ᠤᠷᠢᠨ ᠳᠤᠯᠠᠭᠠᠨ ᠤ᠋ ᠤᠯᠠᠷᠢᠯ ᠢᠷᠡᠵᠦ ᠪᠠᠶᠢᠭᠠ ᠡᠳᠡᢉᠡᠷ ᠡᠳᠦᠷ ᠦ᠋ᠳ ᠲᠦ ᠪᠠᠭᠠ ᠨᠠᠰᠤᠨ ᠤ᠋ ᢈᠡᠦᢈᠡᠳ ᠦ᠋ᠳ ᠡᠪᠡᠳᠴᠢᠯᠡᢈᠦ ᠲᠣᢈᠢᠶᠠᠯᠳᠤᠯ ᠪᠠᠭᠠ ᠦᢉᠡᠢ ᠪᠦᠷᠢᠳᢈᠡᢉᠳᠡᢉᠰᠡᢉᠡᠷ ᠪᠠᠶᠢᠨᠠ᠃ ᠥᠨᠦᠳᠦᠷ ᠦ᠋ᠨ ᠪᠠᠶᠢᠳᠠᠯ ᠢ᠋ᠶᠠᠷ /᠒᠐᠒᠕᠂᠐᠕᠂᠐᠗/ ᠤᠯᠠᠭᠠᠨ ᠪᠤᠷᠬᠠᠨ ᠡᠪᠡᠳᠴᠢᠨ ᠦ᠋ ᠪᠠᠲᠤᠯᠠᠭᠳᠠᠭᠰᠠᠨ ᠲᠣᢈᠢᠶᠠᠯᠳᠤᠯ ᠑᠔᠑᠐ ᠪᠣᠯᠵᠤ᠂ ᠙᠖᠖ ᠨᠢ ᠡᠳᠡᢉᠡᠷᠡᠵᠦ ᠡᠮᠨᠡᠯᢉᠡ ᠡᠴᠡ ᠭᠠᠷᠴᠡᠢ᠃ ᠤᠯᠠᠭᠠᠨ ᠪᠤᠷᠬᠠᠨ ᠡᠪᠡᠳᠴᠢᠨ ᠨᠢ ᠠᠭᠠᠷ ᠳᠤᠰᠤᠯ ᠤ᠋ᠨ ᠵᠠᠮ ᠢ᠋ᠶᠠᠷ ᠬᠠᠯᠳᠠᠪᠤᠷᠢᠯᠠᠳᠠᠭ ᠪᠥᢉᠡᠳ ᠳᠡᢉᠡᠷᠡᢈᠢ ᠡᠪᠡᠳᠴᠢᠨ ᠢ᠋ᠶᠡᠷ ᠡᠪᠡᠳᠦᢉᠰᠡᠨ ᠒᠐᠐ ᠭᠠᠷᠤᠢ ᢈᠦᠮᠦᠨ ᠳ᠋ᠦ ᠰᠤᠳᠤᠯᠭᠠ ᢈᠢᢈᠦ ᠳ᠋ᠦ ᠕᠐ ᠭᠠᠷᠤᠢ ᠬᠤᠪᠢ ᠨᠢ ᠳᠠᠷᠬᠠᠯᠠᠭᠠᠵᠢᠭᠤᠯᠤᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠠ ᠦᢉᠡᠢ᠂᠓᠐ ᠬᠤᠪᠢ ᠨᠢ ᠪᠦᠷᠢᠨ ᠲᠤᠩ ᠳ᠋ᠤ ᠬᠠᠮᠤᠷᠤᠭᠳᠠᠭᠠ ᠦᢉᠡᠢ ᠪᠠᠶᠢᠨᠠ᠃
ᠡᠴᠢᢉᠡ ᠡᢈᠡ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠭᠴᠢᠳ ᢈᠡᠦᢈᠡᠳ ᠦ᠋ᠨ ᠢ᠋ᠶᠡᠨ ᠤᠯᠠᠭᠠᠨ ᠪᠤᠷᠬᠠᠨ ᠤ᠋ ᠡᠰᠡᠷᢉᠦ ᠸᠠᠻᠼᠢᠨ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠡᠰᠡᢈᠦ ᠶ᠋ᠢ E-Mongolia ᠰᠢᠰᠲ᠋ᠧᠮ ᠡᠴᠡ ᠥᠪᠡᠷ ᠦ᠋ᠨ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ ᠨᠡᠪᠲᠡᠷᠡᠨ ᠰᠢᠯᠭᠠᠬᠤ ᠪᠣᠯᠤᠮᠵᠢ ᠲᠠᠢ ᠪᠥᢉᠡᠳ ᢈᠡᠷᠪᠡ ᠬᠠᠮᠤᠷᠤᠭᠳᠠᠭᠰᠠᠨ ᠲᠣᢈᠢᠶᠠᠯᠳᠤᠯ ᠳ᠋ᠤ ᠳᠠᠷᠠᠭᠠ ᠶ᠋ᠢᠨ ᠲᠤᠩ ᠢ᠋ ᠨᠢ ᢈᠡᠵᠢᠶᠡ ᢈᠢᠯᢉᠡᢈᠦ ᠶᠣᠰᠤᠲᠠᠢ ᠲᠠᠯᠠᠭᠠᠷ ᠴᠤ ᠮᠡᠳᠡᢉᠳᠡᠯ ᠰᠠᠨᠠᠭᠤᠯᠭᠠ ᠢᠷᠡᠳᠡᢉ ᠪᠠᠶᠢᠨᠠ᠃
ᠤᠯᠠᠭᠠᠨ ᠪᠤᠷᠬᠠᠨ ᠡᠪᠡᠳᠴᠢᠨ ᠦ᠋ ᠡᠰᠡᠷᢉᠦ ᠸᠠᠻᠼᠢᠨ ᠤ᠋ ᠪᠦᠷᠢᠨ ᠲᠤᠩ ᠢ᠋ ᢈᠢᠯᢉᠡᢉᠰᠡᠨ ᠪᠣᠯ ᠨᠠᠰᠤᠨ ᠲᠤᠷᠰᠢ ᠶ᠋ᠢᠨ ᠳᠠᠷᠬᠠᠯᠠᠭᠠ ᠲᠣᠭᠲᠠᠳᠠᠭ ᠲᠠᠯᠠᠭᠠᠷ ᠮᠡᠷᢉᠡᠵᠢᠯ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᠮᠡᠳᠡᢉᠡᠯᠡᠯᠡ᠃ ᠲᠡᠶᠢᠮᠦ ᠡᠴᠡ ᠡᠴᠢᢉᠡ ᠡ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠭᠴᠢᠳ ᠲᠠ ᠪᠦᢈᠦᠨ ᢈᠡᠦᢈᠡᠳ ᠢ᠋ᠶᠡᠨ ᠤᠯᠠᠭᠠᠨ ᠪᠤᠷᠬᠠᠨ ᠤ᠋ ᠡᠰᠡᠷᢉᠦ ᠸᠠᠻᠼᠢᠨ ᠳ᠋ᠤ ᠬᠠᠮᠤᠷᠤᠭᠤᠯᠵᠤ ᢈᠡᠦᢈᠡᠳ ᠦ᠋ᠨ ᠢ᠋ᠶᠡᠨ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢ ᠬᠠᠮᠠᠭᠠᠯᠠᠭᠠᠷᠠᠢ᠃
ᢈᠡᠷᢈᠢᠨ ᠠᠪᠬᠤ ᠪᠤᠢ?
- E-Mongolia ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᠯ ᠲᠡᠢ ᠬᠠᠶᠢᠭ ᠢ᠋ᠶᠠᠷ ᠢ᠋ᠶᠠᠨ ᠨᠡᠪᠲᠡᠷᠡᢈᠦ
- ᠦᠨᠳᠦᠰᠦᠨ ᠴᠡᠰᠡ ᠡᠴᠡ “ᠡᠷᠡᢉᠦᠯ ᠮᠡᠨᠳᠦ” ᢈᠡᠰᠡᢉ ᠢ᠋ ᠰᠣᠩᠭᠤᠬᠤ
- “ᠳᠠᠷᠬᠠᠯᠠᠭᠠᠵᠢᠭᠤᠯᠤᠯᠲᠠ ᠶ᠋ᠢᠨ ᠮᠡᠳᠡᢉᠡᠯᠡᠯ” ᠦᠶᠢᠯᠡᠴᠢᠯᠡᢉᠡ ᠶ᠋ᠢ ᠰᠣᠩᠭᠤᠬᠤ
- ᢈᠡᠦᢈᠡᠳ ᠦ᠋ᠨ ᠢ᠋ᠶᠡᠨ ᠮᠡᠳᠡᢉᠡᠯᠡᠯ ᠢ᠋ ᠳᠡᠯᢉᠡᠷᠡᠩᢉᠦᠢ ᠦᠵᠡᠵᠦ᠂ ᢈᠦᠰᠡᠪᠡᠯ PDF ᠹᠠᠶᠢᠯ ᠢ᠋ᠶᠠᠷ ᠲᠠᠲᠠᠵᠤ ᠠᠪᠬᠤ
ᠴᠠᢈᠢᠮ ᠢ᠋ᠶᠠᠷ ᠰᠢᠢᠳᠴᠦ᠂ ᠴᠠᠭ ᠢ᠋ᠶᠠᠨ ᢈᠡᠮᠨᠡᠶᠡ!