ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠦᠨᠡᠮᠯᠡᢈᠦ ᠰᠢᠨᠡ ᠪᠡᠷ ᠠᠪᠬᠤ ᠪᠣᠯᠤᠨ ᠠᠩᢉᠢᠯᠠᠯ ᠨᠡᠮᠡᢈᠦ ᠪᠣᠯ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᢈᠡᠷᠡᢉᠰᠡᠯ ᠵᠢᠯᠤᠭᠤᠴᠢ ᠪᠡᠯᠡᠳᢈᠡᢈᠦ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠰᠤᠷᠤᠯᠴᠠᠵᠤ᠂ ᠬᠣᠯᠪᠤᠭᠳᠠᠬᠤ ᠵᠢᠷᠤᠮ ᠤ᠋ᠨ ᠳᠠᠭᠠᠭᠤ ᠲᠤᠬᠠᠢ ᠶ᠋ᠢᠨ ᠠᠩᢉᠢᠯᠠᠯ ᠤ᠋ᠨ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᢈᠡᠷᠡᢉᠰᠡᠯ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠰᠢᠯᠭᠠᠯᠲᠠ ᠳ᠋ᠤ ᠲᠡᠩᠴᠡᢉᠰᠡᠨ ᠢᠷᢉᠡᠳ ᠦᠨᠡᠮᠯᠡᢈᠦ ᠪᠡᠨ E-Mongolia ᠰᠢᠰᠲ᠋ᠧᠮ ᠢ᠋ᠶᠡᠷ ᠵᠠᢈᠢᠶᠠᠯᠠᠬᠤ ᠪᠣᠯᠤᠮᠵᠢ ᠲᠠᠢ ᠶᠤᠮ᠃
ᠵᠠᠮ ᠤ᠋ᠨ ᢈᠥᠳᠡᠯᢉᠡᢉᠡᠨ ᠦ᠋ ᠲᠤᠬᠠᠢ ᠸᠧᠨ᠋ ᠦ᠋ ᠻᠣᠨ᠋ᠸᠧᠨ᠋ᠼ ᠤ᠋ᠨ ᢉᠡᠰᠢᢉᠦᠨ ᠣᠷᠤᠨ ᠠ᠋ᠴᠠ ᠣᠯᠭᠤᠭᠰᠠᠨ᠂ ᠤᠭ ᠻᠣᠨ᠋ᠸᠧᠨ᠋ᠼ ᠲᠤ ᠨᠡᠶᠢᠴᠡᢉᠰᠡᠨ ᢈᠦᠴᠦᠨ ᠲᠡᢉᠦᠯᠳᠡᠷ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠦᠨᠡᠮᠯᠡᢈᠦ ᠪᠦᢈᠦᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠢᠷᢉᠡᠨ ᠳ᠋ᠦ ᠱᠠᠭᠠᠷᠳᠠᠭᠳᠠᠬᠤ ᠪᠢᠴᠢᢉ ᠪᠠᠷᠢᠮᠲᠠ ᠶ᠋ᠢ ᠦᠨᠳᠦᠰᠦᠯᠡᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠦᠨᠡᠮᠯᠡᢈᠦ ᠣᠯᠭᠠᠳᠠᠭ ᠪᠣᠯᠤᠭᠰᠠᠨ ᠪᠢᠯᠡ᠃
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠦᠨᠡᠮᠯᠡᢈᠦ ᢈᠡᠷᢈᠢᠨ ᠵᠠᢈᠢᠶᠠᠯᠠᠬᠤ ᠪᠤᠢ?
