶᠤ ᠬᠠᠶᠠᠵᠤ ᠦᠷᠡᢉᠳᠡᢉᠦᠯᠦᢉᠰᠡᠨ
- ᠫᠠᠰᠫᠤᠷᠲ ᠤ᠋ᠨ ᠬᠤᠭᠤᠴᠠᠭᠠ ᠳᠠᠭᠤᠰᠤᠭᠰᠠᠨ
- ᠫᠠᠰᠫᠤᠷᠲ ᠤ᠋ᠨ ᠬᠠᠭᠤᠳᠠᠰᠤ ᠳᠠᠭᠤᠰᠤᠭᠰᠠᠨ
- ᠢᠷᢉᠡᠨ ᠦ᠋ ᠮᠡᠳᠡᢉᠡᠯᠡᠯ ᠭᠠᠳᠠᠨᠠᢈᠢ ᠲᠥᠷᢈᠦ ᠳ᠋ᠦ ᠥᢉᠡᠷᠡᠴᠢᠯᠡᠯᠲᠡ ᠣᠷᠤᠭᠰᠠᠨ
ᠠᠩᠬᠠᠷᠤᠭᠤᠯᠭᠠ: ᠬᠠᠷᠢᠨ ᠠᠩᠬᠠ ᠤᠳᠠᠭᠠ ᠡᠰᠡᠪᠡᠯ ᢈᠡᠦᢈᠡᠳ ᠲᠡᢉᠡᠨ ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠵᠠᢈᠢᠶᠠᠯᠠᠬᠤ ᢉᠡᠵᠦ ᠪᠠᠶᠢᠭᠠ ᠪᠣᠯ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠬᠠᠷᠢᠶᠠ ᠳᠡᢉᠦᠷᢉᠡ ᠶ᠋ᠢᠨ ᠨᠢᢉᠡ ᠴᠡᢉ ᠦ᠋ᠨ ᠦᠢᠯᠡᠴᠢᠯᠡᢉᠡᠨ ᠳᠡᢉᠡᠷᠡ ᠣᠴᠢᠵᠤ ᠵᠠᢈᠢᠶᠠᠯᠠᠬᠤ ᠪᠣᠯᠤᠮᠵᠢ ᠲᠠᠢ᠃
ᠵᠥᠪᠯᠡᢉᠡ:
ᠭᠠᠳᠠᠭᠠᠳᠤ ᠫᠠᠰᠫᠣᠷᠲ ᠵᠠᢈᠢᠶᠠᠯᠠᠬᠤ ᠦᠢᠯᠡᠴᠢᠯᠡᢉᠡ ᠨᠢ ᠓ ᠲᠥᠷᠦᠯ ᠪᠥᢉᠡᠳ ᠲᠥᠷᠦᠯ ᠡᠴᠡ ᠪᠡᠨ ᠬᠠᠮᠢᠶᠠᠷᠤᠨ ᠦᠨᠡ ᠶ᠋ᠢᠨ ᠳ᠋ᠦᠩ ᠥᢉᠡᠷᠡ ᠥᢉᠡᠷᠡ ᠪᠠᠶᠢᠨᠠ᠃
- ᠴᠠᢈᠢᠮ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ / ᠬᠤᠭᠤᠴᠠᠭᠠ ᠳᠠᠭᠤᠰᠤᠭᠰᠠᠨ ᠪᠣᠯᠤᠨ ᠬᠠᠭᠤᠳᠠᠰᠤ ᠳᠠᠭᠤᠰᠤᠭᠰᠠᠨ / – ᠘᠒᠂᠕᠐᠐ ᠲᠥᢉᠦᠷᠢᢉ
- ᠴᠠᢈᠢᠮ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ / ᠬᠠᠶᠠᠭᠰᠠᠨ᠂ ᢉᠡᢉᠡᢉᠰᠡᠨ᠂ ᠦᠷᠡᢉᠳᠡᢉᠦᠯᠦᢉᠰᠡᠨ᠂ ᠠᠯᠳᠠᠭᠰᠠᠨ / – ᠑᠙᠐᠂᠐᠐᠐ ᠲᠥᢉᠦᠷᠢᢉ
- ᠴᠠᢈᠢᠮ ᠭᠠᠳᠠᠭᠠᠳᠤ ᠫᠠᠰᠫᠤᠷᠲ ᠳᠠᢈᠢᠨ ᠵᠠᢈᠢᠶᠠᠯᠠᠬᠤ / ᢉᠡᠮᠲᠦᢉᠡᢉᠰᠡᠨ ᠪᠣᠯᠤᠨ ᢈᠦᠴᠦᠨ ᠲᠡᠢ ᠪᠠᠶᠢᠳᠠᠯ ᠢ᠋ ᠠᠯᠳᠠᠭᠳᠠᠭᠤᠯᠤᠭᠰᠠᠨ / – ᠑᠘᠕᠂᠐᠐᠐ ᠲᠥᢉᠦᠷᠢᢉ