- E-Mongolia ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᠯ ᠢ᠋ᠶᠡᠷ ᠢ᠋ᠶᠡᠨ ᠨᠡᠪᠲᠡᠷᠡᢈᠦ;
- ᠦᠶᠢᠯᠡᠴᠢᠯᠡᢉᠡ ᠨᠦ᠋ᢉᠦᠳ ᢈᠡᠰᠡᢉ ᠡᠴᠡ “ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠦᠨᠡᠮᠯᠡᢈᠦ” ᠬᠠᠶᠢᠬᠤ;
- ᠭᠠᠷᠴᠤ ᠢᠷᠡᢈᠦ ᠲᠠᠯᠠᠪᠤᠷ ᠤ᠋ᠳ ᠢ᠋ ᠦᠨᠡᠨ ᠵᠥᠪ ᠪᠢᠴᠢᢉᠰᠡᠨ ᠦ᠋ ᠳᠠᠷᠠᠭᠠ ᠲᠥᠯᠦᠪᠦᠷᠢ ᠲᠥᠯᠦᢈᠦ ᠰᠣᠩᠭᠤᠯᠲᠠ ᠭᠠᠷᠴᠤ ᠢᠷᠡᢈᠦ ᠪᠥᢉᠡᠳ ᠪᠡᠶᠡᠴᠢᠯᠡᠨ ᠣᠴᠢᠬᠤ ᠠᠪᠬᠤ᠂ ᢈᠦᠷᢈᠡᢉᠦᠯᢈᠦ ᠰᠣᠩᠭᠤᠯᠲᠠ ᠪᠠᠨ ᢈᠢᢉᠰᠡᠨ ᠦ᠋ ᠳᠠᠷᠠᠭᠠ ᠠᠮᠵᠢᠯᠲᠠᠲᠠᠢ ᢈᠦᠰᠡᠯᠲᠡ ᠲᠠᠨᠢ ᠢᠯᠡᢉᠡᢉᠳᠡᠨᠡ᠃
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤᠳᠬᠤ ᠡᠷᢈᠡ ᠶ᠋ᠢᠨ ᠦᠨᠡᠮᠯᠡᢈᠦ ᠑᠂᠒᠂᠓ ᠵᠢᠯ ᠢ᠋ᠶᠡᠷ ᠣᠯᠭᠤᠭᠳᠠᠳᠠᠭ ᠪᠠ ᠵᠢᠯ ᠡᠴᠡ ᠪᠡᠨ ᠬᠠᠮᠢᠶᠠᠷᠤᠨ ᠦᠨᠡ ᠶ᠋ᠢᠨ ᠳ᠋ᠦᠩ ᠵᠥᠷᠢᢉᠦᠦ ᠲᠡᠢ ᠪᠠᠶᠢᠨᠠ᠃
ᠬᠠᠷᠢᠨ ᠲᠠ ᠴᠠᢈᠢᠮ ᠢ᠋ᠶᠠᠷ ᠵᠠᢈᠢᠶᠠᠯᠠᠬᠤ ᠪᠣᠯᠤᠮᠵᠢ ᠦᢉᠡᠢ ᠪᠣᠯ ᠨᠡᠶᠢᠰᠯᠡᠯ ᠦ᠋ᠨ ᠦᠢᠯᠡᠴᠢᠯᠡᢉᠡᠨ ᠦ᠋ ᠨᠢᢉᠡᠳᠦᢉᠰᠡᠨ ᠲᠥᠪ ᠦ᠋ᠨ ᠖ ᠰᠠᠯᠪᠤᠷᠢ ᠳ᠋ᠤ ᠬᠠᠨᠳᠤᠨ ᠱᠠᠭᠠᠷᠳᠠᠯᠭᠠᠲᠠᠢ ᠪᠢᠴᠢᢉ ᠪᠠᠷᠢᠮᠲᠠ ᠶ᠋ᠢ ᠪᠦᠷᠢᠳᠦᢉᠦᠯᠦᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤ ᠶ᠋ᠢᠨ ᠦᠨᠡᠮᠯᠡᢈᠦ ᠪᠡᠨ ᠵᠠᢈᠢᠶᠠᠯᠠᠭᠠᠷᠠᠢ᠃
ᠵᠢᠴᠢ: ᠴᠠᠭᠳᠠᠭᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠡᠷᠢᠨ ᠰᠤᠷᠪᠤᠯᠵᠢᠯᠠᠬᠤ /ASAP/ ᠰᠠᠩ ᠳ᠋ᠤ ᠵᠠᠷᠯᠠᠭᠳᠠᠭᠰᠠᠨ᠂ ᠪᠡᠯᠡᠨ ᠪᠤᠰᠤ ᠲᠣᠷᠭᠠᠭᠤᠯᠢ ᠶ᠋ᠢᠨ ᠰᠢᠳᢈᠡᠯ ᠢ᠋ ᠲᠥᠯᠦᢉᠡ ᠦᢉᠡᠢ᠂ ᠵᠠᠮ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠣᠰᠤᠯ ᢈᠡᠷᠡᢉ᠂ ᠵᠥᠷᠢᠴᠡᠯ ᠦ᠋ᠨ ᠤᠯᠠᠮ ᠠ᠋ᠴᠠ ᠡᠷᢈᠡ ᠨᠢ ᢈᠢᠵᠠᠭᠠᠷᠯᠠᠭᠳᠠᠭᠰᠠᠨ ᠰᠢᠯᠲᠠᠭᠠᠨ ᠲᠠᠢ ᠢᠷᢉᠡᠳ ᠵᠠᢈᠢᠶᠠᠯᠠᠭᠠ ᠥᢉᢈᠦ ᠪᠣᠯᠤᠮᠵᠢ ᠦᢉᠡᠢ᠃
ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠯᠤᠭᠤ ᠶ᠋ᠢᠨ ᠦᠨᠡᠮᠯᠡᢈᠦ ᠦᠶᠢᠯᠡᠴᠢᠯᠡᢈᠦ ᢈᠦᠴᠦᠨ ᠲᠡᠢ ᠤᠯᠤᠰ ᠤ᠋ᠳ:
